وشم الطفولة

زين الغرباوي وحازم الهواري

بعد ما خلصو هزار وقامو نفضو نفسهم رجعو العربية تاني وشغلو اغاني بردو وكانو عمالين يغنو لحد ما وصلو وكانت فيه عربية بتراقبهم
-لحظة مش ده البيت اللي ماما قالتلي عليه؟ تقريبا قالت ان طنط رغدة عايشة هنا ومعاها بناتها؟!! لا لا مش معقول الدبشة ديه تكون بنت طنط رغدة مستحيل...بس بعد التفكير كل شئ جايز...احيه😳 انا بقيت بكلم نفسي!!!
اوتيليا: بس بذمتك ايه رايك؟
اسيل: زالفل كان اليوم تحفة بغض النظر عن الاحراج اللي حصل
اوتيليا: انا كل ما افتكر اضحك😂😂
اسيل: ما خلاص يا ست فتكات انتي!!
ودخلت اوتيليا الشقة لاقيت اتنين قاعدين قدامها
دونكان: يبدو عليكي الحزن فعلا يا اوتيليا!!
ادم: ليس مجددا يا دونكان يكفي
اوتيليا: اخرج من الموضوع ادم...اما بالنسبة لك فهل توقعت ان اجلس في المنزل طوال اليوم ولا افعل شئ!! اغرب عن وجهي والا ستندم يا دونكان!!
دونكان: وكيف ستجعليني اندم؟ هل ستشتكي لوالدتك؟😏
اوتيليا: لا..سأجعلك انت تشتكي لوالدتك😈
وبدأت عيون اوتيليا تتحول
اسيل: احنا مش محتاجين نهدي الموضوع بإنك تقتليه....ببساطة شديدة استاذ دونكان
اخرج من المنزل انت وهو حالا!!!
ادم: كنتي تتكلمين جيدا الان ما الذي حدث؟
اسيل: لست بحاجة ان اخبرك ش والان لو سمحت اخرج
ادم سحب دونكان وخرجو
رغدة كانت قاعدة تتفرج عليهم وقالت: كويس انك قدرتي تتحكمي في اعصابك يا اسيل بس ياريت براحة المرة الجاية وانتي يا اوتيليا مش عشان سبب تافه يحصلك كدة!! انتي كده هتلبسينا مصيبة واحنا مش ناقصين
اوتيليا: تمام...تصبحو علي خير
اسيل ورغدة: وانتي من اهله
رغدة: هاه عملتو ايه ولا روحتو فين؟
اسيل حكتلها كل حاجة بالتفصيل...ماعدا الولد اللي عاكسته عشان هي عارفة امها ممكن تشتغل مخبرة وتلاقي مستند فيه تفاصيل حياته منها😅
رغدة: مفيش حد كدة ولا كدة؟
اسيل: ماما!! مش من اول يوم ارحميني!!
رغدة: مع ان ادهم ابن صاحبتي بس بردو حاساه رخم مش زي ابن زين هو زين وابوه زين
اسيل: مين زين ده يا ولية!! ان غاب القط العب يا...لحظة...انا سمعت الاسم ده قبل كدة
قولي اسم ابوه كدة؟
رغدة: زين الغرباوي
اسيل: انا سمعت بابا قبل كدة بيتكلم عنه
رغدة: الظاهر ان فعلا ذاكرتك قوية ما شاء الله طالعة لأبوكي افتكرتي حاجة وانتي عندك ٣ سنين
اسيل: اولا انا طالعة للوشم مش لابويا يا رغودة ثانيا مين بقا زين ده؟
رغدة: تعرفي ان ستيلا كانت البيست فريند بتاعتي
اسيل: اوه...
