#حبيبي مجنون مره عصبي ومره حنون.
أصيل مش عارف علاش يبي يقهر ولاء:صباح العسل شن حالك.
وئام قريب ساحت كلامه او شكله او لبسه رايح زي غزال.
وئام:😍💗صباحك ياسمين حالي باهي من توا.
أصيل إيلقح في الدوة،و ضحك على جنب:😏 فيه ناس تعرف إترد صدق اللي قال"بنت عن بنت تفرق مش كل نجمة في السماء"أكيد تعرفوا باقيها يابنات.
ولاء تغلي قريب تنفجر علي خاطر عرفت ان يقصدها او عيونها عليه في المرآية:😡😠
مشاء الله فيه ناس طلع عندها لسان او تعرف إترد او تتميع .
أصيل يشبحلها في المرآية او هو مبتسم إبتسامة إتدوخ😊 :
لا من بعد سموك يابنت السلطان ليا الشرف.
ولاء مركزة علي إبتسامته او سنونه كيف مصفوفات او يلمعوا زي اللولو او لحيته الخفيفة او كيف ضحكته إرزينة ضحكة راجل بجد او فاتحة فامها
😮😍.
أصيل إنتبه إنها مسبلة عيونها و تشبحله غمزلها بعينه😉 أوهو يضحك:حلا سمعتي قالوا
إن لما تشوف حد اوتعجب بيه تقعد فاتح فامك لدرجة ان الذبان إيخش او يطلع وانت فاقد الوعى 😎👊.
إنتبهت ولاء إنه يقصدها: إححم إحم من تقصد.
أصيل ضحك ضحكة من قلبه على توترها: 😂😂😂 هههههه
ههههههههه يقولو"اللبيبوا بالإشارة يفهموا"ههههه.
ولاء شبحتله او هو يضحك يجنن او بدون أي مقدمات وبدون ماتحس علي روحها ضحكت لدرجة بانت الغمازة الي في خدها الأيمن:😂😂
هههههههههههههههههه.
جذبه صوت ضحكتها رفع عيونه يشوفلها في المرأية إنتبه انه عندها غمازة و قعد يشوفلها و هو زي المسبوه و علي وجهه إبتسامة غباء 😅.
حلا:اللطف ياربي شن فيه شن جاكم.
وئام:قل أعوذ برب الفلق بالك إلتبسوا.
مرام:اعوذ بالله من الشيطان الرجيم فمك فاوي يطلع إلا في الوسخ((حاشى القارئ)).
أصيل إستاقض لي روحه او ولى زي قبل ثقيل او ملامح الرجولة طاغية عليه:خيركم شن فيه ?
ولاء إنتبهت شن كانت إدير او بش إتبهت الموضوع:إيه حق شن فيه شن جرى عليكم.
حلا:إحنا معنا الحق نسألوا مش أنتم او توا جاوبوا شن فيه لانه حاسه روحي زي الماغولية بينكم انتوا تضحكوا او إحنا زي المساطيل .
وئام:صح صايرلنا زي الاطرش في الزفه.
أصيل: باهي راييحوني إنزلوا هي اوصلتوا.
حلا:انا لين نعرف شن ف...
قطع عليها أصيل:إتنوزلي او رأس العزييز ماتنفخيهمش شن هو الهوووول هذا .
نزلوا البنات او كل وحده تسأل في ولاء علاش تضحك هي و أصيل ،،،،،اما ولاء ماردتش او مدورت حد لأن هي نفسها مش عارفة علاش ضحكت.
🏢🏢🏢
خشوا البنات للكلية او كل وحدة امشت للمدرج ، دارو الامتحان او طلعوا.
عند حلا إلقت البنات يلي في قسمها يتكلوا.
البنت1:تعرفوا إمشيت للدكتور إسماعيل ننشد فيه علي الامتحان قال طالب واحد بس إمصكر الدرجة لكن مش معروف ولد ولا بنت.
البنت2:بالله حق هذي أقوى مادة ودرجتها مهمة.
إمشت حلا بدون ماتسمع باقي الكلام وصلت للممر او قابلت الدكتور إسماعيل .
حلا:عفوا دكتور ممكن نسأل سؤال.
د.إسماعيل يشوفلها و قريب يأكلها: من عيوني إتفضلي.
حلا إتحشمت او دارت عيونها لوطا 😽😽:كلك ذوق انا قداش حصلت في الامتحان .
د.إسماعيل:انتي الوحيدة يلي إمصكرة الدرجة ، و هذا كله يدل على انك تقري و مش جاي للدوة الفاضية.
حلا ساكتة او تشوفله💙:شكرا دكتور على المجاملة.
د.إسماعيل:لا بالعكس ندوي بجديات انا مش النوع يلي إنجامل و انا الحق معجب بيك.
حلا تبكشت من الصدمة ماتوقعتش يكون الى هذي الدرجة صريح:ااا إمالا انا إنروح.
د.إسماعيل ضحك:ههههه😂
خيرك ما نأكلش في الناس قبل.
