وشم الطفولة

اعتراف

ازيكو عاملين ايه؟
اتمني تكونو بخير دايما
اسفة علي التأخير بس فعلا حصلي ظرف والتليفون باظ خالص ومفيش حتة سليمة والدنيا كانت زي الفل
ادعموني بتعليق في نهاية الفصل وبين الفقرات
------------------------------------------------
في اليوم التالي
لبست اسيل لبسها العادي بس اختها كانت العكس تماما ملبستش كاجوال كالعادة لا دي لبست فستان قصير واطلقت لشعرها العنان سايح علي ظهرها وطبعا مننساش شوية مكياج ونزلو للسفرة عشان يفطرو
رغدة: يا بنا.... جيتو في وقتكو القلوب عند بعضها او المعدة بمعني اصح صباح الخير
اسيل: صباح الخير..ايه ده!!
اوتيليا: صباح الخير..مالك بتبصيلي كده لية؟
رغدة: ماشاء الله
اسيل:اوبااااا هو القمر بيطلع بالنهار ولا ايه
اوتيليا: والله بحس انك بتشربي حشيش من ورايا
اسيل: اه الحشيش الاسمعلاوي الطويل ده عشان بيعمل دماغ بنت لظينة بس ايه الجمدان ده يا بت
اوتيليا: لظينة؟!!! جمدان؟!! بت انا بدأت اشك فيكي
اسيل: لا متقلقيش انتي مش نوعي
اوتيليا: احيه انت بتقول ايه؟!!  مامااا شايفة بنتك
رغدة: اولا هو المفروض تكون سامعة بنتك مش شايفة بنتك
اوتيليا: يووووووه بقا
رغدة: خلاص يا لمضه خلصو افطرو واعملو خطتكو الجهنمية
اوتيليا: هي قالتلك؟!!!
رغدة: اكيد ده انا بابا يلا...ولو عوزتي نصيحة رقبتي سدادة
اوتيليا: رقبتك سدادة؟!! انا عرفت اسيل طالعة لمين
اسيل وهي تتكلم بغرور: مش عاجبك طلقني
رغدة: انتو هتتكلمو كتير وانا سرحانة في الاكل وشكل الاكل عاجبني الصراحة افضلو اتكلمو كده و5 دقايق ومش هتلاقو لقمه تاكلوها
اسيل واوتيليا: لاااااااا احنا جعانين!!
الكل ضحك علي الهبل اللي حصل وتمنو من قلبهم ان الضحك يدوم و بعد الاكل بدأت الخطة راحت اوتيليا الشركة مع اسيل
مونيكا: اهلا اميرة عاملة ايه النهاردة
غمزت ليها اسيل عشان تنفذ دورها في الخطة بعد ما بقت صديقتها..(واااااو شكلك شيك جدا يا اوتيليا انتي هتتجوزي النهاردة ولا ايه؟؟)
اتكلمت مونيكا بصوت عالي وهي قاصدة خرج احمد من مكتبه عشان يشوف اوتيليا وخرج ادهم عشان يشوف اسيل عشان اتأكد من وجودها طالما اوتيليا جت واتصدم احمد من شكل اوتيليا
لابسة فستان احمر يعكس شخصيتها قصير بعد الركبة بشوية حمالات وضيق من الوسط متزين بورد دانتيل نفس اللون وفيونكة سودة من الخلف وكانت عاملة زي الساعة الرملية
احمد: اهلا انسة اوتيليا بس مش ملاحظة ان الفستان غريب شوية
اوتيليا: ما غريب الا الشيطان يا.... اه صح استاذ ادهم عملت ايه في صفقة المراوح اللي اتكلمنا عنهامن اسبوع..لازم تتم في اقرب وقت اصل فيه ناس سمجة لازم نطيرها عشان خانقانا
اسيل كاتمة الضحك بالعافية وبتحاول تقف يثبات عشان محدش يلاحظ
ادهم: اه طبعا والناس ديه غبية من دون نقاش..اتفضلي يا انسة اوتيليا وانتي يا اميرة حضري مستندات الناس السمجة..قصدي المراوح
اسيل وهو تحاول كتم الضحكة: بفف حاضر مستر ادهم
بعد انتهاء الاجتماع
احمد: بصي من غير كلام كتير سلمي الاكس بتاعتي مش اكتر