رغدة: زين بقا كان البيست فريند بتاع ابوكي الله يرحمه ده غير سمير طبعا بس كان زين اكتر
اسيل: اممم...كملي
رغدة: انا كنت بحكي الحاجات لستيلا من هنا وهي صاروخ توصل لزين والعكس صحيح لحد ما جم في مرة واستخدمو الحاجات ديه ضدي انا وابوكي ومسكو علينا ذلة ولاد الذينة بس تعرفي...لولا انهم عملو كدة مكناش اتجمعنا انا وابوكي
اسيل: ذلة زي ايه؟
رغدة: يعني اما اعاكس حد او اقول حاجة بتوصل لزين والعكس زي ما قلت لحد ما ستيلا في مرة وصلت لزين اني عاكست ابوكي في الكلية بس في سري طبعا
اسيل: انا عرفت انا طالعة لمين لتاني مرة🤦🏻‍♀️
رغدة: نعم؟؟
اسيل: كملي..هاه
رغدة: وزين وصل لستيلا ان ابوكي اعجب بيا
اسيل: حازيوم وروغديت(روميو وجوليت😅)
رغدة: اتلمي بدل ما تلاقي السبب رشق في وشك تاني...بعدها ابوكي جيه يعترفلي وانا عملت نفس الكلام
فلاااااش باااااك
رغدة: حازم عايزة اقولك حاجة وضروري
حازم وشه احمر من التوتر: اه...اتفضلي
ولسة رغدة هتتكلم
حازم: لا استني اقولك اللي عايزه الاول
رغدة: استني بس هقولك انا
حازم: والله ابدا استني انتي دقيقة مش هتطيري يعني
رغدة: تمام
حازم: ان...انا...كو..كونت عاوز...اقولك
رغدة غمضت عينها وضمت ايدها علي شكل قبضة من التوتر ومرة واحدة
حازم ورغدة: بحبك
بصو لبعض بصدمة وبصو حواليهم
ستيلا: اخيرااا يا رغودتي
زين: يااااه يا عبد الصمد...ده قرفني طول ما بكون قاعد معاه ملوش سيرة غير رغدة😂
حازم: انت بتسيحلي يا حيواااان
زين: حاشي لله يا ابني انت بتقول ايه؟؟؟انا بفضحك بس😂😂
ستيلا: ولا اي اندهاش رغدة كانت بتعمل نفس الكلام لدرجة ان صحابنا اتخنقو منها ومن المحن ده
زين: انتي متأكدة انك اتولدتي في امريكا والمفروض امريكية وكدة
ستيلا: اه لية
زين: اصل حاسك شوية وهتقلبي محمد رمضان😅😂😂
ستيلا: نعم؟؟ احنا هنخيب بقا ولا ايه؟؟؟
حازم: جتكو قرف بوظتو اللحظة...روحو اتخانقو بعيد عن هنا امشو هنرش ماية
زين: ماشي يا سيدي بس افتكر اني هجيلك كل شوية لأحسن يغمي عليك ولا حاجة
حازم: امشي والا..
زين: باااااس استوب لحد هنا وكفاية...انا استحملت كتير وانت تزوقني بسبب رغدة؟!
حازم بمرح: مش عاجبك طلقني
زين بخبث: انت بتقول ايه؟؟ احنا كدة هنتفهم غلط
حازم: انت اللي دماغك شمال امشي يلا
زين: حاضر يا معلم
وقعد حازم ورغدة يتكلمو كتير لحد ما روحو
باااااااااك
اسيل: ياه ده ابويا ده كان مسخرة😂😂 ولا عمو زين بس انا نفسي اشوفه اوي واشوف ابنه اللي بتقولي هو زين وابوه زين ده
رغدة: سمعت انهم هيعملو صفقة مع الشركة
اسيل: طب كويس ابقا اشوفهم بقا
رغدة: اه صح اعمل حسابك فيه حفلة بكرا للشركة وبعد بكرا هتروحي الشركة وبعدو احتمال يبقي فيه حفلة شراكة جديدة
اسيل: رجعنا للقرف...حفلة من امتي؟
رغدة: من اول اليوم لحد اخره
اسيل: 😭😭😭😭 طب والحفلة التانية؟
رغدة: لسة معرفش هيكون فيه اصلا ولا لا احنا لسة معملناش شراكة فبالتالي مفيش حفلة
اسيل: تمام..انا هدخل اغير تصبحي علي خير يا ست الكل
رغدة: انتي كمان مش هتتعشي؟؟
اسيل: معلش بقا كلنا كتير في المطعم اه صح ومتنسيش تاخدي دوا الاعصاب عشان متنهاريش زي يوم الطوب
رغدة: حاضر
ودخل كل واحد اوضته وكان بيفكر في شخص او موقف
دونكان: كيف اعتذر لهن؟
ادم: كل هذا بسببه!اعتقد ان اسيل لا تريد رؤيتي مجددا💔
ليندا: يا تري المهمة الجاية مخبية ايه؟
رغدة: ربنا يسترها معانا وتذكرت ادهم واحمد
اسيل: هو ادهم شاف الصور ولا لسة؟ طب هو ادم معجب بيا زي ما اوتيليا لمحتلي؟ طب الواد الحليوة ده انا ممكن اشوفه تاني؟
اوتيليا: نفسي اقابلك اوي يا احمد...ولا الحيوان اللي فاكر اني هتأسفله علشان غلطة تافهة ومش بإيدي كمان...
