كانت اكو نسوان بالمطبخ وحده واكفه ع الطباخ ووحده ترتب الصواني والثانيه واكفه السنگ دخلت ام حسين قبلي
ام حسين. يمه لهسه ماخلصتن شسالفه
رفاه. يمه خلصنه مابقه شي بس شويه
ام حسين. يمه رفاه جيبي للبنيات حجاب يلبسنه
رفاه. صار يمه
صعدت رفاه جابتلنه شالات لبسناهن
رفاه. عمي حلوات كلشي يلوكلجن هههه
ام حسين. ي والله كافي العيون تخبل
ندى. ي والله صدك منيلجن هلجمال ماتنطني شويه
الكل. ههههه
فيروزه تسلملي والله انتن حلوات تخبلن
ندى. بعد گلبي ماعرفتج بنفسي اني ندى اخت حسين الجبيره
رفاه. واني رفاه الوسطانيه
نور. واني اختهم الصغيره اسمي نور
فيروزه.بعد گلبي اتشرف بيجن اني فيروزه عمري18 وهايه اختي الماسه عمرها 16
نور ربي يحفضجن ويستر عليجن بجاه النبي محمد
فيروزه. تسلميلي خاله
هدى. شوووون بله نبقى ننتضر علما تخلصون حجي مو نريد نتزقنب ورانه شغل
رفاه. ع كيفج شبيج عيب البنات هنا
هدى. وذا البنات هنا شنو يعني ديله تحركن
نور همستلي. حبيبتي معليج بيها هاي وحده لاكفه ولسانها متبري منها طنشي
ابتسمتلها هزيتلها راسي مبينه الابنيه ماتحبني بس اني شمسويتلها والله يالله مدن سفره بالكاع وحطن الريوك اشكال والوان اجبان وبيض وقيمر عرب وكهاي وكلش طيب الاكل اكلنه لحد ماشبعنه وكمنه صعدت اني واختي فوك ونور صعدت ويانه هيه وجهالها كعدت تسولف ويانه
سوالفه كلش حلوه عرفت انو هيه ارمله وعدها جهال ثنين يخبلون كلش حبيتهم شويه وصعدت مرت اخوهن هدى تدردم
هدى. ووووف شون بله غرفة الجهاب وخذوها وين اكعدهم بله
ندى. شبيج تصيحين عيب البنات عدنه خطار
هدى. ووو عاد خطار ولزكه شني هاي والله معليه
ندى. لج هشششش عيب عيب استحي شويه
هدى. شخبصتيني انتي والله مدري منين جايبينهن ذني من الشوارع
فيروزه. اسمع حجيها كلش ضايقني نور هايه غرفة جهالها
نور. حبيبتي لتهتمين الها كتلج لسانها متبري منها
فيروزه. حبيبتي خلي نطلع احنه اليوم نرجع للشقه ماباقين هنا وماريد اسبب مشاكل
أنت تقرأ
حضنه احتواني
Acakبقلمي شهد محمد • لَـو بَـﭼـُوني ككل ٲلنـَآسس" 😻💭 • ٲريَـدك ٳنـَت تِسسعدنـِي ♥🌸 !
