الغدوة ناضو لبنات بكري قبل الذكورة ، هزو حوايجهم و كاباتهم و خرجو قبل الاولاد به يقدرو يديرو السمير في الطريق بلا ميقلقوهم ،
جابوها طريق كامل غنا وشطيح و تمهبيل ، لحقو كل وحدة لدارها ، وشوي و لحقو لولاد ، عداو نهارهم كامل رقاد من العيا والغلبة تع الطريق
غدوة مينداك عيطتلنا ماما علجية (جداتي ام بابا) كامل نحبوها و نموتو عليها ، اصبرو نعرفكم على المدعويين
عمتي حورية: اكبر وحدة عمرها 63 و ماهيش مزوجة طول عمرها عايشة مع ماما علجية ، وبابا رمضان(جدي) ربي يرحمو شعرها شاتان و عينيها زورق و بيضا كيما جداتي
______________
عمي المهدي: مزوج شعرو بيض بسك كبير شوي يجي ف 62 ، عينيه خضر و بيض ، مرتو طاطا وهيبة ، سمرة شعرها كحل عينيها عسلي او اصفر اكثر ، ولادو
شعيب 28 سنة ، بيض عينيه زرق و شعرو كحل ، سيليباتار و يخدم في طاكسيفون
يسرى 23 سنة ، كملت عامها الاخير حقوق في الجامعة ، مخطوبة ، لطاي تعها دبدوبة ، بيضا حليب ، عينيها خضر و صفر مخلطين ، شعرها شاتان و طويل و زينونة تهبل ، محجبة
هاني 19 سنة دا الباك هاد العام ، بيض شعرو شاتان عينيه خوضر
محمد 11 سنة دا سيزيام هاد العام ، قاري و بوقوص ، شعر صفر عينين عسليين مايلين للصفر بيض زين يفتق
مازن ادم 4 سنين ، يشبه لمحمد
_____________
عمتي صافية ، مزوجة ، سمرة شعرها كحل وعينيها بني كيما بابا رمضان الله يرحمو ، راجلها خالد يكونلنا من بعيد ، عينيه كحل شعرو كحل و سمر ، عندهم 5 بنات
بثينة ، خمرية عينيها كبار و بنيين ، مزوجة عدلان عندها طفلة عمرها 4 سنين اسمها سيرين ، وطفل عمرو شهر اسمو قاسم ، كامل سمر عينيهم بنيين و شعرهم بني ، بثينة تخدم معلمة تع ابتدائي
.جهاد اقل من بثينة بعام قارية بصح تحب الماكياج على هاديك حلت صالون دو كوافير تخدم فيه ، مزوجة محمد الشريف عندها ولدها الكبير 3 سنين عمار و طفلة عمرها اسبوع اسمها غزلان ، كامل سمر عينيهم كحل و شعورهم بنيين
.اميرة ، قارية و مكملة جامعتها عمرها 22 بصح تخدم مع جهاد فالصالون خاطر هي تحب تمشط الشعر ... الخ ، اجمل وحدة رغم ان صفاتها سمرة ، عينيها كحل و شعرها كحل بصح زينها يفتق ، هي ويسرى اجمل زوج و متقدريش تقارني بيناتهم
.زينب ، تقرا عامها الثاني فالجامعة ، بيضة عينيها كحل و محجبة ، زينها عادي
.عزة 12 سنة زينها عادي خمرية شعرها بني مخلط بخصلات ذهبية عينيها كبار و كحل بصح خشمها كبير ، بصح هكاك تبقى زينة
___________
عمي فاروق ، مزوج سمر وعينيه بني مزوج لميس ، بيضا عندها النمش عينيها بني و شعرها تاني عندهم طفل واحد يونس 11 سنة دا سيزيام قاري هو تاني ، زينون عندو ليفوسات ، بصح شوي سمين و تقليتو صغيرة على عكس محمد اللي قدو فالعمر بصح كي تحكي معاه تحسب تحكي مع مافيا
__________
عمتي نسيمة ، خمرية عينيها خضر و شعرها كحل ، مزوجة بوهاب سمر عينيه زرق و شعرو كحل ولادهم
حسام، شعر صفر عينين زورق و بيض ، مكمل قرايتو حقوق بصح مزال ملقاش خدمة عمرو 28 سنة ، راهو حيڨاجي
خليل، شعر بني رطب و غاثي يسخف ، سمر و عينيه خضورة ، طوييييييييييل خاطر يلعب باسكات ، خلص قراية و بدا يخدم معلم في الليسي
ريهام: تعرفوها خطيبة سراج
