وشم الطفولة

يوم جديد

هاااااااي عاملين ايه
يلا نبدأ
🔴⚫🔴⚫🔴⚫🔴⚫🔴⚫🔴⚫🔴⚫
في اليوم اللي بعده
اوتيليا: صباح الخير يا رغود
رغدة: صباح الخير ايه؟ قولي مساء الخير الساعة ٣ العصر يا روحي
اوتيليا: اوباااااا انا نمت كل دة!!!! طب فين اسيل؟
رغدة: بتلبس عشان نفطر وتنزلو تعملو شوبينج
اسيل: هاي
رغدة واوتيليا: هاي يا اختي! ايه اللي انتي لابساة ده؟؟؟؟؟
اسيل: ايه وحش؟
رغدة: متقوليش!!! ده لبس اميرة؟🤦🏻‍♀️
اسيل: اه بس متقلقيش ذوق اميرة مختلف عن ذوق اسيل
اوتيليا: طب الحمدلله
وخلصو اكل ونزلو راحو المول وهم بيشوفو المحلات اتصل ادهم: الو؟
اسيل: الو؟
ادهم: عاملة ايه؟
اسيل: تمام
اوتيليا بصوت عالي: طب بالنسبة لكيس البطاطس اللي هنا؟
ادهم: ايه ده انتو مع بعض في نفس المحل؟
اوتيليا: اه......اميرة؟.......اميرة؟.....روحتي فين يا اما؟
اسيل: ايه؟ معلش حاسة اني شوفت مراد....
ادهم: وايه اللي هيجيبه عندكو؟
اسيل: مش عارفة ممكن يكون تخيل عادي يعني
اوتيليا: لا مش عادي احنا مش بنتخيل حاسة البصر عندنا بمليون صقر ويمكن اكتر انا هتصل بالحراس يمكن يكون حد من رجالة علي وفي الاخير احنا كدة كدة متراقبين........
ادهم: انا جايلكو حالا
اسيل: لا مفيش داعي احنا هنروح علطول وهعمل شوبينج اونلاين واستاذ سمير يشوف الشقة وانا طالما هفضل فاضية طول اليوم فأنا جاية الشركة......
ادهم: انا هاجيلكو البيت اخدك طيب تمام؟
اسيل: اللي يريحك...
وروحو البيت بسرعة وميعرفوش هل ده فعلا مراد ولا واحد بيمثل انه هو؟ والبنات فعلا عملو شوبينج اونلاين واشترو حاجات كتير ولبست اسيل حاجة منهم وكانت جميلة جدا
ادهم عمل كلاكس لأسيل عشان تنزل
ادهم: بقولك ايه انا مش مستريح لموضوع الشقة ده وانك تبقي لوحدك..
اسيل: لازم احاول اخلي علي يتردد هل انا فعلا اسيل ولا اميرة
ادهم: من وصفكو لية انا حاسس انه هو مش سهل!!!!
اسيل: ربنا يسهل
ووصلو الشركة والكل عمال يسلم علي اسيل ويباركلها علي الخطوبة وكل ده كانت سوزي واقفة بعيد بتشيل حاجاتها من الشركة ودخلت اسيل مكتب ادهم وسوزي كانت ماشية وراها وسامعاها
ادهم: عايزة حاجة يا اميرة؟
اميرة: هو لازم اعوز حاجة عشان ادخل مكتب حبيبي؟
ادهم الاول مفهمش بس بعد كده اسيل غمزت وبصت جمبها بطرف عينها و لمح سوزي
ادهم: لا مش محتاجة انتي تدخليه اي وقت
واسيل عمالة تبص لعين ادهم وهو كان باصص فوق الباب وهي لمحت بردو في عينه ان سوزي لسه واقفة راحت حضنته
اسيل: وحشتني جداااااااا جدااااااا وماما ستيلا وايمي كمان ولا كأن عدي سنة من غير ما اشوفك! وكنت خايفة اخسرك بسبب اللي حصل امبارح ومشوفكش تاني!
