غلطة_صُغري

البارت 15

غلطه_صُغري

البارت_15

🌹 🌹 🌹 🌹 رزان باسم 🌹 🌹 🌹

اديان... رحت صحت لنتاليا واجيت
كعدت يم ماما.. اي سولفي

الام... هاي بالسبعينات من جنا بغداد
قبل لا تزوج ابوج جانت عنده علاقه
بوحده وجان ناوي يتزوجها ..

بس هي جانت كولشي يسويلها او
يجيبلها .. متقبل تريد اكثر وقبل مو
مثل هسه جنا بفگر .. والناس يادوب
تعيش حالها يعني الاوضاع مو زينه
ذاك من ذاك الي عنده .. ومتمكن ..

اديان... اي كملي كملي طلع بابا عاشق
ومندري ...

الام... جايتج بالسالفه بس لا تقاطعين

اديان.. هاي سديت حلكي

نتاليا... اهووو شكد تسولفين خلي نسمع

الام... بطلت ما اكمل رجعنا

اديان... نتاليا.. خلص والله ما نحجي

الام... المهم هو مجان يعرفني .. ولا
اني اعرفه .. البنيه جانت تحب الفلوس والي
متمكن وهي جانت تضغط على ابوج
جيب وجيب .. جانت تسوي هيج علمود
يعوفها بس هو حان متعلق بيها لدرجه
يضغط على نفسه علمودها وهي كل
هذا مو بعينها ... طبعا جانوا نفس الكلية
لهذا حبها .. الى ان بيوم من الايام اجت

وجان وياها واحد من ذولة الي عدهم
فلوس .. هو تفاجا .. راح عليها سالها
جان تكله خطيبي .. هو بقى مصدوم

كللها وحبنا الي صارله 4 سنواتراح و بكل
سهولة هيج .. هي عافتة وراحت ويه
هذا من ذيج اللحظة ابوج عرفها وكرها
وطلعت من كلبه .. وبعدها بقى سنه
ما يقبل يتزوج .. الى ان بيوم التقينا
صدفه يم اهله... امي جانت صديقة
امه ... واني جان عمري بذاك الوقت 18
تقريبا .. جانت امه مريضه وهو جان
الوحيد لاهله يعني ما عنده اخوان من نفس
الام .. عنده من زوجه ابوه واصلا هم
حاقدين عليه وعلى امه لذا من ذاك
الوقت سافروا .. برا العراق  ..

المهم جنت كاعده يم ماما وهنه يسولفن
هو اجه من برا جايب مسواك بوقتها
سلم ودخل جوه وره اشويه اجه سلم
على امي وكعد يمنا طلع متعود يكعد
يم امي ويسولف .. هو طول الكعده
كل اشوية ويباوع عليه بوقتها تضايقت
منه على كد ما يباوع ...  من رجعنا للبيت
اجه امي الله يرحمها .. كلتلي شفتي شلون
مشال عينه عليج .. بوقتها تضايقت منه. حيل
وكلتلها لا تفتحين هيج مواضيع ويايه
لان جان ابالي بس دراسه وبس الزواج
ما افكر بي نهائيها .. يمكن فات اسبوع
بس جان يجون هو وامه علينا

اديان... الله يا سلام شكد حلو هيج
شي خو ما مثل حظي ..

الام... رجعنا كافي كلما هاي وذكرتيني
تخليني اتندم 

اديان... كملي عوفينا مني

الام... اذا انتي كل اشوية تقاطعيني ..
المهم اجو علينا .. علمود يخطبوني .
وفعلا وافقت استمرت خطوبتنا شهرين
كمت احبه .. بس هو عادي يوم ويوم
ما جنت اعرف شنو السبب .... بيوم
جنا طالعين بمطعم وبالصدفه اجت هي
وزوجها .. جانت سافره والمكياج والشعر
ما جنت اعرفها ولا حتى شايفتها بس
اجت على طاولتنا .. سلمت على ابوجن
فجاة تغيرت ملامح وجهه الى غضب
اني صح ضجت بس لازم اعرف السبب
ومنو هاي .. مشت اني سالته جان ينفجر
بوجهي .. انهضمت لان محد معيط بوجهي
لا بابا ولا ماما ولا حتى اخوتي ..