شهد 12 سنة ، قد عزة فالعمر بصح يغيرو من بعضاهم يضلو يتقابضو ، شعرها ذهبي حرير و عينيها كبار و خضر ، هي مليحة بصح ضعيفة بزاف و هاد لي مبشعها
_________
عمي نجم الدين مزوج ، شعرو كحل عينيه خوضر و هو سمر و قصير عكس بابا و عمومي لخرين ، مرتو طاطا حياة قصيرة تاني ، بيضة و شعرها شاتان عينيها كبار و بنيين ، ولادهم
محمد ، يقرا فالجامعة و يخدم فالمطعم تع لاكوبول ،شعر كحل غاثي ورطب ،عينين كحل ، سمر و قصير شوي ، حدايدي و خادم الكور تاعو
وقار 17 سنة ، قصيرة بالنسبة لعمرها بصح عادي، عينيها صغار بنيين ،خشمها صغير و فمها صغير و طايها صغيرة و قصيرة ، بيضا و عندها النمش ، بصح تبقى زينونة
زكريا 23 سنة قدي فالعمر ، قراب بزاف لبعضانا كاننا خاوة ، عينين كبار بنيين و مشفرين ، شعر كحل و بشرة خمرية بوقوص نحتارمو بتضانا و نضلو نتمهبلو
رحمة : 7 سنين ، عينين كبار بنيين ، شعر شاتان و بيضا
_______
واخيرا حنايا خاطر بابا هو اصغر واحد في عائلتو
المهم روحنا اجتمعنا ، تلمينا حنا لبنات قصرنا و شايخنا ، مبعدة سربينا السينيات و الماعن تع الغدا ، تغدينا النسا في مجمع و الرجال في مجمع و لولاد الصغار في مجمع ، كلينا خلصنا و لمينا حنا على سعدنا ديك الكوزينة و دوك الماعن ساعة و نص به خلصناهم ، و مبعد درنا لاتاي و القهوة و القاطوات و رحنا حطيناهم فالصالون تلمينا كامل لافامي هادا يحكي مع هادا ، حتى قالت عمتي نسيمة
عمتي نسيمة: اسمعوني كامل مادامنا ملمومين اليوم كامل عندي ليكم خبر
شفنا معاها كامل وش تحتاج مبعد قالت
عمتي: راني حبيت نخطب ميار بنت مراد خويا لخليل ولدي ، راهو شاريها و باغيها، عندو دار و خدام بخدمتو باقي غير موافقتها
انا بقيت نشوف مشوكية كفاه ندير درك انا ، منقدرش نرفض قدام قاع لافامي ، تخنزرت في ريهام تخنزيرة تع علاه مخبرتينيش ، فردتهالي تع هي بعد معلابالهاش ، رديتلهم انا بابتسامة مصطنعة
ميار: هه باينة قابلة وليد عمتي ولا البراني
ناضو النسا يزغرتو و يباركو و بابا و ماما كان حاكمهم الشوك بصح فرحو ، وانا نبتسم بتصنع و خلاص ، شوي و عاودت نطقت عمتي
عمتي نسيمة: مادام تعرفو بعضاكم و لزوج قابلين ، ما كان لاه نديرو شوفة ، نديرو خطبة رسمية طول الجمعة الجاية
انا: بصح عمتي ميكفيناش الوقت نسجيو !
قاتلي : لالا يا بنتي نورمال ياك خطبة برك مش حاجة كبيرة و زيد دك نبعثلك ريهام تعاونك
تبسمت ماما و قالت: خلاص ميار اي ساهلة متتقلقيش
تبسمت انا تاني باه نكاموفلي الدعوة و قتلهم: خلاص مالا فيها خير نشالله
تبسمولي و كملو السهرة عادي و انا داقتلي خلاص ، حنا قاع متربيين ملي كنا صغار مع بعض ، كي الخاوة بصح متوقعتش يخطبني ولد عمتي ، بفففف المهم ، جوزنا ذيك السهرة و رجعنا للدار وماما و بابا ميتين بالفرحة ، وش نقلكم الدنيا مش سايعتهم، غدوة جات ريهام زدت عيطت لانفال و ياسمين ، شبعت ريهام خباطوس و انفال تضرب معايا و ياسمين غير تتفرج ، خلصت حكمت بلاصتي و قلت لانفال
ميار: ونتي لاه تضربي فيها؟
انفال: كنت معولة نديرك مرة خويا ساعة فزدت هاد الهجالة قع الحسابات
ريهام: هجالة تع ***** ، انا درت هطة محكمة به تقدري تفسخي الخطبة و نتي **** بيا، ملا ***** منقولش
ميار: انفال شبيك تسبي فيها ، تي هادي ريهام الزين و العين والفحالة
ريهام: سكتينا برك و اسمعو وش نقلكم .. .........
