وشم الطفولة

يوم غريب

ازيكووو عاملين ايه؟
صباح الفل او مساء الفل علي حسب وقت قرايتكم القصة💝
اعذروني في اي اخطاء املائية بس انا بكتب صح والكيبورد بيحاول يتفلسف عليا🤦🏻‍♀️
ادعموني بتصويت وكومنت😍😍
ويلاااااااا نبدأ
🔴⚫🔴⚫🔴⚫🔴⚫🔴⚫🔴⚫
رغدة حطت المربع الاول قدامها وهي في وضعية محاربة وقالت: اللي يضايقني هيحصل فيه كدة وضربت المربع بالبوكس اتفتفت١٠٠ حتة واللي يدافع عن اللي يضايقني هيحصل فيه كدة وضربت المربع التاني اتفتفت١٠٠٠ حتة واللي يحرجني بالشكل الزبالة ده يحصل فيه كداااة والمرة ديه ضربت المربع التالت ومكانش متبقي منه غير نقط حمرة علي الارض وانتشر التراب في الاوضه وكانت اسيل واوتيليا بيكحو جامد من اثر التراب وشافت اسيل وشم شفاف في ايد رغدة وظهر وهي بتضرب والوشم عبارة عن ايد بتضرب بالبوكس زي ده👊ومكتوب POWER
اسيل: انتي كمان....
رغدة: تفتكري هسيب مراد يعملكم وشم وانا اكون الضعيفة الوحيدة اللي في العيلة؟ عشان  اتقتل زي ابوكم!!!
وانتي يا هانم مش ده اللي نيمك معيطة امبارح بسهولة كدة سامحتيه؟!! ضحك عليكي بكلمتين ده حتي متعذبش العذاب اللي اتعذبتيه هو امبارح نام مستريح عشان ضامن انك هبلة وطيبة وعلي نياتك وانتي كنتي مفحومة عياط وانا كنت سامعاكي وقلبي بيتقطع اللي طمني ان اختك معاكي وانا اللي كنت بقول اوتيليا العاقلة اوتيليا الزفت الحكيمة اللي مش بيتضحك عليها...
وفي الوقت ده وصل رسالة لأسيل وفتحتها
رغدة:اهو اللي حصل في الطوب هيحصلك لو منفذتيش كلامي يا حيوانة!! وانتي كمان متنحة لية كدة😐
اسيل: ماما....اوتيليا...استاذ سمير وخالد اتخطفو 😨
رغدة: يا نهار اسود!!! فين؟ انطقي!!
اسيل: في****
رغدة: مفيش غيره الحيوان الزبالة ومنقي مكان مهجور كمان شكله ناوي علي مصيبة
اوتيليا: طالما مكان مهجور يبقي حاجة من الاتنين يا اما هيقتل ومحدش يسمع يا اما هيفجر.... فيه رسالة كمان جاتلك يا اسيل
اسيل: [اه وكمان ودعي ادهم عشان هيحصلهم قريب بس بعد ما يكرهك لإن انتي سبب موت امه.....حبيبك علي]
رغدة: ياختاااااي هو القتل بالنسباله عادي هو الدم بالنسباله ميه
اسيل: ما تبطلي بقا التوتر ده... احنا ربنا هينصرنا بس محتاجين خطة...