طبعا ادهم فقد النطق والبصر وووو وحاجات كتير كان مركز في قربها منه وان راسها علي قلبه بالظبط عشان هو طويل وهي اوزعه
واما اسيل حست ان ضربات قلبه كانت جامدة لدرجة انها صدعت دماغها
اسيل في دماغها:[ يا دي النيلة هي مش ناوية تغور]
شابت اسيل و قربت من وش ادهم وقالت في ودنه: هي مشت ولا لسة
طبعا ادهم بردو كان متشتت بردو بسبب انفاسها في ودنه وقد ايه هي دافية❤ هز راسه بمعني لا
واسيل بتحاول تخبي خجلها بس مضطرة ووشها احمر شوية شابت تاني وباسته من خدة
طبعا مش محتاجة اقول ان ادهم كان هيتشل ساعتها وحبة كمان كان هيطلعله جناحات ويطير من الفرحة.....وطبعا مش محتاجة اقول عن كوم الزبالة اللي كان بيولع وراهم
مدام ستيلا بصوت غليظ: نهارك اسود!!!!!! بتعملي ايه يا سوزي؟
سوزي: انا....انا..
ايمي: كانت بتبص علي ادهم واميرة يا ماما
بصي يا بت... انتي ملكيش مكان هنا خلاص خدتي حاجات يلا بالسلامة مشوفش وشك هنا تاني يا همجية يا قاتلة يا مجرمة!!!!!
طبعا الكل اتصدم من ردة فعل ايمي وصوتها اللي جاب اخر الشركة وادهم واميرة اتنفضو وكانت اميرة هتقع بس لحقها
اميرة: شكرا....تعالي بسرعة اخرج واتكلم عادي
عدل ادهم صوته وكان مش عارف هيموت من الضحك بس اللي عملته اميرة ولا بسبب اللي عملته ايمي دده طلعت سوزي عبء كبير علي الشركة كلها وكان الكل بيعدي غلطاتها بس المرة ديه زي ما بيقولو لقد طفح الكيل وديه القشة اللي قسمت ظهر البعير
ادهم بتهجم : فيه ايه؟ ايه الدوشة ديه؟ بتتفرجو علي ايه كل واحد علي شغله يلااااا
فيه ايه يا ايمي صوتك جايب اخر الشركة؟
ايمي: سوزي كانت واقفة بتتصنت عليك!!!!!
ادهم: لاحظي ان غلطاتك بتزيد وانا بعدي كتير وبقول صديقتك من الطفولة استحملها لكن كدة كتير يا امن.....يا امن.......
الامن: نعم يا باشا؟
ادهم: ساعة لحد ما تردو؟ طلعوها برا
سوزي: لا استنو سيبوني!!!! سيبوني!!!!!!
مونيكا في عقلها: من اعمالك السودة يا سوزي! ياما قولتلك بلاش كل ده مسمعتيش كلامي😣 ولازم اسكت عشان احفظ مكاني في الشركة ومحصلكيش بس انا هفضل وراكي وهشوف هتعمل ايه لحد ما اجيب اخرك🙄
بعد ما خرجت سوزي من الشركة جالها تليفون
سوزي: الو؟؟
المتصل: الو بصي عشان منتكلمش كتير انا فاعل خير وانا من اعداء اميرة وزي ما بيقولو عدو عدوي صديقي ولازم نتوحد عشان نقدر نهزمها
سوزي: من عنيا😈😈🤝🏻
المتصل: زي الفل...عجبتيني كده نتقابل في *****
سوزي: تمام ساعتين بالظبط وتلاقيني عندك
في نفس الوقت في الشركة
ادهم كان متعصب بجد....عشان اسيل ضيعت اللحظة
ايمي: ازيك يا ملاك عاملة ايه؟
اميرة بصتلها بصة حنان وقالت: حبيبتي انا كويسة وبالنسبة لموضوع ملاك فالملايكة في السما بس انا هنا اسمي اميرة
ايمي بضحك: ممكن اقولك ميرو؟
اميرة: طبعا!!!! انتي بتسألي ازاي؟😄
ستيلا: يااااه انا حاسة ان قلبي مستريح بجد
تعرفي يا اميرة انتي اول واحدة ايمي تتعود عليها بالشكل ده انتو كأنكو عارفين بعض من سنين
وضحك الكل وكان ادهم سعيد جدا ان اهله اتعودو عليها بالسرعة ديه وجيه اسيل اتصال
اميرة: عن اذنكو محتاجة ارد علي المكالمة ديه
ستيلا: براحتك يا حبيبتي
اميرة: الو؟ استاذ سمير؟
سمير: اهلا يا بنتي انا جهزت الشقة ايجار جديد والعنوان اهوه********* تمام؟
اميرة: شكرا يا استاذ سمير
سمير: العفو يا بنتي علي ايه!!!