ياسمين: واو منين جبتي هاد الفكرة
ريهام: كي تعودي قارية قع كرونيكات دزاير و متفرجة قع مسلسلات اليوتيوب تفهمي
ميار: ايه و راكي قلتي كرونيكات و مسلسلات مش صح ، منيتك مراناش فمسلسل تركي به تديري دي الهدة
تبسمت ريهام من الودن للودن:خليها عليا ختيتو و متخمميش بزاف
ميار: مممم نشوفو
المهم عدات ديك السمانة غير تطياب و فريز ، خرجت مع ريهام و البنات و شريت وش نلبس ، ايا ركبت اكسطونسيون لشعري(خصلات شعر مش حقيقية) ، ودرتو هكذا:👇خاطر كي كان قصير ميتحكمليش الفوق، مام مكياج درت هك
لبست غوب كذا👇
مام لبنات عدلو و لبسو دي غوب باهيين ، جاو يقتلو عدات الخطبة على خير و روحو كامل ، انا ضربتها برقدة تقوشي ميتة ، المهم نضت غدوة الصباح مشطت شعري القصير ، لميت الدنيا سيقت و فرزت كانت السبت ، وبابا كان مع سراج يعلم فيه الاساسيات به يعاونو ، انيس راقد و انا و ماما نفرزو ، ماما دارت قرصة (غرايف) ، اكرام روحت من دار خالي به احضر الخطبة و كانت راقدة ، المهم صونا الباب ، حليت لقيتو زينو ، و قبل ما نهدر لقيتو خبط الباب قفلو تخلعت انا وقتلو
ميار: شبيك هبلت لاه تخبط فالباب ؟
زينو: وشبيه ر** نتيا لاه تقبلي بالخطبة اه مهبولة ولا كفاه
انا شفت معاه باستغراب: وعلاه منقبلش ياك ولد عمتي و مربي و كامل الحمد لله و الكمال لله
قاطعني وقالي : خاطرك نتي تاعي وحدي ، نتي تتسماي غير على اسمي انا ، غير نتي لي تكوني حلالي و ام ولادي ، افهمي اربك راني نحبك نحبببببببك ، وغير افسخي الخطبة
تشوكيت ملقيت منقول ، دورت به ندخل للدار حتى حكمني من يدي و دورني ليه بالقوة وباسني من فمي ، وماماااااي على داك الاحساس ، كان مع الاول عنيف خرج كامل الغش تعو فيا مبعد باسني بالحنانة ، وحنا هكاك و نسمعو حس بابا يحكي مع سراج ، زينو زرب بعد عليا و طلع للايطاج لي فوقنا و انا دخلت طول لداخل ، سقساتني ماما شكون ، قتلها جارتنا لي لفوق ياك محضرتش البارح جات باركتلي ، تبسمت ماما و معلقتش، اما انا دخلت لبيتي عيطت للبنات و حكيتلهم كلش و هوما طارو بالفرحة وش نقلكم ، ريهام قاتلي بلي غدوة تنفذ ، وانا حكمني الستراس بسك خطتها اي تع بسيكوبات بصح معلقتش خلي نعول على زهري مرة في حياتي نشالله برك ميخيبنيش
*****=*******
لبنات وش رايكم في بارت اليوم
العايلة لي وصفتها راهي عائلتي الحقيقية ، اباغ حسام و ريهام ، وزكريا راه عمرو 14 سنة
مام بابا مش كيما لي فالتصويرة ولا ماما ، اضافة الى انو فالحقيقة
انيس 16 سنة
انا 14 سنة ووسمني سلسبيل
اكرام 11 سنة قد محمد و يونس
و سراج 6 سنين
وش تتوقعو خطة ريهام
اعتراف زين الدين عجبكم؟
ملتقانا فالبارت الجاي نشالله
باي وشكرا للي دعموني وشجعوني نكمل
