حضنه احتواني

البارت الخامس عشر

تعبت من الامتحانات طالعه روحي ...طلعنه اني ومها وهيه راحت بطريق بيتهم واني مشيت بطريقي مال كل مره سمعت واحد صاح باسمي جفلت بمكاني هلصوت سامعته قبل لكن مجاي اتضكر، لكن موغريب هلصوت لتفتت واني عاكعده حواجي شفته جفلت بمكاني رتديت لوره وايدي ع حلكي لاا مستحيل اسوء كوابيسي كدامي واكف منين طلع شعرفه بمكاني بقيت ارجف خاف يسوي بيه الي سواه قبل بدت دموعي تنزل واني اشاهده واكف والدمعه بعينه تلمع تقرب مني اني رجعت لوره وبقيت ابجي بصوت والشارع مابي ولاطير البشر

سامر بصوت مبحوح .. الماسه سمعيني اني ندمان ولله

الماسه بقت دموعي تززل وحدهن يربي ساعدني ليش اجه شيريد مني ربي لتعوفني وحدي فدوووه ربي

سامر تقدمت خطوتين بأتجاهها وهيه شمرت جنطتها و ركضت بسرعه ركضت وراها اصيحلها الماسه اوكفي دخلت بمنطفه خرابه صايره وكلها بيوت قديمه مهدمه وماكو ولا واحد طالع بلشارع شفتها تعثرت ووكعت بلكاع رحتلها بسرعه عاطت بيه وهيه تبجي وجهاا احمر من البجي العد اني شمسوي للبنيه حته هلكد مرعوبه مني ولو عمي حقها السويته موقليل بس مالبالي هيج

الماسه ... لتقترب مني ولله اكتلها لنفسي هنا وابليكك ولله
ابجي وارجف من الخوف من الرهبه تخيلته وحش وتخيلت انو حيسوي نفس الي سواه بيه قبل بقيت ابجي شفته تقدم الي زدت بلبواجي .. فدوووااا عوفني الله يخليكك لتسوي الي سويته بيه فدوواا 😭 لتكسرني بعد ماتحمل ولله ابجي ولحجي كوه يطلع حسيت غصه ببلعومي شايفين من تبجون بكل قوتكم وتناجون ربكم وتضلون تدعونه يساعدكظ بحل مشكلتكم والحجي تتبعه غصه تلو الاخرى وماببدكم شي تسوونه عاجزين ضعيفين كدام الامر الواقع هيج اني كان وضعي

سامر .. نزلت لمستواها وبجيت وياها اسف ولله اسف الماسه سامخيني غلطت بحقج ولله ماجنت بوعيي بيومها بيمن اخلفلج حته تصدكين ماجنت اقصد الي سويته بيومها وعلي جنت سكران ولحسين الشهيد حبيتج اكثر من روحي

الماسه زادت بواجيي عطت بي ... حبيتني ؟؟؟!! حبيتني ؟؟ الله ينتقم منكك ع الي سويته بيه لك ياحب تحجي عنه حولت حياتي لجحيم امي ماتت بسببكك وعشيرته كلها تبرت من عدنه بسببك انته انته بسبببك انته عسه ربي يطلع حوبتي بيك ... 😭😭😭

سامر خفت من دعوتها وعيوني تجري دموع دمعه وره دمعه .. اني ندمان ولله ندمان اعرف غلطت ولله غفور رحيم مسامح كريم اني اعوضج ولله اعوضج اتزوجج وتصيرن الي ومستحيل الي صار يتكرر الماسه ولله تبقين يمي اني احميج ولله ماخلي احد يلزم شعره منج

الماسه بقيت ابجي ومن سمعت كلامه عيل عصبت وبجيت وجسمي يرجف ... ماريد منكك شي كلشي ماريد بس وخر عن طريقي اطلع من حياتي ماريدكك اطلع عذبتني بما فيه الكفايه عوفني لتتقربلي

سامر .. زين بس سامحيني لوله فدواا ولله ضميري اكلني اكل سنتين واني افكر بيج كضيت هلسنتين كله ع السجاده استغفر رءي ع السويته وحسيت بي مسامحني قربني اله وكمت حته صلاتي ماكطعها لتزمت يها وحته قران كمت اقره وادعي ربي يخليج بطريقي بيوم من الايام حته اصلح غلطي لج افكار تجيبني وتوديني اذا كنتي عايشه او ميته