نضت الصباح شفت وين راني مبعد تفكرت بلي لبارح على 7:00 تع لعشية محبيتش نرجع لدار فرحت لاوتال و درك راهي 6 تع الصباح ، صافي رحت ديراكت للوطو تع انيس و رجعت للدار ، وصلت و ملقيت كاين حتى حس ، رحت نمشي على روس صوابعي ،حتى وصلت لبيتي تنهدت براحة ، قفلت الباب و جيست دورت لقيت قع الشعب تما ، وفي تلك اللحظة عيطت عيطة راني سور ماما مالدار سمعتها ،
كانو قع مدايرين كي لغوال ، ياسمين هازة قنوط في يد و تضرب فيه فاليد لخرى ، ريهام هازة البشماق ، و انفال هازة مقلة ، اما الدكورة فكانوا في ربعة هازين السبتة و يلعبوا و بيها و انا و لاول مرة يعاوني مخي لحاجة ، رحت نجري للدوش لي راه مقابليني ، قفلتو بالبلج و انا نسمع فيهم قع يعيطو مور الباب
انيس: ميار شوفي يا تحلي درك يا نفردملك خليقتك *بالعياط*
ميار: انا مآه تضربني
سراج: ميار اخرجي خلاص منخليهش يضربك
ميار: لالا تخدعو فيا *بصوت باكي*
حسام: خلاص رانا خرجنا درك كي تعودي حاتحكي رانا نسناوك لتحت
و سمعت وراها حس قفيل لباب تع لبيت تنهدت براحة ، زدت شوي هبطت لقيتهم كامل قاعديت فالصالون ، و يتخنزرو فيا صافي بديت نهدر قبل ما يدبحوني
ميار: لبارح رحت لاوتيل هنا و كنت حابة نخمم شوي على الخطبة ولاكان نقبل و لا نن و صاي راني اتخذت قراري
قاطعني انيس وقال: متحطيش روحك في مسلسل تركي و تروحي و تخممي ولخزطي هادا صلي استخارة و وش حسيتي هاداك هو
انا: بففف وي علابالي زدت فيها مي راني قررت قراري و اني
وسكتت لقيتهم كامل يشوفو معايا بحماس
ميار: راني رافضة😊
انيس: و علاش
انا: ياك نتا قتلي صلي استخارة و وش حسيتي بيه داك هو خلاص مالا
شفت مع لبنات نظرة تع الحقوني ، وطلعت للاشومبر ، شوي و لحقوني جايبين معاهم سينية فيها فطور ، قفلو لباب بالمفتاح و شافو معايا
ريهام: راني sur بلي ورا رفضك هادا حاجة
ياسمين: انا تاني
انفال: هيا ابسطي
ميار: شوفو انا حاسة روحي معجبة بواحد و خممت قلت بالاك كي نولي مع جواد ننساه مي جواد ميحشمش ، باسك لبارح كي كنا نشطحو كان يبوجي يديه بزاف في بلايص خاطي ملاح ، مع الاول قلت بالاك غلطت برك ، مي مبعد فقت بلي راه يديرها بالدمة و انا غير نبعدلو فيديه ، و en plus عينيه مانحاهمش من لبنات طفلة لي تعدي قدامو ياكلها بعينيه ، يتسما نسونجي و بو بنات صافي فكنا منو ، المهم نرجعو للعبد لي راني معجبة بيه ، كنت حاسبتو مجرد انجذاب برك مبعد حسيتو اعجاب ، مي مبعد تاكدت بلي ضربتها فيه بعشقا ، مي هو على حساب واش راه يهدر راه حاسبني ختو وانا تعرفوني منستسلمش ولازم نخليه يحبني والا ميسميونيش ميار ، ونحتاج مساعدتكم
ياسمين: يضهرلي عرفتو
ريهام: ايه عرفتو مام انا عرفتي تخيري يااه
انفال: متقولوليش لي راه في بالي
شفنا قاع في بعضنا وقلنا في نفس الوقت: زينو!
تبسمنا بخبث ، وقاتلي انفال
انفال: خليها عليا😈😏
#a few moments laters
هبطت لتحت مع لبنات و كنت هك 👇
