فيروزه ... كعدت الصبح احس الم بضهري كلش قوي بلكوه وكفت على حيلي نزلت جوه سويت ريوك وكعدت يم خالتي ام حسين واجه سيف كال لج فيروزه فيروزه
فيروزه .. ها ها شكو
فيروزه .. البارحه جبت النتيجه
ام حسين .. صدك بشر ولك يمه
فيروزه .. اي عفيه وشنو ناجحه لولا 😣😣
سيف ولج ثنينه ناجحين بمعدل جيد جدا
فيروزه كمزت من الفرحه .. صدددككك
سيف .. هههه ولله
ام حسين .. الف مبروك يمه شايفين كل الخير
سيف وفيروزه .. الله يبارك بيج
سيف .. وهسه يمه
ام حسين .. شنو يمه
سيف ..يمه اريد اتزوج
ام حسين .. ياا جاموخطبنالك
سيف .. ادري يمه بس اريدها بعد ماتحمل
ام حسين .. عييب ولك اسويف
سيف... يمه ولله احبها واريدها يمي
ام حسين .. على الاقل خلتنجح يايمه اهلها ميقبلون ينطوها هسه مو اتفقنه علما تخلص دراستها وبعدين الابنيه صغيره
سيف .. اوو يمه عفيه انتي دبريها خابريهم وكليلهم طلعيلهم اي عذر
ام حسين .. الله كريم يمه العصر نخابرهم
فيروزه ضهري شكل عليه خررب بلكوه كمت وديت الصينيه للمطبخ وشويه وجتي ندى وجهالها حيل فرحت بيها مشتاقتلها بعد كون نور تجي شتقنالها كعدت اسولف وياها سوالفهاةحيل حلوه بس تضحك وتحشش اندكت الباب كمت فتحته طلعت ام سامر كرهت كل هاي العائله ماتحمل اشوفهم ابتسمتلها مجامله رحبت بيها ودخلت يم خالتي واني وندى كمنه نسوي الغده
من طلعت ام سامر جيت لخالتي كتلها محتاجين طماطه وملح ماكو ماردت عليه شكو شبيها سئلتها مردت عليه صافنه رحت سحبت الموبايل خابرت حسين
حسين .. الوو ها يمه
فيروزه .. اني فيروزه
حسين .. ها هلا حبيبتي
فيروزه .. هلا .. اكلك محتاجين طماطه وملح ماكو
حسين .. هسه اوديلجن بيد ياسين البنكلادش
فيروزه .. شكرا
حسين .. شكرا ؟!
فيروزه .. اني رايحه
حسين .. اوكفي اوكفي شبيج منو وياج
فيروزه ... محد
حسين .. العد شبيج تحجين وياي هيج لازم اكو شي
فيروزه .. نترت بي كتلك ماكووو شيي لاتلح وسديت الموبايل فاير دمي ماريد احاجي ولا اسولف وياه ابد من اتضكر انو هوه كان يعرف بسامر اكرها ليش ضم عليه ومااجه كلي وكعدت اربط بالاحداث شون من جينه للبصره ودخلنه للمحل مالته شنو هايه الصدفه ووف يربي وعيت من افكاري صوت ندى وهيه تصيحني رحتلها بسرعه كملت غسل الاماعين واندك الباب رحت فتحته واحس ضهري حينقسم نصين من الوجع
أنت تقرأ
حضنه احتواني
Randomبقلمي شهد محمد • لَـو بَـﭼـُوني ككل ٲلنـَآسس" 😻💭 • ٲريَـدك ٳنـَت تِسسعدنـِي ♥🌸 !
