في الليل كانت سيلين تحكي مع صحباتها في الانستا بويسك كانو دايرين ڨروب يقصرو فيه حتى قاتلها مروة بلي حسام من دخل وهو يشوف فيها قاتلها سيلين وانا وش دخلني فيه وفرمات تلفونها ورقدت..
غدوة الصباح ناضت فطرت مع عايلتها وسقساوها وش راهي دايرة في قرايتها قاتلهم صافا لباس منبعد راحت لصحباتها وراحو يقراو واليوم كان عندهم حصة رياضة راحو بدلو حوايجهم وبداو بالتسخين بويسك اليوم عندهم مباراة مع قسم من الباك.. كانو يوجدو حتى جاو تلاميذ الباك قاتلهم مروة شفتو واش شفت؟!! قالولها واش قاتلهم حسام وخالد ريمة حشمت بصح سيلين دارت روحها شغل ماسمعتهاش..
لعبو وكملو وربحوهم تاع الباك خخ منبعد قعدو وبقاو يقصرو وجاهم خالد وبقى يحكي معاهم وسيلين بالطبع مش مقيماتو هههه وكي كانو هوما يحكيو ناضت وحدة تقرا مع البنات اسمها تقوى و قعدت مع حسام وحاولت تتعرف بيه بويسك ماقيمهاش منبعد قاتلو علابالك بلي البنات كامل ميتين عليك؟ قاللها شكون! قاتلو كامل وبالأخص سيلين قاللها شكون سيلين نعتتهالو بيدها قاللها اوكي وناض...
