غلطه_صُغري
البارت_11
🌹 🌹 🌹 🌹 رزان باسم 🌹 🌹 🌹 🌹 🌹
اديان... بقيت افكر بالمنام اكيد اله تفسير
رحت بحثت بالنت وكل تفسير شكل لدرجه دخت
كعدت .. معقوله لحد الان محد اجه طلعت
للاستقبال .. لكيت نتاليا متمدده .. وحاطه
ايدها على وجهها .. هاي شبيها رحت عليها
نتاليا ... ماكو رد عزه نتاليا هم ماكو رد اعرف
نومها ثكيل بس مو هيج رديت هزيتها حيل
جان تفز حيل
اديان... فزيت منها هاي شبيج
نتاليا... شبيج هيج واكفه فوك راسي
اديان... غير شفتج نايمه كلت اله جان ماتت
نتاليا... فال الله ولا فالج شريره
اديان... هههههههه اي حيل شريره اكلي نعل
محد اتصل عليج؟
نتاليا... ما ادري خلي اشوف الموبايل
اديان... شفت الموبايل حيل هاي شكد داكين
بسرعه رجعي اتصلي
نتاليا... تمام
اديان... اتصلت نتاليا وحصلت رزاله من خالو
لان بقى قلق علينا عباله بينا شي .. سدت الموبايل
ها بشري
نتاليا... ما بيها شي بس من الهبطه ضغطها صاعد
وحاطيلها مغذي وباجر تطلع انشالله ..
اديان... سوده عليه
نتاليا... اديان
اديان.... ها
نتاليا... جوعانه كومي سويلنا شي ناكله
اديان... باوعت صفح عليها وليش متكومين انتي
نتاليا... تدرين بيه ما اعرف اطبخ وانتي طبخ
طيب مثل طبخ ماما
اديان... خوش تصبغين .. تعاي يمي بالمطبخ
رغم القهر والحزن بس كدامها بينت القوه لان
اعرف بيها جبانه وحساسه.. ما ردت ازيد همها
واعرف من نامت علمود تخلص من الواقع يعني
مثلي .. بس عبث لان اكو ناس حالتهم
ازيد من عدنا ...
نتاليا.... اديان وين صفنتي هلكد تفكرين؟
اديان... انجبي هو جنت افكر شنو اسوي
نتاليا... شوفي المجمده ما تخلى من الكباب
واالكبه وغبرها تعرفين الوالده كولشي تجمد
اديان... تمام فتحت المجمده وطلعت كبه ..
كليتها ونتاليا سوت سلطه .. رتبنا كولشي وكعدنا
اباوع على نتاليا بس صافنه على الاكل ومتاكل
مو خبصتيني اريد اكل واريد اكل شو متاكلين
صافنه ..
نتاليا... ها لا بس مالي واهس اكل لان ماما ماكو
وبابا ماكو ..
اديان... هو صحيح واهس ماكو بس اذا متاكلين
ما اكل اني
نتاليا... تمام راح اكل
أنت تقرأ
غلطة_صُغري
Adventure_اشعر بالخوف من ان تمضي الايام هكذا...ان تستمر في اللاشيء دون ان يحدث امراً ما يصيبني بالدهشة ،،انا لا أبدو وكأنني..أتحرك على الإطلاق واتسائل كم من الوقت أحتاج حتى اتخطاها... مُتعبٌة من وجودي ، من كوني أنا ، من ملازمتي للمكان الخطأ ، الذي لم يجلب لي...
