هاي قايز👋👋.
لحظة لحظة لحظة وين خاشين.....بلا عبط أكييييد بتقروا البارت الجديد باهي ياحلوين لو عجبتكم صوتوا و علقوا فمي اتشقم وانا انقول فيه الموال هذا ولو مش عاجبتكم اكتبوا شن يلي شين فاها😑.
#حبيبي مجنون مره عصبي ومره حنون ❤.
مكملتش ولاء كلامها لانها حست بإيد جبدتها او لصقتها في حاجة عريضة.
أصيل بعصبية😡:انقلع من وجهي انت وياه ولا يمينا بالله ممخليكم الا متشلفطين على الوطا.
واحد منهم:سامحنا مكنتش نعرف انها ليك.
أصيل:باهي هاك عرفت درق وجهك انت و المكلبة( (اكرمكم الله)) اللي معاك .
اما عن ولاء كان شعور انها لصقه في صدره او يده محاوطتها او ريحة عطره القوية يلي علقت فاها شعور غير مفهوم حست قلبها قريب يطلع و معادش قدرت اترد .
وشعور أصيل انه محاوطها واحساس وكانه حاضنها خلاه يحس روحه طاير في السماء.
بعد أصيل من على ولاء و هو متوتر.
أصيل بعصبية باش يخفي التوتر:شن وقفك قدامهم فهميني!!!!?.
ولاء:انت شن دخلك اصلا وبصفتك من تلمسني .
أصيل:ردي على سؤالي مش تغيره وتسهويك الفرخات هذا فكيني من جوه.
ولاء:والله ايلقحوا في الدوه وتبيني نسكت على اساس بلا لسان.
أصيل:لا مشاء الله في هذي اصدقتي لسانك ملوى سبع لويات تقول شيته فالحة كان تبلطي في الكلام.
ولاء:على اساس انت لسانك مش زي الڨراضة مصح خليقتك شوف روحك بعدين اتكلم.
أصيل:درقي وجهك بري اتخدي لسيارة راقيتهملي النم شن هذا تركبي البرص.
ولاء:البرص ياريته راكبك ياجيفة((أكرمكم الله)).
أصيل:إنشاء الله فالك في جعاليلك((حوايجك)).
ولاء:مانيش راده عليك اتمرقد هنا بروحك.
إمشت ركبت لسيارة🚗 و شوي جو أصيل و حلا.
ولاء:خيرك عطلتي فديت بروحي قريب جاني التوحد.
أصيل رد قبل حلا:لا لاه ماصيرلك شئ انتي تركبي التوحد مش هو يركبك😋.
حلا:بالله انتوا خيركم هذي ثاني مره تتقابلوا وقريب تقتلوا بعض غر مش عارفين كيف.
ولاء:انا عادي منكلمش فيه.
أصيل:هئحم احم ايه لا لاه باين متكلميش في بكل هو انا كان نسهى على روحي تضربيني بصاروخ جرااد.
ولاء:والله ماتتحشم ولا عندك عرق الحشم انا من امتى اندور فيك لكن من توا كان مازلت كلمتك نبدى كلبة🙅.
أصيل:لا زعلت😩 ماتريش في قليبي كيف إيرف.
حلا:أصيل خلااص من امتى انت هكي شن جرى عليك مش مصدقة انك خوي.
أصيل:لا بالك تبي انجيبلك إثبات حلوة حتى هذي قالك مش امصدقة قالك.
ولاء:حلا شن صار معاك اعطاكم الدرجات.
حلا:ايه والحمد الله ناقصتني درجة بس.
أصيل:وعلاش نقصاتك شن اللي تحمسي فيه في الحوش ماغير منقلبة علي الفراش قريب اتقطني وفالنهاية ينقصوك درجات.
حلا:أصيل والنبي فكني هذي كلية راه مش ضروري انجيبها على مستوى.
أصيل بنرفزة😡:أكيييد ضروري سلم اوخيتي امالا امتى انربي وانعلم واندخل فيك كورسات السنين اللي فاتت على خاطر شن ماهو باش تقعدي دكتورة لغة عربية مش هذا طموحك ومش طول عمري واقف معاك باش اتحققيه.
