غلطة_صُغري

البارت 12

غلطه_صُغري

البارت_12

🌹 🌹 🌹 🌹 رزان باسم 🌹 🌹 🌹 🌹

نتاليا... تعرفين ليش هيج صار بيه؟

اديان... ليش حبيبتي

نتاليا... بس ما تكولين لماما ..

اديان... ليش ماما باي حال علمود اكللها احجي
طلعي الي بداخلج..

نتاليا .... جريت نفس وبديت احجي ...
ذاك اليوم جنا راجعين من المدرسه اني وصديقتي

اديان... اي

نتاليا... جنا نتمشى عادي اني وصلت للبيت
وهي بيتهم تطلع بعد ليكدام نفس الفرع
بس بينا شكم بيت تقريبا .. اني دخلت بعدني
ما سديت الباب لمحت سياره طلعت كبل ..

طلعت راسي على كيف من الباب لان اعرف بس
هي بالشارع .. السياره وصلت مقابيلها ونزلو
من عدها اثنين ملثمين  . واحد لزمها والثاني
ما اعرف شنو رش على وجهها .. وهي تدافر
بيهم بس اخذوها ..

اديان... ما اعرف احس كلبي انعصر يربي
شديصير بينا اباوع عليها صافنه وتحجي
وكأن الموقف انعاد عليها الدمعه بطرف عينها
بس ما نزلت .. صعب هيج موقف

نتاليا... واني اديان اني .. كولشي مسويت
الها صديقة طفولتي راحت... تعرفين شنو راحت
بعد مترجع مثل بابا ... اني انهبطت من الخوف
بحياتي مشايفه هيج موقف حتى احس لساني
انربط لا اكدر اصيح ولا اكدر اسوي اي شي ..

اديان... كافي حبيبتي كافي امرج ربج بعد

نتاليا... الذنب ذنبي اني عفتها وحدها

اديان... هاي شبيج نتاليا يعني تردين ترحين
لبيتهم وترجعين وحدج .. شنو من تفكير تفكيرج
وفرضا رحتي وياها هم راح تنخطفن سوه

نتاليا... ما اعرف احس اكو ثكل على صدري
خنكه .. ما اعرف اريد اصرخ بس متطلع
اكو شي بداخلي ياذيني ... يجرح بيه
تعبت ..

اديان... بس اهدئي ماكو شي والله من الحاله
النفسيه .. انتي مالج علاقه بالي صار امر ربج
وانتهى ..

نتاليا... وبابا هم راح  وبعد ميرجع

اديان... دنكت اااخ كلبي شكد شايل هموم ..
لا حبيبتي يرجع انشالله نتامل بالله ..

نتاليا... الله ما يحبنا لو يحبنا جان رجع بابا

اديان... حرام عليج تحجين هيج... كل هذا
اختبار النا علمود يشوف صبرنا .. نكفر بي لو نحمده
وبعدين سبحان الي ميموت .. كل هاي الناس عاجلاً
او اجلاً راح تموت.. لذا لا تحجين هيج الله يحبنا
ولازم تصيرين قويه ويصير ايمانج قوي بالله

نتاليا... انتي تحجين بالايمان وتاخذين حبوب
وين الربط ..

اديان... احس خجر وحطته بكلبي .. معليكم
بيه اني ابطلهن وحدي بس لاحد يتدخل بيه   
نتاليا... لازم تصيرين قويه علمود ماما متشوفينها
حالتها حالة