اوتيليا: هو مدام ستيلا فين اصلا؟
اسيل: احيه انا سمعتها بتقول انها هتروح بالمترو عشان وحشتها ايام زمان وتعبت من العربية.....ايه الحظ ده حبكت تركب مترو النهاردة.... ايه ده رسالة تانية
اسيل: [علي: فاضل علي القنبلة ساعة يا قلبي...ساعة وستيلا هتموت😉]
اوتيليا: جاتلي فكرة انا وماما هنروح نراقب علي ونتأكد انه مش هيعملهم حاجة وانتي روحي انقذي مدام ستيلا...قوتك اكبر من قوتي انا مش هقدر اعمل حاجة غير اني اتحرك بسرعة وانتي لازم تصفي حسابك مع علي بنفسك
اسيل: تمام ادعولي سلام
وكل واحد اتحرك في طريقه واتحركت اسيل بسرعة ووصلت المحطة اللي هتركب منها مدام ستيلا وقعدت تدور علي القنبلة
اسيل: كده مش هينفع انا مش عارفة اتحرك ولا اسمع....يا جماعاااة فيه قنبلة هناااا اتحركوو
الناس اتفزعت واتحركت اكتر والصوت زاد اكتر
اسيل: جيت اكحلها عميتها الصوت زاد اكتر
وبدأت اسيل تسمع صوت دقات قلبها وتفكر في الالاف اللي هتموت ومش هيلحقو يخرجو ومدام ستيلا في وسطهم والله اعلم هي فين وسمير وخالد اللي اتخطفو
اسيل: لحظة اشمعنا قال ستيلا هتموت...يالهوي انا فهمت دماغه..اعمل ايه دلوقتي يا ربي
- ركزي ورا هدفك هتوصلي....ركزي في السمع والبصر...ركزي...ركزي...ركزي يا بنتي..يا بنت الهواري
اسيل: بابا😨...اه صح...التوتر وقف دماغي
وركزت اسيل فعلا علي السمع اولا وسمعت صوت مدام ستيلا بتصرخ بصوت غير واضح شكله كتم صوتها وكتفها وسمعت صوت رنة القنبلة..وركزت علي البصر وقعدت تبص كتير لحد ما اتصدمت لاقت مدام ستيلا متكتفه جمب القنبلة بالظبط
جريت اسيل بسرعة ونطت فوق الناس لحد ما وصلتلها وبصت في القنبلة
اسيل: مفيش وقت افكك انا هشيلك اوديكي لحد يفكك ادعيلي بالله عليكي
وفعلا شالت مدام ستيلا وشالت القنبلة وراحت عند ظباط كانو واقفين وبالفعل كانو مستدعيين خبير مفرقعات
الظباط فكو ستيلا وهي باصة لاسيل بحب وخوف في نفس الوقت
الخبير: احنا لازم نخلي المكان هنا والاماكن المجاورة حالا...القنبلة معمولة بإتقان وشكل نوعها حديث جدا ومعقدة جدا ومن شكلها اعتقد انها معمولة في البرتغال والعلامة اهيه ديه منظمة سرية فيها صناع متفجرات وقناصين وكل انواع الاجرام اللي تتخيلوها
اسيل: يخربيتكو انتو جايبين بياع بطاطس هنا ما انا عارفة كل حاجة انت اضفت ايه.....فاضل تلت ساعة....مابدهاش بقا امشو من سكتي..
واخدت اسيل القنبلة وخدت مفتاح كان في ايد الظابط وخرجت بسرعة وبصت حواليها وعرفت ده مفتاح انهي عربية ودخلت العربية واتحركت بأقصي سرعة واتجهت للصحراء وفضلت تسوق ١٩ دقيقة لحد ما جت اللحظة الحاسمة ١٢..١١..١٠
اسيل: مش هلحق اخرج..اشهد ان لا اله الا الله...واشهد ان محمد رسول الله
٧..٦.. اااااه....جت واحدة وحطت مادة علي القنبلة وضربت اسيل واغمي عليها ومسكت القنبلة حدفتها عشان متتفاعلش مع بنزين العربية وشالت اسيل ورمتها في عربيتها وساقت بأقصي سرعة بس كانت اسرع من عربية اسيل ٤..٣..٢..١ وانفجرت القنبلة..صحيح صوتها كان مرعب بس مفعولها كان اقل من المفعول الاساسي بالنص
