#غلطه_صُغري
البارت_5
🌹🌹🌹🌹رزان باسم 🌹🌹🌹🌹🌹🌹
اديان... كاعده على اعصابي وهي كوه تجر الكلمه
ما اكول احجي ..
نتاليا... الي صار ... قبل كولشي راح اسألج وجاوبيني
بصراحه .. ليش قصي دخل لغرفتج؟
اديان...يعني جانوا موجودين!
نتاليا... لا تغيرين الموضوع اني شفت قصي دخل
لغرفتج.. جنت اريد اطلع و من شفته رجعت لغرفتي
وسديت الباب وخليته مفتوح اشويه وشفته دخل
لغرفتج بس مكدرت اتسمع عليكم .. احجي اكو شي
بينكم ؟
اديان... ها لا ماكو شي بس اريد اعرف شنو صار
البارحه سولفيلي ...
نتاليا... ممم باعي مثل مكلتلج البارحه من شفت
قصي بقيت بغرفتي اراقب الوضع .. بعدها سمعت
صوت صراخج .. وبعدها سكتي .. طلع قصي يركض
وراح عليهم ... اني رحت وراه شفته دخل للمطبخ
بدون محد يحس .. وطلع وبيده كلاص مي
علساس جان بالمطبخ .. بعدها كال كدامهم وين
اديان .. جان تكله ماما بغرفتها كال راح اصيحها
وراح ورجع يركض علساس ميعرف شبيج .. واجه.
علينا كللهم اديان مغمي عليها اني صح عفتج ورحت
وراه. بس اول مره اشوفج بهاي الحاله جان جسمج
يرجف وجنتي عركانه عبالك ذابين مي فوكاج
وتهلوسين .. اخذج بابا بحضنه كمتي تصرخين
وتضربين .. اخر شي من استقريتي شالج بابا وحطج
بفراشج وغطاج ... قصي واهله مشوا .. كعدت
يم امي جان تكول لبابا خاف بنتك مسويلها عمل
او ممسوسه... تعرفين ماما تهلوس بهاي الشغلات
لان حالتج جانت غريبه .. بعدها بابا اتصل بقصي
وكله ممنوع تكول عن الي صار .. وكال الي ولماما
اذا سالتكم كلولها محد اجه او اي جذبه المهم متعرفين .. لان خافو عليج لا يصير بيج شي وتعرفين اهلي بس احنا الهم .. هذا الي صار بالتفصيل الممل بس لا توضحين لامي لو لبابا انو
انتي تعرفين خطيه راح ينحرجون ويبقون يفكرون
بيج وبوضعج ..
اديان... مم تمام بس المفروص يحجون مو يخلوني
اتوهم عادي مراح يصير شي .. حجيت بنتر
نتاليا... على كيفج عيني واني شعليه .. تنترين
بيه ذولاك اهلج وروحي كليلهم.. وبعدين تعاي
انتي ليش صرتي هيج اول مره اشوف حالتج هيج؟
ادياان... بعصبيه ما اعررررف وميخصج افتهمتي.
كمت من يمها كبل على غرفه ماما اخذت الموبايل
ورحت لغرفتي ... طلعت الرقم اريد اتصل بس
ما اعرف شنو اكله يعني البارحه لو لا ستر الله جان
اغتصبني او جان سوه اي شي .. لا وبكل عين
صلفه يكلي حبيبتي. وماشي ويه الوضع يريد
يطلعني مخبله بس اني اعلمك يا قصي ... اتصلت
بي ..
قصي... الو
اديان... انت ليش تجذب عليه البارحه
قصي....محد معلمج تسلمين بعصبيه ..وبعدين شنو
هذا اسلوبج الزفت احجي عدل ..
أنت تقرأ
غلطة_صُغري
Aventure_اشعر بالخوف من ان تمضي الايام هكذا...ان تستمر في اللاشيء دون ان يحدث امراً ما يصيبني بالدهشة ،،انا لا أبدو وكأنني..أتحرك على الإطلاق واتسائل كم من الوقت أحتاج حتى اتخطاها... مُتعبٌة من وجودي ، من كوني أنا ، من ملازمتي للمكان الخطأ ، الذي لم يجلب لي...