وبعد ساعتين
علي: اهلا بالسنيورة
سوزي: بيئة اوي بس تمام ها؟ كنت عايز تعمل ايه؟
علي: باين انك غلاوية اوي
سوزي: ايه ده؟ انت جاي تغلط ولا ايه؟
علي: لا خلاص بهزر بس بصي الحكاية............الخ......وبس
سوزي بضحك: عقدة طفولة؟ كل ده عشان كانت بتصاحب الكل الا انت؟
علي: ومش بس كدة ده كمان من كام سنة اعترفتلها بحبي ليها ورفضتني
سوزي: طيب اركن كل ده علي جمب عشان انا اتلخبطت عالاخر يعني اميرة هي اسيل الهواري اخت اوتيليا وعندهم قوة سحرية واسيل اللي هي اميرة لسة عارفة موضوع القوة من كام يوم ومش عارفة تتحكم فيها كويس؟
علي: ما شاء الله! اما تعيدي الكلام اللي قولته انا كدة استفدت ايه؟
سوزي: انت مجنون؟ لا معلش قول الحكاية ديه لحد غيري انا مش عيلة صغيرة عشان تقولها الكلام ده
علي: طيب اومال تفتكري عرفت تقتل الخاطف ازاي؟
سوزي: مونيكا كلمت اميرة وقالت ان اوتيليا انقذتها وكان معاها صاحبها
علي: انتي مدركة انك بتقولي الاجابة بتاعة سؤالك لنفسك؟؟
سوزي: بمعني؟
علي: مين صاحب اوتيليا الوحيد؟
سوزي: خالد ؟
علي: وخالد كان فين؟
سوزي: ايه ده؟!!!!! خالد كان موجود لما الحفلة خلصت يبقي اوتيليا كانت لوحدها.....وهي مش هتعرف تهجم علي حد وهي لابسة فستان ضيق وطويل كمان.........
علي: بالظبط!!!
سوزي: طيب والعمل؟
علي: احنا نسيبهم كام يوم وانا هختفي من الصورة خالص لحد ما اهجم مرة واحدة وابقي خلي مونيكا توصلك معلوماتها تمام؟
سوزي: تمام....علي البركة
علي: وقعتي ومحدش سمي عليكي يا اسيل....
في بيت الهواري
اوتيليا: الو؟ ازيك يا مراد عامل ايه؟
مراد بتوتر: تمام الحمد لله
اوتيليا: بقولك ايه؟ انت كنت في المول النهاردة؟
مراد في دماغه: [ لو قلت لا هيقلقو ولو قلت اه هتكشف اعمل ايه؟]
مراد: اه كنت هناك بشتري حاجات وهدوم وكده
اوتيليا: مش تقول من الصبح!!!! ده احنا اترعبنا كنا بنحسبك من واحد من رجالة علي وجرينا عالبيت علطول ده انت وقعت قلبنا في رجلينا
مراد: معلش مكنتش اعرف انكم هناك
اوتيليا: طيب تمام سلام عشان مطولش عليك تلاقيك مشغول يا حبة عينك ما هو الطب مش سهل!
مراد: سلام
في عقله: لو كنت اتكشفت مكنتش هسامح نفسي!!!!!!
اوتيليا: مامييي انا رايحة الشركة لأسيل
رغدة: لأسيل ولا لأحمد
اوتيليا: عيب علي سنك علي فكرة!
