غدوة الصباح دخلت سيلين مع صحباتها للثانوية وهي مطلعة راسها جا فايت عليهم حسام وقال: حاطة روحها حاجة وهي كي صحبتها ومشى وخلاهم راحت سيلين تجري ليه وجبداتو بقوة من يدو وقاتلو وش تقصد بذيك الهدرة وعليمن راك!
حسام: بعدي من طريقي
سيلين: مانبعدش حتى تجاوبني مدام كنت راجل وهدرت كون راجل وجاوب
حسام: كنت عليك، عندك مشكل؟
سيلين: هكا تعجبني بصح ماجاوبتنيش على سؤالي كامل. يعني واش تقصد
حسام: فتلك بلي نتي كي صحبتك لي هي مروة كامل البنات حلمهم الوحيد هو راجل
سيلين: احكي مليح ،اولا صحبتي حلمها ماشي راجل، ثانيا انا شخصيتي مختلفة تماما على صحبتي ولا على أي واحد في العالم
حسام: ملخر غير اخطيني بويسك انا مانصاحبش عيشة راجل خخ
سيلين: كيفاااش علاش راك تشوف فيا ميتة عليك؟!!
حسام: هكا قالولي
سيلين: شكون لي قالك جيبولي هنا نرخسو قدامك
حسام: اوكي ابقاي هنا ضك نجيبو
راح حسام جاب تقوى وجا
حسام: هاهي لي قالتلي رخسيها ترا
سيلين: نتي يا..... اليوم نقتلك
وبدات سيلين تضرب في تقوى وتقوى غير تعيط وحسام يحاول يفكهم بصح والو حتى جا المراقب وبعد سيلين على تقوى وقاللهم يجيو في زوج للإدارة..
راحو في زوج ودخل معاهم حسام
المراقب: ونتا واش؟
حسام: انا سبب المشكل
سيلين: وي نتا ادخل تشوف
سقساهم المراقب على واش صرا بيناتهم وشرحلو حسام كلش
المراقب: عندكم تقرير في زوج
سيلين: كيفاش؟!
حسام: وعلاه سيلين واش دارت دافعت على روحها برك وزيد ماخلاتش فيها الآثار هههه
سيلين: اسكت خير ماقتلكش دافع عليا
المراقب: وي صح عندك حق، بصح سيلين نتمنى يكون هذا أول وآخر تحذير عندك
سيلين: داكوغ
وخرجت مع حسام...