اوتيليا: اه..الاكس بتاعتك..ديه رجعت مطرحها وانا هشوف مطرحي في حتة تانية عن اذنك
احمد: استني ارجوكي انا متوقعتش انها هتعمل كده بس هي كانت بتتصور عادي معايا اننا اتقابلنا صدفة ومرة واحدة عملت كده
اوتيليا: اه طبعا ما هي لمحتني بطرف عينها قبل ما انت تشوفني
احمد: اوتيليا
اوتيليا: نعم؟
احمد: انا بحبك علي فكرة
اوتيليا: هه؟
احمد:هه ايه؟
صفر ادهم وصفقت اسيل
مونيكا: كده هيبقي عندنا اتنين مخطوبييين
اوتيليا: انتو بتقولو ايه؟
طلع احمد خاتم من ايده ولبسه لاوتيليا
اسيل: اوبااا ده انت مجهز بقا
احمد: اومال لا اومال طبعا...ايه ده؟ انتي بتعيطي؟ هو انا عملت حاجة غلط؟
حضنت اوتيليا اسيل وبصت لاحمد وقالت بصوت مبحوح: وانا كمان
احمد كان عامل زي اللي قلبه بيدق جامد وبدأ يظهر من جسمه ودخل فيه سهم الحب
ادهم: احمااااد عينك قلبت قلوب
دخل شخص لم يتوقعه احد وهو يصفق ويقول الله الله اوتيليا اتخطبت ولبست الدبلة وانا كيس جوافة يا بنت الهواري
ادهم: اهلا مدام رغدة بس هو العيلة كلها بتدخل تصفق ولا ايه
احمد: اهلا حماتي
رغدة: حمة اما تحميك بماية نار يا بعيد
احمد: ايه ده؟ انا بدأت اتوغوش
اوتيليا: احمد غني اغنية حمادة هلال بتاعة حماتي بتحبني
اميرة: بتحبه ههههه ديه هتحرقه
ادهم: مين هيتحرق ناوو
رغدة: بجاز وسخ
اسيل: ايه ده انتي بتتكلمي بجد
رغدة: ده شكل واحدة بتهزر؟ تعالي ورايا يا اوتيليا
اوتيليا: ماما....بتعملي ايه...اااه
مسكت رغدة ايد اوتيليا وشالت الخاتم بسرعة وحدفته عل احمد والكل مصدوم وسحبت اوتيليا ومشيت
اسيل: استاذ ادهم انا همشي وراهم افهم اللي حصل سلام
لم تنتظر رد ادهم ومشيت وراهم
ودخلت رغدة العربية وراها اوتيليا وراها اسيل
رغدة: قبل ما اسمع اي كلمة انتو خليتو رقبتي قد السمسة وشكلي زي الزفت بنتي لبست خاتم ايا كان دبلة ولا زفت علي دماغكو وانا مش موجودة ما هو لو كان جد كان جيه البيت من بابه انا بحاول احميكو بشتي الطرق بعد موت ابوكو ميجيش واحد ابن .....استغفر الله العظيم
واتحركت بالعربية لحد ما وصلو البيت  نزلت اوتيليا بدموع وطلعت اوضتها ورغدة نزلت ورزعت الباب جامد والعربية اتهزت من قوتها واسيل نازلة مش فاهمة حاجة خالص وبصت مكان الرزعة ومسكت الباب لاقيته طلع في ايديها
اسيل لنفسها: هي ماما كسرت الباب ازاي؟
رغدة: قولي ل عم حسن يجيب 3 مربعات طوب احمر من المخزن
اسيل: حاضر...ربنا يستر
راحت اسيل لعم حسن وقالتله اللي حصل في العربية وطلب امها
عم حسن: لا حول ولا قوة الا بالله شكل المدام علي اخيرها
اسيل وعم حسن شالو الطوب لحد اوضة اوتيليا واما دخلت لاقت اوتيليا بتعيط جامد ورغدة بتبصلها بصة مميتة
رغدة: حطهم علي الارض وامشي يا عم حسن وانتي اقعدي جمب اختك
رغدة:.....
------------------------------------------------
كده الفصل خلص وعارفة انه قليل جدا عن اللي بكتبه كالعادة بس حاولت ازود احداث في كمية اقل عشان بكتب بصعوبة بس ان شاء الله الفصل الجاي هينزل في اقل من4 ايام وهيبقي طويل