رغدة: ماشي يا اوزعة يا ام نص لسان!!!
اوتيليا: مين الاوزعة؟؟؟؟ متخليناش نتكلم بقا!!!
رغدة: يالهوي انا لو كملت كلام معاكي مش هخلص امشطلعبرا [اختصار ل امشي اطلع برا]
اوتيليا: ماشي....ماشي.....يلا سلام
وخرجت اوتيليا من البيت وركبت العربية وراحت الشركة وقابلت اسيل قدام الكل وقالت: البيست بتاعتي عاملة ايه النهاردة؟
اسيل حضنتها وقالت في ودنها: احمد في المكتب اللي هناك اخر الطرقة شمال
اوتيليا: تصدقي انتي اللي تفكيرك شمال!!!
اسيل: مش عليا يا حبيبتي!!
اوتيليا: هو انا واضحة اوي؟
اسيل: لا بس وشك محمر شوية ولو فضلنا كده هيفهمونا غلط😉
اوتيليا بعدتها وضربتها في كتفها براحة
ايمي: طنط منين بتحضني ميرو ومنين بتضربيها؟
اوتيليا اتصدمت: طنط!!!! يا نهار اسود انا بقيت طنط!!!!!! الحقوني هيغمي عليا!!!!!!
واوتيليا رمت نفسها علي اساس ان اسيل هتمسكها بس اميرة بعدت
اوتيليا: اااااااه
ومسكها احمد وقال: ميمي هو مش لدرجة طنط.....طنط ديه قوليها لعمتك
ايمي: وانت مالك يا رخم وطلعت لسانها
احمد: والله؟!!!!! طيب تعالي بقا
استخبت ايمي ورا اسيل عشان مش هيعرف يقربلها والا ادهم كان بلعه
اوتيليا: بتتحامي في اميرة؟ انا اللي جيالك.!!
جرت اوتيليا ورا ايمي لحد ما مسكتها وشالتها وعمالة تلعب في خدودها وتبوس فيها
ايمي: اااااااه خلاص يا تيتو تعبت
اوتيليا: انتي جيتي تكحليها عميتيها والله مانا سايباكي
واحمد عمال يبص لاوتيليا وشبه متنح في تصرفاتها
ادهم جيه من وراه وقال: بطل الضحك البلهاء ديه واقفل بوقك عشان الدبان😏
احمد: انت بتردهالي؟
ادهم: ما شاء الله نبيه!!
احمد: فاكر يا ادهم ايام ثانوي
ادهم: لااااا بقولك ايه هتفضحني هفضحك فاكر انت سلمي؟
في اللحظة ديه وقفت اوتيليا ضحك ولعب وبلعت ريقها وقالت: تعالي يا اميرة عشان هوصلك ونتكلم شوية.... سلام ايمي سلام ادهم سلام......
اسيل بصت لأدهم جامد معناها انه عك الدنيا وخرجت وراها
احمد: الله يحرقك ايه اللي هببته ده؟
ادهم: والله ماقصدتش!!! انا مكنتش اعرف انها هتسمع
ادهم في عقله: [ يادي النيلة نسيت ان حواسهم قوية]
احمد: ديه تجاهلتني!!!! قالت سلام وسكتت منطقتش اسمي حتي!!!!!
احمد ساب ادهم ودخل مكتبه
اسيل واوتيليا ركبو العربية
اسيل: متزعليش ديه تلاقيها الاكس بتاعته عادي يعني!!!!
اوتيليا: حبكت ادهم يقول اسمها دلوقتي يعني؟؟؟ بصي اقفلي السيرة الهباب ديه.... اه صح تعرفي اللي شوفناه في المول كان مراد
اسيل: بجد؟؟؟ طب كويس طمنتيني
اوتيليا: اه ما انا اطمنت بردو اول ما قالي بس فيه حاجة مش مظبوطة!!
