غلطة_صُغري

البارت 4

#غلطه_صُغري

البارت_4

🌹🌹🌹🌹🌹رزان باسم🌹🌹🌹🌹

اديان....مرت الايام وصرت مدمنه عليها وكل
هذا بسبب تقى ..بيوم من الايام بعد ما نجحت
من الاول للثاني متوسط ونتاليا نجحت للاول متوسط صرنا نفس المدرسه نداوم بيها ..

بيوم واني راجعه للبيت لكيت بيت خالي يمنا
جان وياهم ابنهم قصي جنت مو هلكد علاقتي
بيهم اصلا ما احبهم ..

اول مدخلنا سلمنا عليهم ورحت لغرفتي غيرت
ملابسي وكعدت ..كلت مابيه اروح يمهم لان اصلا
ما احبهم ..جان تندك الباب ..صحت منو
جان يجي صوت قصي اني افتحي ..اني هنا

ما اعرف شنو صار بيه خفت كولش بعدين كلت
يعني شيسوي بيتنا مراح يسوي شي عدلت نفسي
وفتحت الباب اله جان يدخل وسد الباب طبعا قصي
اكبر مني..

اديان...تفضل شرايد.!

قصي....امممم ما اعرف منين ابدي

اديان...قصي من النوع الي ميخاف من اي شي
عنده جرئه جان يباوع بنظرات مفتهمتها بس
ابدا ما حبيتها جان يباوع من فوك ليجوة ..احجي
شرايد ..جنت ابين البرود والقوة بس الخوف اكلني
من جوة تقرب يمي حيل وجان يلزمني من كتفي

قصي...صايرة حلوة (بهمس)..

اديان...ما اعرف شصار بيه دفعته وكلتله لو تحجي
لو تطلع منا

قصي...اوك لا تعصبين بس ردت اكلج انو اني احبج

اديان...بقيت مصدومه ما اعرف شنو صار لان
اول مرة بحياتي احد يكلي هالكلمه بقيت ساكته
ما اعرف شنو ارد..ما احس اله بوسة انطبعت
على خدي احس حرارة صعدت لراسي ..من الخجل
احس جسمي كام يرجف كلبي دكته صارت 1000
من الخوف ما ادري ارتباك لو هاي مشاعر ..

قصي...يلا تعالي تغدي اصلا امج رادت تجي تصيحلج مقبلت كلتلها اني اصيحلها يلا تعاي..

اديان...هزيت راسي بمعنى اي ..طلع واني بقيت
واكفه اوووف يربي هسه شلون اطلع كدامه رحت
غسلت وجهي وطلعت كعدت يمهم بس احس الكل
يعرف واحس الكل ديباوع علية ..

الام...اديان شبيج يمه(بهمس)

اديان...ماكو شي حبيبتي (بهمس)

الام...ها خوش ..

اديان...اكلت لكمتين ورحت لغرفتي طبيت بعد
ما طلعت واني افكر بكل الي صار واخجل
لوحدي صرت مثل المخبلة.. المصيبة اني اكرهة
هسة ما اعرف شنو احساسي من كلي هيج ..

اخذت حباية ونمت طبعا الحبوب جانت تجيبها
تقى واحنا ننطيها فلوس.. حسيت الحباية فادتني
بهيج موقف بس للاسف هي جانت تاثر سلبا علية

نمت..ما كعدت اله العصر و اول ما فتحت عيوني
اجه ابالي قصي..وكلامه ..جانت عندي بعض الامور
ما افهمها لان ببساطه جان كل تفكيري بالدراسة
وعركاتي ويه نتاليا ..ثاني يوم صادف جمعه