و نقلبت ملامحه جديات:أسمعي الحق انا من أول مرة ريتك فاها عجبتيني👌 هادية او معندكش عبرج البنوات وانا نبي كل شئ عالمكشوف منحبش المواضيع يلي تحت الطاولة .
حلا😶:اام مفهمتش!!!!!
د.إسماعيل:نبيك حلالي يعني بنجي نخطبك بإذن الله بعد الامتحانات طول.
سكتت حلا و إمشت تجري.
************
عند ولاء تراجي في البنات امتا يطلعو لين شوي وتشوف في حلا جاي تجري.
ولاء:خيرك بشوية شن يجرو وراك.
حلا تمروح على روحها من الحرارة♨.
ولاء:شن جاك توا في الشتاء فيه من يمرواح .
حلا:حي على أمي حي وكان تعرفي شن صار ماتسأليش علاش راكبتني حرارة ياكبدي.
ولاء:حسستيني انخطبتي ، احكي هي.
حلا:هذا ياحنا اللي صار..............
...........لنهاية الموضوع.
ولاء:يااااي قداش مارومنسي 😍😌.
حلا:انتي مهبولة انا نحكيلها انقولها قريب ننجلط و هي ياااايي قداش رومانسي انتي مهبولة ولا تتهيبلي.
ولاء:طيح سعدك ياربي ياعالي معقولة جيتي تجري و خليتي هذاك الطرف يافرحتي بيك تحسابي كل يوم بيجيك طرفوش زيه.
حلا:شن تبيني نقوله باهي تعالى اخطبني زعميتني ختشة
يقول شوره عمرها مادورها واحد و من الفرحة قريب زغرطت.
ولاء:النبي ضمي فمك و اغلقيه على اساس امتا يقولك بنخطبك يبيك تسكتي الناس المعقدة اهي.
حلا:باهي باهي انا بنتصل بي أصيل سلمه إوخي الوحيد يلي ينقال عليه طرفوش.
ولاء:من اي جيهة راهو مصدق روحه خوك يحساب كان هو الغزال في ليبيا قوليله...
قطع عليها أصيل:احم شن بتقولي قوليلي انتي في وجهي أحسن من كلام الرسائل .
ولاء دارت مخلوعة:اسم الله العظيم من وين اطلعت،و شن قصدك كلام الرسائل اني ولاء بنكلمك انت هاهاي النجوم يلي في السمآء اقربلك.
أصيل:ترا احلفي بجديات انتي تدوي راهو انتي تحلمي انااا من فكر فيك انتي لا والله هذا يلي يقولوله"حلم إبليس بالجنة".
ولاء: انت والله ماك مزبوط شن فيك راهو مستشفى قرقارش قريب ربع ساعة نكونوا غادي.
أصيل:بالله حق قلبي مايتحملش كل هذي الحنية سعدودك ياحلا عندك صاحبة تنحط على الجرح يزيد ينفتح.
ولاء😋:انا عارفة انه في خاطرك بتقول تنحط على الجرح يبرى غير انت كلامك اعوج او تبي إعادة تأهيل.
حلا😠😡:واك واااك شن هذا راسي بينفجر و انتوا شدني انشدك انتشني ننتشك و هذا يحذف في الكلام و هذا يلقح في الدوة قصدي مرارتي فاضت ارحموني نبي انروح.
أصيل:انا طالع لسيارة تعالوا بسرعة ماتعطلوش.
حلا:باهي.
طلع أصيل وقف بجنب السيارة يستنى فيهم.
عند البنات~~
حلا:هي نطلعوا.
ولاء:هي.
امتا قريب يوصلو البوابة متاع الكلية .
مروة بنت تقرى مع حلا.
مروة:حلا أسمعي قالوا الدكتور محمد بيعطي الدرجات.
حلا:باهي استني جاية امعاك.
ولاء:والله وانا نقعد بروحي واقفة زي الكلبة((أكرمكم الله)).
حلا: ياهمي بري لسيارة اصلن أصيل مش حيركب لن انجي.
ولاء:باهي افهمنا وانتي كليتني بقشوري.
******---
إمشت ولاء و اول ماطلعت من الكلية وراها شلة مفرخ يحدفوا في الكلام.
الاوال:بس بس انت يااحمر ياقلبي عطيني نضرة.
الثاني:💋امووه نمشي ادشيشة انا علي هالعيون.
الثالث:غر بلا غلاى و عطيني الرقم ياقمر انتي.
دارت ولاء راقيلها😡😠:إحترم ملافظك يا كلب((اكرمكم الله))انت وياه او...
مكملتش باقي كلامها لان حست ايد جبدتها من اللتالي او لصقتها في حاجة عريضة.
أصيل: ..........يتبع في البارت القادم.
لو حبيتوا البارت علقوا بش انزل الي بعده لان مش معقولة عشرين يقروا البارت حتي اعجاب لا اللطف ياربي تقول بنهد عليكم.