اسيل: حاجة زي ايه؟
اوتيليا: صوته كان غريب كان متوتر
اسيل: يا ستي تلاقيه كان متوتر
اوتيليا: تفتكري يكون علي عمله حاجة خلاه يشتغل لحسابه؟
اسيل: لا لا متقلقيش بس تعرفي بردو الاحتياط واجب منضمنش انا بقيت اشك في صوابع ايدي
اوتيليا: طب ايه رايك نروح النادي يا بتاعة الصوابع؟
اسيل: ماشي يا اختي😂 بقولك ايه اركني هنزل اشتري حاجة من المحل اللي هناك
اوتيليا: ماشي خالي بالك من نفسك
اسيل: والله عال!! الصغيرة الاوزعة بقت تقول للكبيرة خالي بالك من نفسك
اوتيليا: طب علي فكرة انا اطول منك
اسيل: ايه ده بجد؟
اوتيليا: شايفة ايه؟
اسيل: اني اسف😂
ونزلت اسيل من العربية واتصلت بادهم
اسيل: الو؟
ادهم: الو؟ مالك حصل حاجة؟ انتي كويسة؟
اسيل: هو انا لازم اكلمك لما يحصل حاجة؟
بص انا واوتيليا رايحين النادي هات احمد وتعالي ومتقولش حاجة عني او عنها وانا هعمل نفس الكلام
ادهم: تمام
قفلو ورجعت اسيل للعربية
اوتيليا: بقولك ايه؟
اسيل: هممم؟
اوتيليا: ادهم عامل معاكي ايه؟
اسيل: مش فاهمة؟
اوتيليا: لا بقولك ايه؟ مبحبش اللي بيستعبط انتي فاهمة قصدي كويس
اسيل: عايزة الصراحة؟
اوتيليا: متعصبينيش يا بت انتي!!!! اومال هقولك لاعايزة الكدب؟!!!
اسيل: هو ظريف وانا بدأت اعجب بيه واهله طيبين جدا معايا واخته بتقولي ملاك وبحس بأمان وانا معاه علي عكس اي حد
اوتيليا: اه فعلا هو اخته طيبة بس لمضة لماضة مجتش في حد قبل كدة و.....بصي حاولي تكوني طيبة اكتر واتكلمي بطبيعتك متركبيش وشك الخشب
اسيل: شوف مين بيتكلم😅
اوتيليا: بس يا بابا😂
في الشركة
ادهم دخل مكت احمد لاقاه واقف بظهره ووشه للشباك وتليفونه عمال يرن ولا هو هنا
ادهم: الو؟...اهلا استاذ سعيد ....معلش مكناش في المكتب كان فيه اجتماع....نتكلم في الصفقة بعدين .....تمام....سلام
ولسة احمد متحركش من مكانه وسرحان ومحسش بدخول ادهم وكلامه من الاساس
ومرة واحدة كف حكومة خماسي نزل علي قفا احمد
ادهم: ياض مش انا عمال اكلمك وانت ولا هنا
احمد: اتلم ولم الدور عشان مزعلكش يا ادهم كفاية اللي هببته من شوية!!!!!
ادهم: طب بص ما تيجي نروح النادي؟ ايه ده؟ انا بسألك ليه اساسا؟ احم.....جهز نفسك روح غير البدلة والبس كاجوال وانا هعمل نفس الكلام يلا
احمد: طيب
ووصلو البنات النادي لإنهم كانو لابسين كاجوال من الاول ودخلو وقعدو وسمعو صوت بنت
_ اوتيليا؟.....اوتيليا!!
لفت اوتيليا لاقتها زميلتها في الكلية بس مغرورة جدا
اوتيليا لأسيل: هو يوم باين من اوله!!!!
