صو لبنات حبيت اولا نعتذر منكم على التاخير في البارتيات مي كنت في دزاير فالعرس تع بنت عمي مبعد رحت لدار جدي و لبارح جيت ، صح كانت كاينة cnx بصح كنت اغلب وقتي مع لي يكونولي ، تاني حبيت نشكركم على دعمكم و تفاعلكم ، ونقلكم بلي القراية قربت و انا هاد العام عندي bem صافي منوليش نحط كل سمانة كيما درك قادر نحط كل شهر ، كل شهرين ، قادر منحطش خلاص بصح الله غالب قرايتي اهم من كلشي و حبيت نقلكم تاني بلي الاحداث المهمة في الرواية بدات و بدا العد التنازلي للنهاية و سمحولي اذا كترت عليكم و درك هيا نبداو
***********
ميار: علي الطلاق فاق بيها و عطاها طريحة و تحشالنا
انفال: علي الطلاق كي جات حدير واش تفاهمنا عليه خافت و بدات تبكي و اعترفتلو بكلش وحدها
ياسمين: علي الطلاق باتت ليل كامل تهوتر و تحس بعذاب الضمير و شرحتلو الخطة هي راقدة
ميار:علي الطلاق
و هنا عدات ماما و قاتلنا
منى: اييييهيه نتوما ازوجو سع و مبعد اطلقو ، يخي جايحات يخي
صو بش نفهمكم راهم ياسمين و انفال عندي نسناو فريهام تعيطلنا و تخبرنا بنتائج الخطة تعها مي مازالت معيطتش ورانا نتوقعو في الاسوء ، سيرتو خطتها راهي grv دونجي ، دوك نقلكم واش هي
احم احم ، كاينة سيرين صحبة ريهام وتموت على خليل تعشق فيه ، طاطا نسيمة لي هي عمتي ام خليل دات معاها حسام وراحو لدار ماما علجية (جداتي) خاطر مرضت وقعدو معاها ، عمي وهاب اب ريهام عندو خدمة ، فراحت ريهام عيطت لسيرين و شرات احم احم منشطات جنسية ، حطتهم فالعصير تع خليل ، خليل كان يقرا ، مالا هي قالت لسيرين انها تروح تمد العصير لخليل خاطر مثلت بلي هي راح تجي عندنا، مي هي تكذب ، قبل متروح سيرين راحت ريهام بلاصات الكامير تعها في كوان مايشوفوهاش و دارت نمط التصوير كل عشر ثواني ، كي دخلت سيرين تمد الجي لانيس خبطت ريهام الباب تع البيت و بلوكاتو على اساس بلوكا وحدو ، شرب خليل العصير و مقدرش يتحمل يمالا اغتصب سيرين ، بعدها خرجت سيرين من الدار تتظاهر بانها تبكي خاطر ريهام شرحتلها الخطة كامل وسقساتها السع اذا هي قابلة ولا نن ، وهي بيان سوغ قبلت ، المهم اسنات خليل حتى دخل يدوش ، ودات الكاميرا سجات التصاور وبعتتهملي ، زدت انا شوي وعيطت لخليل و بخصتو و غسلتو و به ميشكش فينا قتلو بلي ريهام نسات لكاميرا تعها في البيت وفضحو ربي و سيرين راحت هددت خليل انو كون ميزوجهاش ويستر عليها تشكي بيه و خلي يصرا لي يصرا ، وحنا فسخنا الخطبة ، وخليل قال بلي حبني نبطل لقراية وانا محبيتش صافي فسخنا ، و في النهاية كتر خير لي كرونيك لي تقراهم ريهام خاطر هوما لي انقذونا😊
المهم عيطلي زينو بعدها بالتيليفون مي انا مرديتش ، بعتلي msg fb مرديتش ، جا للدار في قصدو نحل انا الباب بصح حلهولو سراج ، ضربلي لحجر فالتاقة به نطل عليه ،مي عشاق التاقة ما يتلاقى و بيان سيغ مطوليتش ، بعتلي برية مع ساعي البريد لي من عهد جدي و حرقتها بعد ماقريتها و تظاهرت بلي مقريتهاش و كان مكتوب فيها