وبعد ما بعدت عن المكان خرجتها وحطتها علي التراب واتكلمت بس اسيل مسمعتش
- انا اللي حطيت القنبلة بس والله كنت تحت تهديد..اتهددت بعيلتي ابويا واخويا واختي الصغيرة..انا مليش غيرهم اضطريت اني ادخل في شغل العصابات عشان اخد حق امي اللي ماتت في انفجار بردو بس الموضوع اتقلب عليا تماما ومحدش يعرف موضوع الاكتوبلازم المادة اللي حطيتها عشان تخفف انفجار القنبلة غيري وعملتها من قهرتي علي امي بس لو حد عرف انا هروح في داهية..انا والله كنت هبطل مفعول القنبلة بس لاقيتك سبقتيني وفضلت مراقباكي لحد ما شوفت اللهفة علي انقاذ الناس واسفة علي الضربة اللي خدتيها بس لو كنتي عرفتي كل ده كنتي هتبلغي عني وانا مظلومة ووالله العظيم ما اذيت حد!! انا مساعدة بس وكمان تحت تهديد
انا هفوقك وامشي وارجع امريكا..من ساعة ما جيت مصر وانا بقابل مشاكل ده غير المهمات اللي باخدها زي تفجير النهاردة
وخرجت البنت برفان من شنطتها وفوقت اسيل ولما لاحظت انها بتفوق ركبت العربية واتحركت بسرعة
اسيل: ااااه دماغي....انا فين؟..انا عايشة ولا مت.... ايه ده انا عايشة بجد....انا لازم الحق خالد واستاذ سمير وجريت اسيل للعربية لاقيتها اتشوهت شوية بس شغالة واتحركت بأقصي سرعة علي العنوان وخرجت من العربية وقالت: انا هدخل وخليكو انتو هنا يمكن يكون فخ ولو انا في خطر اوتيليا هتحس بيا غير كدة متتحركوش من هنا ومن الافضل تبعدو
اوتيليا: بس...
اسيل: ده وقت كلام انتي هبلة ملكيش دعوة بيا ولو دخلتي اقسم بالله هتبرا منك ويبقي ولا انتي اختي ولا انا اعرفك جبتلك الخلاصة انا الكبيرة وانا اللي يتسمع كلامي فاهمة!!!!!
دخلت المكان ولاقت ظرف مكتوب فيه [عزيزتي اسيل احب اقولك ان صحيح خالد وسمير معايا بس مش هنا وهو انا غبي افضل موجود في مكان قريب كدة ..هو صحيح مهجور بس مش بعيد عن الناس احنا في مصنع الاسمنت بتاع جدي العنوان اهوه**** ..اه صح نسيت اقولك انك متراقبة ولو مجيتيش في اقل من نص ساعة ابتداء من دخولك هنا دماغ واحد فيهم هتطير قدام عينك يا قطة]
اسيل: يا ابن ال***********
وجريت اسيل وبدون اي كلمة ركبت العربية اللي كانت راكباها واتحركت ورغدة واوتيليا بصو لبعض وركبو العربية واتحركو وراها وكان فيه واحد بيراقبهم من بعيد ولما اتحركو اتحرك وراهم بس هو مش من رجالة علي
- هم رايحين فين تاني؟!! انا لازم الحقهم
ووصلت اسيل المكان وبعتت اشارة لاوتيليا انها متتدخلش غير بإذنها ودخلت بسرعة لاقت خالد وسمير مغمي عليهم في الارض وسمعت صوت خطوات
علي: اهلا بالسنيورة بقالنا كتير مشوفناش بعض ايه موحشتكيش ولا ايه
بصت اسيل لعلي بإستحقار ومردتش
علي: بصي يا حلوة نهايتك هتبقا هنا لإن المكان كله الغام وانتي دلوقتي متعصبة..شرارة صغيرة منك والمكان كله هيفرقع بخالد وسمير وهكون انا هربت ويا عيني امك واختك برة مستنيين اشارتك ميعرفوش ان نهايتهم النهاردة يبقي كدة قتلت ابوكي وامك واختك وصديقك ومحاميكي وانتي
اسيل: انت انسان مريض
علي: ههههه عارف انا مريض بحبك