اوتيليا: ازيك يا سوسو عاملة ايه
سلمي: كويسة يا تيتو اخبار الشغل ايه
اوتيليا: تمام ..... طب اميرة تعالي معايا.....عن اذنك يا سلمي
ومشو وقعدو علي ترابيزة تانية
اسيل: مين الملزقة ديه؟
اوتيليا: ديه بنت كنت عارفاها في الكلية....انت شوفتي دخلتها عاملة ازاي جاية تقولي اخبار الشغل ايه بدل ما تسأل عني او عن ماما
اسيل: يا ستي فكك مش ديه اللي هتبوظ الدماغ بتاعتنا
اوتيليا: انتي لية محسساني ان احنا شاربين حشيش؟😂🤣🤣
اسيل: مش عارفة والله😂😂😅
بعد ساعة
اسيل: ايه ده بصي مين جه؟
اوتيليا لفت لاقت احمد بعدها بصت لاسيل وقالت: يلا نروح الجو اتاخر
اسيل: اهدي شوية بقا متقرفيناش
اوتيليا: انتي كنتي عارفة؟
اسيل: اه اتهدي بقا!!
ادهم: اهلا يا بنات ممكن نقعد معاكو؟؟
اسيل: طبعا!
نص ساعة ادهم واسيل بيتكلمو واحمد بيبص لاوتيليا ببرائة وهي بتبص بإحتقار
اسيل: بقولك ايه يا ادهم تعالي معايا
اوتيليا: طب ما تخديني معاكي وسيبي ادهم مع صاحبه؟
اسيل: لا معلش عايزة اقوله حاجة
واول ما قاموا اوتيليا مسكت تليفونها وبتلعب فيه
احمد: اوتيليا......اوتيليا.......اوتيليا!!
اوتيليا:😠نعم؟ افندم؟ اي خدمة؟
احمد: ممكن تسيبي التليفون عشان نتكلم
اوتيليا: لا مش ممكن
احمد شد التليفون وقالها: استريحتي كدة؟!!
اوتيليا: اوف😕
احمد: بصي سلمي هي الاكس بتاعتي مش اكتر
اوتيليا: وانا مالي؟ ان شالله تكون مراتك انا مالي؟
احمد : هتكوني فرحانة لو هي كدة؟؟
اوتيليا بصتله بقرف وسكتت
احمد: بهزر والله وباس ايديها وقال: اسف
وطبعا اسيل وادهم كانو بيراقبوهم من بعيد شوية واسيل كانت سامعاهم
اوتيليا: انا رايحة الحمام
احمد: ماشي
اوتيليا وهي راجعة سمعت كلام شوية بنات
_ انا سمعت ان سلمي عبد العزيز واحمد رجعو لبعض
- اه وانا كمان سمعت!! ديه سلمي طلعت قادرة
_ تعرفي ان الموضوع واضح اوي انهم يكونو في نفس المكان ويا سبحان الله اتقابلو بالصدفة
- اراهن ان سلمي هتلزق فيه وهو مش هيبعدها تعالي نطلع نشوف
طبعا كان ادهم واسيل بيتكلمو في مكان تاني بعد ما اتطمنو علي عيالهم اوتيليا واحمد
اوتيليا طلعت لاقت سلمي قافشة في كتف احمد وبيتصورو وهو مش عايز يحرجها بس الموضوع وصل لاوتيليا بالعكس ان هو حابب الموضوع
دخلت اوتيليا وهي بتصقف جامد وقالت: قد ايه انتو لايقين علي بعض بس انتو رجعتو لبعض امتي؟
سلمي: من يومين
احمد: ايه اللي انتي بتقولية ده؟ ابعدي!