زين: الاجتماع مع الشركة بتاعة الهواري قرب ولازم نعمل شراكة معاه...حازم😢 وبدأ يعيط
-: انا طلعت فقري اوي ومع اني راقبتها بس مفهمش ولا اي حاجة...انا حمار وغبي🤦🏻‍♀️
ستيلا: متوقعتش ان بنت رغدة تطلع قوية كدة...بس الله يسامحه ادهم مش فاهماه ازاي متأكد انها خانته مع انه شاف وصوره وقال انها فوتوشوب!!! ابني طلع غبي اوي
احمد: وحشتيني يا لولو
ايمي: انا مش هشوف الملاك تاني😭😭
وبعدها نام الجميع نوم عميق
وبدأ اليوم التالي
اشرقت شمس الصباح علي جميع النائمين منهم من يستيقظ متحمس ومنهم من يستيقظ بملل وضيق
اسيل: ااااه...يارب المنبه يولع
رغدة: ما هو لو ولع هاجي انا اصحيكي يا حلوة😏
اوتيليا: اه صحيها واخرجو برة عشان عايزة اناااام😡
رغدة: لا ما انتي هتصحي معاها والا..
اوتيليا: لاااا بلاش والا ديه خلاص صحيت وخدت شاور كمان اهوه
رغدة: طب يلا يا اختي منك ليها عندنا شغل كتير او عندنا تجهيزات كتير تحديدا يعني
اسيل: انا محضرتش حاجة😅😁
رغدة بغضب: نهارك زي وشك...اومال انا كنت بكلم مين امبارح؟؟
اوتيليا: قصدك علي الحفلة؟
رغدة: عرفتي منين؟
اوتيليا: انا صاحية من ساعتين بس نمت تاني و كلموني من الشركة وقالولي وانا عاملة حسابي من بدري اصلا ومكلمة مصمم ازياء عنده بوتيك يجنن وقلتله يجهز كام فستان  فعادي يعني
رغدة: هيه ديه العاقلة بتاعتنا مع انك الصغيرة بس اعقل من الكبيرة!!
اسيل: خمس دقايق وهتلاقيها شتمتك بأهلك
رغدة: طب تصدقي انا غلطانة اني مصحتكيش بطريقتك بس والله هعملها فيكي
اسيل: انا محدش يقدر يعمل زيي🤗
رغدة: ماشي يا اختي يلا عالشغل
اوتيليا واسيل اخدو شاور وفطرو وراحو الشركةوبدأو يجهزو للحفلة ويشوفو الدعوات لحد ما جت الساعة ٤ العصر
رغدة: يلا روحو جهزو نفسكو وانا هكمل وشوية وهحصلكو
اوتيليا: حاضر
رغدة: خلي بالك العيون كلها هتكون علينا
اوتيليا: حاضر...بس ينفع اجيب صاحبتي؟
رغدة: احنا هنلعب ولا ايه؟؟!!
اوتيليا: والله هنكون هاديين بس عشان الحفلة هتكون مملة اوي وانا بتعب بسرعة
رغدة: طب تمام بس بسرعة وخلي بالك منها
اوتيليا: هيه حاضر يلا يا اسيل
رغدة: ربنا يستر...
وراحو البنتين البيت عشان يجهزو وقالو لليندا تروحلهم واتصلو بميكب ارتيست عشان تظبطهم