وطلع المسدس من جيبه ووجهه ناحية اسيل
اسيل: اشهد ان لا اله الا الله......ووجهت رسالة لاوتيليا انها تمشي بسرعة..وفي نفس اللحظة
مراد: اااااااه
اسيل: مراااااااد لاااااااااا
بصت اسيل لعلي وعينها محمرة جامد ونزلت نقطة دم من عينها مسكتها وحطتها مكان الطلقة اللي خدها مراد وافقدته وعيه تماما
ونطت فوق علي وقطعت جلد ايده بمخالبها وهو يصرخ وضربته بطريقه معينة في وشه وفي بطنه ومسكت وشه بكف ايدها وحس علي بألم شديد وحرارة بعدها بدأ جسمه يسخن وظهرت شرارة وكانت هتفجر المكان الا ان كل حاجة وقفت ايوة الزمن وقف وخرج واحد لابس ابيض ومبتسم برضا
الاب: اسيل..بنتي..اخيرا ريحتي قلبي وكان لازم اساعدك..ظهرت لمراد في احلامه وقولتله انه يراقبكو عشان النهاية قربت اوي بس انه ضحي بحياته ده مكانش في الحسبان ورغم صغره لما عمل الوشم ده قدر يغير تركيب جينات وحاجات في الجسم لمجرد رسمة علي الكتف ومساعدتي لأبوه زمان وتربيته معاكو ومع اوتيليا اكتر خلته يحس انكم اخواته بجد  فضحي بنفسه عشان ميخسرش اخته الصغيرة وانا فعلا ربيت صح وكان نفسي تتربي في حضني انتي واختك بس واثق من تربية مدام نعمة ليكي وتربية رغدة لأختك ومتقلقيش دمك جمد جرح مراد بس اتحركي بسرعة ٤٠ ثانية والشرار هيلمس اول قنبلة وهتحصل مجزرة يلا يا بنتي
اسيل بدموع: شكرا يا بابا...شكرا علي حمايتك لينا حتي بعد موتك
واختفي الاب لحظة دخول اوتيليا
اسيل: شيلي استاذ سمير واجري بسرعة وشدي امك معاكي بلاش العربية
وشالت اسيل خالد ومراد وجريت وسبقتها اوتيليا وامها والقوة اللي كانت في اسيل بدأت تقل جامد وبعدو عن المصنع بس الانفجار كان هائل وفي ثانية انفجر المكان واتنطرو علي الارض اوتيليا ورغدة بينهجو واسيل اغمي عليها من ضعفها واتنقلو علي المستشفي وانتشرت الاخبار ان اميرة هي اسيل الهواري والكل عرف بموضوع قوتها والوشم وان الدكتور مراد هو اللي عمل كل ده واسيل اتشهرت جدا لإنها انقذت عائلتها من الغام وقنابل في مصنع اسمنت وانقذت الاف الناس في محطة المترو وبعد ما اكتشفو تورط سوزي في اللي حصل والبوليس بيدور عليها قفشوها وفي نفس اليوم وصلت صور لأدهم عن اسيل وصور لأسيل عن ادهم
اسيل: ايه الهبل ده؟ المفروض اني اصدق وكدة؟
ادهم: بتستغفليني يا بنت الهواري!!! شايفاني قرطاس لب؟!! والله لأوريكي
واتصل ادهم بأسيل وعرفها انه صدق وقالها كلام جارح وان حقيقتها اتكشفت وكلام كتير اوي وكل كلمة اسوء من اللي قبلها
اسيل بدموع مكتومة: خلصت؟ انت مين عشان استغفلك اصلا!! انت ابويا؟ اخويا؟ جوزي؟ لا ولا ولا ..ولا واحد فيهم يبقي تتكتم وتخرس خالص صدقت مصدقتش اخبط راسك في اي حيطة ومش هتفرق معايا وقفلت السكة في وشه وقعدت تعيط جامد وعينها بتطلع شرار وكل شوية تغسل وشها وايدها عشان متحرقش حاجة وبعدما هديت خرجت وقالت: ماما..اوتيليا..جهزو نفسكو هنسافر النهاردة امريكا بعد ساعة ونص
رغدة: ازاي يعني؟ انتي بتقولي ايه؟ هنروح واحنا كدة؟ وهنسيب مراد وخالد وسمير..طب سيبك من كل دول..انتي مش شايفة حالتك عاملة ازاي؟!!