اوتيليا: والله؟ انت لسة فاكر تقولها ابعدي دلوقتي
سلمي: انتي بتتكلمي كدة لية؟ انتي تعرفيه منين؟
اوتيليا بسخرية: انا اخته.....عن اذنكو
وطبعا ادهم واسيل شافو اللي حصل من بداية التصقيف لإنها كانت قاصده تلفت انتباه الكل
اسيل: اوتيليا استني.... سلام يا ادهم
احمد وادهم جرو وراهم واسيل واوتيليا سريعين جدا اوتيليا دخلت العربية ورزعت الباب واسيل دخلت واوتيليا ساقت بأقصي سرعة عشان تبعد بعدها مشيت بالسرعة العادية بعد ما بعدت
اسيل:  انا اسفة...انا اللي جبتك
اوتيليا: انتي كان قصدك كويس بس هو اللي طلع زبالة يلا اقفلي السيرة ديه
اسيل: تمام...انا اما نزلت من العربية جبت البسكوت بالشيكولاته اللي بتحبيه
اوتيليا: جبتيها في وقتها شكرا يا حبيبتي
وفتحت الكيس واكلت البسكوت وكانت بتفرمه مش بتاكله وهديت اما خلصت واما وصلو البيت
رغدة: يلا عشان العشا
اوتيليا: مش عايزة اكل وهنام في اوضتي ومحدش يخبط عليا تصبحو علي خير
رغدة: هو فيه ايه؟
اسيل: كنا في الشركة وجاتلي وكان احمد موجود و.............الخ
رغدة: طيب هو ده سوء تفاهم ولا هو زبالة
اسيل: انا هبقي اكلمه واشوف هيقول ايه بصي انا مش جعانة تصبحي علي خير
رغدة: ربنا يهديكو
اسيل: يا رب ويخليكي لينا
وطلعت اسيل اوضتها بتفكر في تفاصيل اليوم وبدأ وشها يحمر وعينيها تتحول لمجرد انها فكرت في اللي حصل لاوتيليا
في اوضة اوتيليا
اوتيليا: انا مالي بيه؟ انا مااااااالي؟ انا متضايقة لية؟ ما انا اللي غبية انا اللي غلطانة انا اللي زفت انا اللي تاعبة الكل انا فيا كل العبر لحظة....انا ايه اللي بعمله ده؟ ايه الهبل ده
وكانت كده بالظبط

سمعتها اسيل من وهي في اوضتها حست بيها وراحتلها واخدتها في حضنها وكانت نار اسيل بتشتعل اكتر وتقدر تحرق اي حد الا امها واختها
اسيل في عقله:[انت نهارك اسود يا احمد]
اسيل: بصي يا لولو انت تيجي الشركة معايا عادي جدا ولا كأن اي حاجة حصلت انا عارفة ان ده هيوجعك بس لو مش عايزة براحتك وفي نفس الوقت بردو لو عايزانا نسافر بردو براحتك
اوتيليا بعياط: لا...لا يا اسيل... حق بابا لازم ناخده...بعدها نسافر....وانتي عندك حق ...انا بردو صاحبة شركة معروفة وعندي صفقات مع شركة ادهم انا هتصرف وهعامل الكل بحنية وطيبة ولو كلمني مش هرد عليه
اسيل: ايوة انتي كدة بنت الهواري☺ طب بقولك ايه انا هروح اعمل حاجة في اوضتي واجي انام جمبك
اوتيليا: انتي رايحة تكلمي ادهم وتطمنيه.. انا مش هبلة يا اسيل
اسيل: مهما كبرتي هتفضلي هبلة وصغيرة ونونو😂
اوتيليا: الله يسامحك ضيعتي مود النكد😅
اسيل: يا شيخة خليه يغور مش عايزينه سكة السلامة.... فوتك بعافية يا قطة😅
اوتيليا: انتي مسخرة والله
اسيل: انا عارفة اني عسل بس انتو مش مقدرين
اوتيليا في عقلها: ربنا يستر وميحصلكيش اللي حصل فيا يا اسيل
ودخلت اوضتها : الو يا ادهم.....ها؟ عاملة ايه؟ انت بتسأل؟ اكيد منهارة بس متبينش لاحمد حاجة تمام؟.....بص قوله اميرة بتقولك انت انسان حقير وكلب وبتاع بنات وجزمة وبغل وحيوان واي شتيمة تيجي في دماغك هو يستاهل... طب سلام عشان مسبهاش لوحدها
ودخلت اوضة اوتيليا تاني وطفت النور وكانت بتعيط في حضنها لحد ما نامت من التعب
🔴⚫🔴⚫🔴⚫🔴⚫🔴⚫🔴⚫🔴⚫
الفصل خلص بس القصة مخلصتش
تفتكرو مين الغلطان احمد ولا اوتيليا
محدش يقول اسيل...هي طبيعي تدعم اختها