#حبيبي مجنون مره عصبي و مره حنون .
وقفت الباص قدام حوش حلا ركبت حلا و جت سلمت علي ولاء.
ولاء:صباح العسل حلا.
حلا:صباح الورد ، شن حالك !
ولاء:الحمد الله تمام شن حالك انتي.
حلا:دوم يارب ، انا بخير.
ولاء:دوم عليك صحتك ، خل نعرفك علي صاحبتاي.
هذي وئام و هذي مرام انا وياهم الروح في الروح و هما مايقدروش إيعشوا بدون ضحكتي الي ترد الروح.
😎😎.
وئام:غير بشوية علينا ياواثق
، اهلا حلا شن الجو.
حلا:كويسة شن اخبارك انتي.
وئام:ميه ميه .
مرام:صباح النور اهلا حلا.
حلا:صباح الياسمين ، اهلين بيك .
ولاء:من اليوم يابنات حلا قعدت من الشلة ، موافقة حلا.
حلا بكل سعادة 😊:طبعا موافقة اصلا انا جديدة على الكلية وين نلقا صاحبات زيكم.
مرام:نورتينا 💗.
حلا:منورة بوجودك.
وئام:خلاص إمالا قعدتي من شلتنا.
وصلوا الكلية 🏢 ولاء&وئام&مرام &حلا إمشت حلا للقسم و ولاء و الباقي لقسمهم.
أول ماخشت حلا للقسم لقت رئيسة القسم واقفة قمعزت و بدت تسمع فاها شن بتقول.
رئيسة القسم:هدوء قعمزوا .
احد الطلاب: عفوا شن فيه مش عندنا محاضرة.
رئيسة القسم:إيه لكن جيت بنقولكم شن التغير الجديد الي رح يصير.
واحدة من الطالبات: تغير شن إنشاء اللّٰه خير .
رئيسة القسم:انا و الإدارة قررنا بعد هلبا شكاوى إنغيروا الدكتورة هدى و جبنا بعدها الدكتور إسماعيل هو صح ماليهش هلبا وقت متخرج لكن الحق مشآاء اللّٰه .
الطلاب : تمام.
خش الدكتور إسماعيل للقاعة وبدأ يتعرف علي الطلاب.
إسماعيل :السلام عليكم شن أخباركم.
اغلب الطلاب:تمام،كويس،ماشي.
بدأ بالتعرف عليهم وأمتى وصل لحلا.
طبعا حلا مش إمدورته و مارفعتش راسها ليه.
د.إسماعيل:شن إسمك?
حلا بدون ماترفع رأسها:حلا احمد ال(.....).
د.إسماعيل : باهي ، لكن حبيت إنقولك إنه من الأدب لما حد يكلمك إتقيمي رأسك و تكلميه.
حلا قامت رأسها و حططت عينها في عينه و شبحتله بكل برود و ردت عليه: باهي.
د.إسماعيل إستغرب فاها أول مره يكلم وحده و مادوراهش كل البنات يجروا وراه و عيونهم قريب تتطلع و هما يفنصوا فيه و هذي معقولة حتى رأسها مابتش ترفعه والله قصة إتحير.
كمل د.إسماعيل التعرف على الطلاب و بدأ في الشرح و عيونه مركزات علي حلا و بس ،اما حلا فكانت تكتب و مادوراتهش بكل.
***************
طلعت ولاء و مرام و وئام أو قعمزوا في مكانهم تحت الشجرة يستنوا في حلا ،شافوا حلا طلعت شوي قعدت إدور عليهم إلي إن شافتهم و جت بجنبهم.
حلا:أهلا 👋.
البنات:أهلين.
وئام: قعمزي خيرك واقفة.
حلا:لا لا مافي شئ ،توا إنقعمز.
ولاء تشبح في الساحة لن شوية و زقرت: حي علي هذا الطرف شن هالغزال ، بنات شوفو شوفو😮😮.
البنات زي المسبوهات: وييين!
ولاء:اللي لابس إتجاكة قهوية و شعره قهوي و شاد شنطة في إيده.
وئام:يهههههبل.
مرام:حي على أمي هذا من.
حلا بكل برود أو مش إمعدلة علي الموضوع:قصدك دكتور إسماعيل 😕.
ولاء:من قالك.
حلا:ماهو الدكتور إمتعنا ، اليوم أول يوم إيجينا فيه .
ولاء:امالا أكيييد عيونك معلقات فيه أو هو يشرح ،ياااي 😙.
حلا:لا والله مادورته ولا حتى إنتبهت شن لابس أصلااا😑.
مرام:غريبة.
@
