#حبيبي مجنون مره عصبي ومره حنون👈😍❤.
ÄÏĐÄ.M.B☄️💛.
أصيل:أرقدي بجنبي.
ولاء:مصح وجك مش راقدة حداك.
أصيل جبدها من يدها وطاحت عليه🎆، قعدت ولاء فاتحة عيونها علي كبرهم وحطت ايدها علي صدره وجاية بتنوض لكن أصيل ثبتها
وشدها من خصرها وقعد يهمس.
أصيل: ياويلك كان حاولتي اديري حركة وتبعديني عليك.
ولاء: نننن خليني نبيكش.
أصيل فكها من بين ايديه وقعمزها علي الصالون وحط راسه علي حجرها.
ولاء:😨😨😳ءء ابع....
أصيل: أشششش راسي يوجع ومانبيش ندوي، وجبد أيدها وحطها علي لحيته.
ولاء سكتت وقعدت شوية ثابته في مكانها وبعدها بدت تلعب بلحيته وهي صارحة في ملامحه☄️💛.
ولاء: أصيل.
أصيل: هممم.
ولاء: أنا شني!؟
أصيل: مرتي❤.
ولاء قعد قلبها يدق: اءء ايه نعرف لكن نقصد شن بيصير فيا بعد تأسس حياتك.
أصيل عقد حواجبه: شن قصدك وضحي!؟
ولاء:يعني بعد ماتتسامح انت وأحلام انا شن بيصير فيا كيف بطلقني وشن بنقول لي أهلي واص...
قطع عليها أصيل وهو مقعمز: شن اللي تخرفي فيه انتي من قالك بنطلقك بعد ماخشيتي حياتي.
ولاء:هه بلا مايقولولي واضحة القصة امتى بترجع لي بنت خالتك انا بنكون برا حياتك مسد توا في الهامش وبعدها مش موجودة نهائيا.
أصيل خلاص بينهار من تفكيرها معاش قدر يسيطر علي روحه،حط إيده ورا رقبتها و جبدها لي حضنه:انتي شن تقولي يامهبولة من وين جبتي هذا الكلام وكيف طلع معاك اناااا منحبش أحلام باش تفهمي ولا عمري حبيتها ولافكرت فاها بككل وقصة اني بنرجع لاها نحاها من عقلك لانه مفيش شئ بينا باش نرجعوه وطلوعك من حياتي بعد عمر طويل يارب حيكون عالجبانة طول وغيره متفكريش فيه.
زاد ضمها أكثر لي حضنه وهي قلبها بيطلع ومش قادرة ترد عليه ولا تنهض راسها من حضنه سكتت ورقدت طول الليل معاه عالصالون وفي حضنه👈❤.
*********************
👈🚅🛩نمشو لي وليد اللي ليه فتره خارج من قصتنا.
مقعمز علي سرير في غرفة كلها أجهزة وأصوات مزعجة وفوقها باااردة زي القطب الجليدي وشاد يد أميمة في ايده.
وليد: وكأنك كنتي حاسة انك رح تغيبي علي حبيبك وتخليه بروحه كل هالفترة هذا علاش وصيتيني علي ألف حاجة وقلتي دير بالك على روحك هه روحي قال علي اساس عندي روح غيرك اااااخ يارب كون في عوني وفك كربي وفرج همي ورد روحي ليا يااارب.
خشت عائشة ام أميمة بخاطر مكسور ودموع قريب تنزل من حال الدنيا معاش عرفت علي من تبكي علي بنتها اللي قريب إضيع منها ولا علي واليد اللي كل يوم من أسوء لي أسوء.
حطت يدها علي كتفه:صلي على النبي ياولدي وانشاء الله تنوض وترجع تنور حياتنا.
وليد: اللهم صل وسلم على سيدنا محمد 🌺 إنشاء الله ياعمتي إنشاء الله لاني بجديات معاش متحمل حاجة.
عائشة: نوض نمشو عند الدكتور اليوم وصل وهو بيستلم حالتها.
وليد: انشاء الله خير💔.
********************
عند حلا وأمها ودنيا.
حلا: ماما امتى بنمشو السوق.
نعيمة: شن بيرفعك غادي شن عندك؟!
حلا: خيرك ماما مش أهل حسن عزمونا علي العرس.
نعيمة: باهي وشن دخل السوق وانتي عندك محلات خوتك.
حلا: نبي نمشي لي ليدي.
نعيمة: باهي ايصير خير شاوري خوك وبري.
حلا:ولا يهمك ياست الكل مانا بعرف بردو ازاي ارضي الباش مهندس.
نعيمة: طب وإزاي ياست البنات 😂.
حلا:لا كدا انتي وصلتي لي اسرار دولة ودا مش هينفع اقولك عليه دلوقتي.
دنيا:😒😒بلا قرف ترا ناقص الكلب الا سروال فكينا من دسكة المصريين.
حلا: مقهوريين بيموتو مني يما الحسد يما ماتخلون الواحد يرتاح صدق اللي قال ناس ماتستحي مالت علي ويهك.
دنيا: ماما هاذي كيف اتكلم في اسماعيل أكيد دايرة العار مع ولد الناس.
وقفت حلا ورفعت خشمها فوق: يلا بالإذن منكم مشغولة اللحين وماعاد فيي طول معكون😚😚.
وطلعت وخلتهم.
نعيمة:هههه حليلي شن بنعطي للناس بيبي امتى جوزتك كنتي عاقلة مشاء الله.
دنيا:احم احم اصلا انا الوحيدة اللي عاقلة ربي يحفظني ليكم وخلاص🌝🌝.
نعيمة: كلكم يحفظكم والله ماعندي فيكم الفرق.
