#at morning
ميار تحكي
نضت الصباح على العشرة ، غسلت وجهي لميت شعري ، و هزيت تيليفوني و هبطت لتحت ، وانا فالدروج ندير بالتيليفون قريت تاريخ اليوم و فجاة ظهرت ابتسامة في وجهي من ودن لودن ، هبطت لطابلة تع الفطور تبسمتلهم كامل و فجاة نحس بيدين فولاذية حضنتني و هزتني من اللرض طلعتني للسماء ، لاااااا ماهوش زينو كيما حسبتو ، هذا ما كان غير حسلم الجايح
حسام: يا عمري على بنت عمي كي خطفوها ، كنت حاب نجي لبارح مي به ما يتوسوسوش العائلة الكريمة هادا وين قدرت نجي
حضنتو وضحكت و قتلو: متخافش خو بنت تمك قدها لفحل لي يدنا ليها
المهم قصر معايا شوية و قعدنا نقصرو مبعد تفكرت حاجة و قلتلهما و هاديك الابتسامة تع جوكر مازالت في وجهي
ميار: شكون لي يقولي قداه الشهر اليوم😁😈
انفال تحسب: 15 ,16,17,18 اليوم 18 وعلاه
ميار: ياحمير 18 جويلية النهار لي يخرج فيه الباك و نشوفو سروجتي خويا حبوبي قداه دا و ادا نجح ولا نن😂😊
شافو معايا كامل و تبسمو و بداو يهدرو و يناقشو ، و فجاة حمحم حسام و شاف مع انيس و سراج وقال وهو يشوف معايا: قلتولها على هاديك لافار ولا مازال
شافو معاه وقالولو : ايه صح تفكرنا اصبر دك نحكولها درك
دور ليا انيس و قالي بكل جدية و حنانة عمري شفتها منو: احم احم ، كيما علابالك رانا كامل هنا فوق هاد الطابلة كوبل و مخطوبين غير نتي و ..
قاطعو زينو: مام انا سيليباتار
انيس: ايه نتا تاني اسكت برك ، بصح رام جاوك خطابين
انفال و زينو و ريهام و ياسمين و ميار:اه؟!😮
انا بصراحة اول حاجة درتها اني دورت لزينو حبيت نشوف ردة الفعل تاعو باسك به منكدبوش حسيت بانجذاب ليه بنسبة 10٪، مي مشفت والو خاطرش طاحتلو المغرفة و طابس يهزها ، يسما انا درت لانيس وقتلو
ميار: وشكون مسود السعد لي دعات عليه مو و قرر يصلحلي مشاعري المحطمة كي بقيت وحيدة سيليباتارة ...
قاطعني زينو: مام انا راني وحيد و سيليباتار ، هدرها بوحد الطريقة تع عزول و قلقة و غضب
ميار: ايه و نتا تانيك ، المهم شكون هادا؟
انيس:جواد
و كامل لي سميتهم قبيل كنا هك:😮كيفاااااااه، ياك راه فالحبس
انيس: كامل راح بالكم لهاداك لبسيكوبات ..
قاطعتو انا : متزيدش تقول على معجبيني بسيكوبات
تما خبط انيس لاتابل بيديه حتى الصحون تخلخلو من بلاصتهم فوقها و قال بعياط
انيس: يزيد يقاطعني واحد فيكم نكسرلو سنيك
سكتنا كامل و هو عاود هدر بكل هدوء كلي ماكانش يعيط قبيل برك ، والله شكيت عندو انفصام
انيس: نن مش جواد **** ، جواد ولد حومتنا خو سيلينا
تما كامل صح تشوكينا ، صح جواد كان ديما يجري مورايا ، مي كامل حاسبينو جيست يتمسخر ماخديناش كلامو على محمل الجد ، شفت معاهم كامل و انا نتكلم بكل سيريو محكيتش بيه هادي سنييين،بفف حتى حسيت روحي عجوزة
ميار: شوفو مبدئيا راني قابلة ، طفل راه شاريني و عندو كل المقومات المناسبة ، بصح متقولوش اسناوني نصلي استخارة و نردلكم لخبر😐
تم زينو ناض و خبط الطابلة و عيط بوحد الصوت انا خفت على احبالو الصوتية تتقطع
زينو: من نيتك تقبلي بيه ، اي على جثتي تقبلي فهمتي قبول ماكنش 😠😠😡😬
انا تما حسيت ببصيص امل صغير ، يعني ممكن يكون زينو يحبني و يغير عليا و لا حتى معجب بيا و يا لوكان شوية مي ورا ما سمعت واش قال وراها ، حسيت كلشي تحطم خاطر قال
زينو: كامل علابالكم بلي ميار كي ختي ، لالا راهي ختي مش كيفها و كيما نخاف على انفال و نمدها لراجل يسحقها ، ميار تاني منقبلش نمدها لواحد كي جواد بو بنات نسونجي من مرة لاخرى ، انا منقبلهاش لختي سيك ميار ختي و منقبلهالهاش
تما vغيمون وجعني قلبي ، سيرتو كي باقي يعاود و يقول في ختي كي شغل يؤكد بلي مانيش اكثر من اخت بالنسبة ليه ، شفت معاه
ميار: انو يصوحب لبنات ويدور من وحدة لوحدة زي ، بصح يتزوج زي اخر ، وكيما قلتلكم نصلي استخارة و نردلكم بالخبر
و طلعت ديراكت لبيتي لفوق قفلتها بالمفتاح و حكمت تيليفوني و قاعدة نخمم ، نضت صليت استخارة و قررت انو ....
نولو لزينو
زينو يحكي
كنا قاعدين فرحمة ربي ، حتى سمعت خاوة ميار بداو يلمحو عالزواج انا كنت لتما حاب نبين روحي و نخطبها فديك الدقيقة بسك حسيت بروحي مش قادر نصبر اكثر،بصح مين داك نطق انيس و قال داك الشي و هي قالت بلي مبدئيا قابلة، انا هبلت و بديت نعيك كي البهلول وحدي ، مي كي شفت نظرات الشك في عينين الباقي لعبتها بلي ختي ، انا كل كلمة نقولها نحس قلبي يتقطع ، مي هاداك وش لازم ندير به متتغيرش نظرتهم ليا ، المهم بعد ما راحت هي توتر الجو شوي و طلع كل واحد لبيتو بعدما ما لموا لبنات الطابلة
