حضنه احتواني

بارت الثالث

العصر كعدنه اني والماسه عزلنه الشقه واجتي مها طلعنه لبيتهم قفلت الشقه ورحنه لشقتهم استقبلتنه مريه جبيره بالعمر ام مها كلش حبابه كانت دتخيط عرفت انو هيه خياطه تخيط للناس حته تمشي عيشتهم

كلش حبيتها وحبيت تعاملها ويانه عبالك بناتها مرت الايام بسرعه والماسه ومها صارن صديقات كلش ومها رجعتلها ضحكتها الحلوه وسوالفها ولسانها الطويل ههه

مر سبوع ونص وخلص المسواك طلعنه اني ومها نشتري غراض من السوك النه والهم طبعا الماسه ماتحب نطلع كامت دوم تبقه بالشقه تباوع للتلفزيون لو ترسم لئن اختي رسامه درجه اولى

طلعنه للسوبر ماركت شتريت كم شغله ورجعنه بالطريق صادفت الولد حسين اجه اتجه يمنه

حسين كنت طالع اجيب مسواك للبيت مسوين عزيمه اليوم بالبيت ومحتاجين بعض المواد رحت اجيبهن بالطريق لمحت الابنيه الي كعدتها بشقتي فيروزه رحت عليها

حسين سلام

مها وفيروزه وعليكم السلام

حسين شلونج فيروزه اختج شلونها انشالله مرتاحات

فيروزه الحمد لله بخير بفضل الله وفضلكم

حسين الحمد لله

انته شلونك عباس شلونه

حسين الحمد لله بخير ...شني خو مامحتاجات شي شعدجن هنا منو هاي الابنيه الوياج

فيروزه شينيهاي😕 الاسئله

حسين هههه

فيروزه ههه هاي صديقتنه مها ويانه بالعماره اجينه نشتري كم شغله من السوبر ماركت

حسين اهاا وشتريتن كلشي معتازاته
عندي فلوس

حسين ماشي براحتج بس اكلج اليوم مسوين عزيمه ع الغده لتطبخن اني اجيبلجن

فيروزه لع ماكو داعي مايحتاج اني اسوي غده

حسين شبيج اني جايبلجن انتي والماسه غده كتقدير الجن وحته لتكولن حسين ناسينه😉

فيروزه ههههه وك براحتك

حسين هههه يله اخذن راحتجن خياتي مع السلامه

فيروزه الله وياك

مها ولج فيروزه منين تعرفين حسين

فيروزه ولج غير هوه الي ساعدنه وكعدنه بالشقه مالته

مها ياا خوش والله بعد شتردن هههه

فيروزه دنجبي هههه

رجعنه للشقه والماسه اشتهت تبسي دجاج سويتلها طلع كلش طيب دخلت سبحت وطلعت اندك الباب فتحته بسرعه لبالي مها

فيروزه ها ولج وين صر...😨😨 اخترعت من شفته كبالي يبوو عززه هاذه حسين شجابه

حسين رجعت للبيت والتهيت ويه الولد وتفقت ويه الوالده تعزلي غده لاصدقائي وسوتلي جدريه دولمه بلحم واخذتهن للعماره وبالي كله يم ام عيون الحلوات فيروزه هنوب باع الاسم يالله لايگللها لوگ