#حبيبي مجنون مره عصبي ومره حنون❤☄️🔥.
ÄÏĐÄ.M.B 🙋🙈.
حست ولاء بي المسكن ينخطف من بين ايديها دورت رأسها شافت أصيل واقف وشاد المسكن في يده شافتله وهي ساكتة.
قعمز علي السرير وحط منه شوية علي يده وحطها علي كتفها عشان يدهنه عليها😍.
طلعت آااه من ولاء لانه كان مصقع وهي تحس بالوجع😢.
أصيل بحنية:توجعتي!؟
ولاء ساكتة تبيش تدوي معاه.
أصيل عرف انها زعلانه منه ناض وجاء قعمز علي ركبته حدا السرير وشد إيدها وشافلها : ولاء انا منبيش تزعلي مني عارف اني وجعتك مبكري وعيطت عليك وآسف ماكانش طالع هذا التصرف من قلبي وقت شفت محمود وصاحبه خاشين وانتي واقفة قدام الباب بملابس تغري الاعمى معاش قدرت نتحكم بأعصابي وانا راجل وطبيعي نغار عليك من نسمة الهواء لو لعبت علي خدك.
ولاء تشوفله وهي مشاعرها ملخبطة بين سعادة وحزن وفرح من غيرته عليها ونفران من انه يحب غيرها زي ماتحساب: أصيل معندكش الحق انك تعاملني بكل هالعصبية وانت واخدني باش تقهر بنت خالتك💔💔.
أصيل وقف ورجع لي مكانه يدهن في كتفها وبعدها ناض وقرب منها باس رأسها وهمس فوق فمها: ولا يهمك ولا تحطي في بالك كله توا إيبان وكله توا يتصلح بس حاولي تفتحي عيونك الحلوة شوية بس.
وطلع من الدار وخلى ولاء في حالة يعلم باها ربي كيف يعامل فاها الصبح بعصبية وعلي أساس انها مكتوبة بإسمه وكيف في الليل إنقلب اتقول ملاك كلامه وتصرفاته حنيته و انه لو تحاول تفهم ح تعرف انه القصة اللي فاهمتها غلط.
**********************
في الصبح 🌅أصيل وعبدالرحيم وحسن قاعدين في القهوة.
أصيل خارج نطاق التغطية وباله مشغول بالتوقيع.
حسن يشوف لي عبدالرحيم ويحرك في حواجبه بقصد شن فيه أصيل.
عبدالرحيم:خلاها ماشية وخلاص.
حسن:تي شن ماشية ياراجل شن فيه ادوي الزح.
عبدالرحيم:زبطت آخر صفقة متع أصيل وحسام.
حسن:اي وعلى أساس الاسبوع اللي فات توصل.
عبدالرحيم:اي عليك نور لكن صارت حاجة وقفتها.
حسن بإستغراب:شن قصدك وقفتها!!؟
عبدالرحيم:وصلت الاوراق بالختم وبلا توقيع.
حسن: تي كيف صار هكي أصيل ادوي ياراجل فهمني.
أصيل وهو طايرتله :شن بنقول
اهو قالك عبدو.
حسن: باهي كيف بلا توقيع مش قلت يومها وقعت والزردة قريبة ومش عارف شن وديديدي.
أصيل: تي هذا اللي قاهرني لعبو في أم الاوراق اولاد الكلب😡😡. أكرمكم الله
حسن: يعني مش ناوين علي خير ولاه.
عبدالرحيم: شكلهم هكي مش رح يفكو عليه لين يأخدوها حامية.
حسن: وبالك بتحط يدك على خدك وبتسكت.
أصيل وهو يشبح بعيد: هه😏
يمينا بالله مافايت الموضوع علي خير وخالق الرأس قاطعه🔥.
******************
لبست ولاء قونه وبلوزة مزخرفة و نزلت لي عزوزتها بعد ماكلمت أصيل وقالتله بنتغدو عند أمك.
خشت سلمت وقعمزت تحكي معاهم وجاية يومها أحلام وأمها وكلهم ملتمين💛💥.
نعيمة: شن حالك بنيتي.
ولاء بإبتسامة: الحمد لله بخير إميمتي شن حالك انتي وحال صحيحتك😄.
نعيمة: الحمد لله في نعمة من ربي.
ولاء:ربي يدوم الحال وانشاء الله ديمة في خيرات.
نعيمة:سلمك ياربي،شن دايرة مع أصيل باهي ماشين مع بعض.
ولاء:أصيل هذا ربي يحفظه ويحفظ امه اللي جاباته معيشني ملكة،مع نظرة الغرور لي أحلام😌👀.
أحلام:واضحة ياخالتي هذا أصيل من يوم اللي فقت عالدنيا هكي نعرفه.
مابتش ترد عليها ولاء وحبت إطنشها.
ولاء:إميمتي بنوض للمطبخ نساعدهم.
نعيمة:علاش بتنوضي قاعدة عروس قعمزي.
ولاء:كان بنمشي علي كلمة عروس علي هالحال معاش نتحرك ره.
نعيمة:باهي سلم بنيتي براحتك.