اسيل: ماما ارجوكي نفذي اللي انا بقوله..انا عارفة انا بعمل ايه...ولما نسيبهم هيعرفو ان بسبب الشديد القوي احنا مش بنلعب...انا كنت هموت مرتين النهاردة..اعصابي تعبت خلاص..روحي انتي واوتيليا جهزو حاجتكم وحاجتي معاكم ونتقابل في المطار
اوتيليا: هتقدري تسافري ازاي؟ انتي شايفة اصابتك عاملة ازاي
اسيل: متقلقيش عليا انا بميت راجل يلا سلام وروحت رغدة واوتيليا البيت عشان ينفذو كلام اسيل ويقولو للي شغالين في القصر انهم هيسافرو
كتبت اوتيليا رسالة لأحمد: [ عارفة اني غلطانة بس مضطرة اسافر مقدرش اعترض سلام يا ابو حميد👋🏻💋] وقفلت التليفون علطول
اسيل للممرضة: لو سمحت يا انسة عايزة ورق وقلم
الممرضة: حاضر
بعد ساعتين كانت خلاص الطيارة اتحركت وفي طريقها الي امريكا
في نفس الوقت
انتياجو: كيف انفجرت القنبلة بعيدا وكيف كان مفعولها مخفف كيف!!!
ليندا: اهدأ انتياجو ربما فعل خبير المفرقعات المصري شيئا..
انتياجو: ان فعل كانت لن تنفجر من الاساس ولابد ان احد انقذ هذه الفتاة لكن ستنكشف الحقيقة وسيندمون جميعهم
وفجأة شد القائد ليندا من شعرها وقال: اتعلمين؟! كنت سأشك بكي لكنني اعلم شيئين الاول انك اغبي من ان تخففي مفعول قنبلة كهذه والثانية انك لن تخاطري بحياة عائلتك صحيح عزيزتي؟😈
ليندا: صحيح..ااااه اتركني انت تؤلمني..
وساب شعرها وبصلها بإستحقار ومشي
ليندا: يلعن اليوم اللي شفتك فيه يا شيخ حسب الله ونعم الوكيل
انتياجو: ليندا..هل انت بخير؟
ليندا: نعم انا بخير
انتياجو: هل انتي حقا من فعلها؟ اخبريني يمكنني مساعدتك
ليندا: حتي انت لا تثق بي؟!! هل جننتم جميعا
انتياجو: انا اسف ليندا لكن...
ليندا: بدون لكن انا سأذهب لأحضر اغراضي تبقي ساعات قليلة ونعود الي امريكا وننتهي من هذا الدمار وانت حضر اغراضك ايضا
انتياجو: انتظري ليندا..
ليندا: نعم؟
انتياجو: احبك من كل قلبي
ابتسمت ليندا وقالت: انا ايضا😘..ورحلت لتجهز اغراضها وبعدما ذهبت ليندا قال انتياجو: غبية😈😈
🔴⚫🔴⚫🔴⚫🔴⚫🔴⚫🔴⚫
استوووووووب
الفصل خلص بس القصة لسة مخلصتش
حاولت اكتب كتير المرة ديه
يا تري رد فعل احمد ايه لما يقرأ الرسالة؟
يا تري اسيل هتعمل ايه هتضعف ولا هتقوي؟
يا تري رد فعل خالد وسمير ومراد ايه لما يعرفو بسفرهم المفاجئ؟
يا تري مين ليندا وهل هي طيبة ولا شريرة؟
يا تري انتياجو هيتكشف ولا ليندا هتحبه اكتر؟
هنعرف احداث اكتر الفصل القادم