**ميار قرة عيني وحبي الابدي ، اعشقك اعشقك ، لكن قتلني تهربك ، اجيبيني اجيبيني ، اخبريني انك تحبيني ، و قد وصلني خبر فسخ خطوبتك ، و لفرحتي ذبحت شاة على اسمك ***
نتمسخر برك متامنوش بزاف بعتلي هكدا:
**شوفي يا وسمك يا تردي عليا يا ماتفراش فهمتي**
لكن مش انا لي ناخد الراي
#بعد مرور اسبوع
ميار:😭😭😭😭😭
منى:😭😭😭
سراج😭😭😭😭😭
مراد:😢😢
انيس😢
ياسمين، انفال، اميرة:😭😭😭😭😭😭
اكرام:😭😭😭😭😭
صو اوكي دك نفهمكم، فهاد الاسبوع جات ام ريهام عمتي نسيمة للدار تبكي و تقول لبابا باه نقدمو عرس ريهام و سراج بعد اسبوع وقالت السبة لماما وبابا و سراج وناضو كامل يبكيو وسراج هبل عاد ماياكل مايشرب ،والو غير يبكي ، حنا حسبناهم اغتاصبوها ، سيرتو كي نعيطولها و متهزش ، مي الوم نهار عرسها ، درنا عليها وسقسيناها
انفال: ريهام ختي قوليلنا وشبيك تعيشي ،
ميار:تعيشي ختيتو ياك انا بنت عمك
ياسمين: بليز ريهام رانا هابلين عليك
اميرة،(اخت ياسمين نسيتوها☺): تعيشي ريهام قوليلنا
كانت ريهام ساكتة وتشوف للبعيد برك وشوي و طرطقت بالبكاء
مفهمناش وشبيها مي رحنا كامل وبزربة حضناها وبكينا معاها ، شوي و سكتت و هدرت بالشهقة
ريهام: لبناا_اهئ_ تعيشو سمحولي على_اهئ_ كلش بصح ، راني اهئ اهئ ، راني عندي
سرطان الدم المرحلة الثانية ومنعيشش كتر من 4 شهر
بقينا نشوفو معاها كامل مشوكيين ، فشلنا كامل و طحنا في الارض مش مصدقين
ياسمين: ريهام لاكان تتمسخري غير قولي ماناش فمود تع تمسخيرك
مي ريهام جاوبتها بشهقاتها ، تفاجانا كامل و نضنا نبكيو و حنا محضنينها ، حتى قالت
ريهام: لبنات عندي وصية حابتكم و متنميتكم تنفذوهالي
هي تحكي و حنا دموعنا ويدان هزينالها ريسانا تع ايه واش هي ، قالت
ريهام: وصيتي انو بعد موتي تتزوج اميرة بسراج
وزادت طرطقت بالبكا كتر و كتر
حنا كامل تشوكينا و اميرة تاني قوات فشهقتها و قالتلها
اميرة: انئ اهئ و علاش و علاش انا
ريهام : بسك علابالي بلي نتي تحبي سراج و وحدة ما تتهلى فيه خير منك ، بليز كي نموت ازوجي سراج
فديك اللحظة دخل سراج وراح يجري ليها عنقها و هو يبكي : ريهام عمري وش قاعدة تقولي نتي متموتيش علابالك ياك بلي كي تموتي نموت وراك ، بليز متقعديش تخلطي فالهدرو
تبسمتلو و قاتلو : سراج اوعدني ورا موتي تتزوج اميرة
سراج: محال محال منقدرش
ريهام: سراج كون ما توعدنيش عمري مانسامحك
زاد سراج قوا فبكيتو وقالها : نوعدك عمري نوعدك
دور جا خارج وشاف مع اميرة قحرلها خزرة تع موت وخرج
المهم عدا العرس وخرجت ريهام تفتق كنا كامل نبكيو و نشطحو باسك هي كانت تنوضنا نشطحو بسيف
كانت لاغوب بلونش تعها هكدا👇
