#حبيبي مجنون مره عصبي ومره حنون😍❤.
ÄÏĐÄ.M.B♕»
حط أصيل راسه في حضن ولاء و اتنهد بوجع:آااااااااخ💔
ولاء فاقت من صدمة ان أصيل راقد في حضنها وحست باالااااااخ كيف طلعت بوجع:سلامة قلبك من الاأااخ، شن صاير!؟
أصيل:بنحكيلك وجع
حياتي ورح نبدأ من الصف السادس كنت أشطر طالب ومتع قراية بس ومعنديش هلبا أصحاب في يوم من الايام جو زوز طلاب جدد طلعوا خوت وفوقها تؤام وكنت انا بروحي في المقعد جو جلسوا معاي المهم بري ياأيام تعالي ياأيام قعدنا صحاب وهلبا ان خلاص وديماا مع بعض مع اني مكنتش نتوقع اني نصاحب حد، فات السادس و الاعدادي والثانوي والكلية كله أني وياهم مع بعض و روح وحدة تصوري قعدت اتقول تؤأمهم المهم هما كان عندهم بوهم متوفي وقعدت أمهم وأختهم الصغيرة كانت في وقت تعرفت عليهم عمرها 9 سنين المهم ديماا نمشي وانجي عليهم وهما بالمثل وزيادة، فاتو سنين الكلية وتمينا ودرنا حفلة التخرج في حوشهم في يومها صارت حاجة دمرت السنين اللي فاتت كلها في مره وحده💔💔كنت انا في الملحق اللي ديمة نسهرو فيه لين شوية وجت سرور خاشة هه طبعا سرور هاذي اختهم اللي كانت تحبني وكنت اندير في الحولة ومش مهتم باها.
قبل أربعة سنين كنت مقعمز في الملحق ونلعب بالهاتف لين حسيت بي ظل شخص فوقي قمت عيوني وشفت سرور.
أصيل:شديري هنايا بري خشي الحوش.
سرور:علاش هكي تتعامل معايا شن درت اني.
أصيل:سرور بر..
سرور:عيون سرور قلب سرور روح سرور إدلل.
أصيل:تي شن تدوي انتي شن قلبك وشن روحك شن تزمري يابنت اني زي خوك ره خووووك تعرفي شنيي خوك.
سرور:أهاا يعني فاهم وعارف اني نحبك و داير روحك برئ.
أصيل:شتقولي يابنت حب من راك عايشة في وهم واني عمري مافكرت فيك ولا رح يجي يوم ونفكر فيك انتي زي اختي و مستحيل نكون معاك أكثر من هك.
سرور:حط في بالك اللي بيصير توا انت درته وانت السبب فيه ومن اليوم ح تعيش في العار.
أصيل:شن الهبال اللي تدوي فيه شن بديري هي.
سرور:ههه محاولة اغتصاب مش شوية🙂🗡.
أصيل:هه جربي وديري رأيك.
سرور نحت الوشاح وفتحت شعرها خلبصاته و نحت الجاكيت و مزقت نص الفانيليه وطلعت تجري وتعيط.
سرور:أهئ أهئ وووووه علياااااا طااااارق محمد يام ياااااااام تعالي شوفي صاحب ولادك تعالي شوفي اللي تحسبي فيه ولدك شن دار فيا وووووه علياااااا أهئ أهئ أهئ😭😭😭😭.
أصيل واقف قدام الملحق و مصدوم من شكلها كيف طاحت و تخبط و تعيط والتمو عليها طارق ومحمد وامها خدتها في حضنها: خيرك ادوي شن فيك!؟
سرور:ااااه ياااام بنتك اليوم قريب قعدت مغتصبة😭😭
واللي يوجع صاحب خوتها اللي زي خوتي شفتي أصيل ياام شفتي اللي يأكل ويشرب ويبات عندنا كيف رد الجميل😭😭.
أصيل واني واقف نشوف فاها كيف تكذب لين نحس روحي ع اللوطا و شئ بوكس وشئ كفوف وشئ ضرب معاش قدرت نتحمل دفيتهم من عليا و رجعو يضربو حاولت نفهمهم لكن مخلونيش حتى نحكي معاش قدرت نقاوم رديت نضرب فيهم لكن مش من قلبي بجديات قد مانقولك غاليين عليا ونحسب فيهم خوتي مش زي خوتي.
محمد:هكي ياضلعي هاذي جزية سنين الصحبة هذا اللي قدرك عليه ربي اه قول رد و يجيني بوكس لين فمي صب الدم.
أصيل هو يدوي و طارق يدوي وأمه ترد من غادي واني ساكت ساكت مانقدرش نقول اختكم تكذب وتلفق لاني نعرف كان عرفو بكذبها و الحركات اللي ادير فيهم باش اطيحني بجد كنت في خيمة العزاء وهما في الحبس من اللي بيديروه سكتت ظلم طلعت من عندهم واني مكسور مشيت لي أمي و طحت تحت رجليها وحكيتلها و زادتها عليا ببكاها و حلفها انه بتقول ومش رح تسكت فاتو 6 شهور واني من عركة لي عركة ومن كسرة لي دفة وآخرتها كل حد مشى في طريق وهاذي حياتي.
رفع أصيل عيونه وشاف ولاء تبكي بلا صوت ودموعها أربعة أربعة😢😢.
نهض من حضنها وشد وجهها بين ايديه ويمسح في دموعها بكل حنية:شن اللي مبكيك غزالتي اه!؟
ولاء:انسحنت كبدي عليك كيف متحمل تكون غالط في عيونهم وانت مظلوم😢.
أصيل حط عيونه في عيونها وقعد يشوفلها:ياروحي انتي بعيد الشر عليك معاش تقولي انسحنت كبدي ربي مايوريني فيك سوء🔥❤.
ولاء:علاش مايوريك فيا شر شن نعني ليك اني.
أصيل عقد حواجبه وتكنطى:سكريه فمك انتي مرتي وكل شئ عندي انتي ملك ليا اني بس وجبدها لي حضنه ورقد.
ولاء:اءءءء به وتوا شنو!
أصيل: نني و خليك سموحة و كان تبيش نفرمك حاولي تنوضي من جنبي😑💋.
ولاء:به به انخمد😒.
أصيل:عسسل😋😋.
