غلطه_صُغري
البارت_13
🌹 🌹 🌹 🌹 رزان باسم 🌹 🌹 🌹 🌹
اديان... سولفيلي شنو صار جوه ..
نتاليا... ااااخ منين ابدي متكليلي
اديان... ابدي من اول ما اخذج جوه ...
نتاليا... اول مدخلنا جوه سالني شبيج
جاوبته كلتله كذا وكذا صار ويايه ..
جان يكول بس هذا سحر مو هبطه وهاي
السوالف .. تعرفيني اول مره يصير بيه
هيج وما جنت اعرف اكو هيج حالة تصير
بالبشر.. من اثر صدمات وغيرها ..
اديان... والله اني هم مثلج ما جنت اعرف
اله شفتج واكثر من مره سالت ماما وجاوبتني
بس مداقتنع .. اي كملي عوفينا من هاي
نتاليا...المهم .. اني ابدا ما ارتاحيتله
وحيل لعبتي نفسي منه .. بدا يردد كلمات
مدري شنو .. وينفخ على وجهي بنفس
الساعه حسيت بخدر وجسمي نمل كولش
كلت اكيد هاي للعلاج بما انو هو روحاني
اكيد يعرفون بهاي السوالف .. انوب
حطه ايده على جهة كلبي وبدا يردد
كلمات هنا حسيت خلص ما اكدر حتى
اريد اسال انربط لساني و عيوني ثكلن
كمت انعس ما اعرف شنو .. لج عبالك
واحد مشلول .. يعني شيخ حسن ما سوه
هيج وذاك جان يرتل ايات قرانية بصوت
عالي.. هذا ما اشوف بس شفايفه تتحرك
وما اعرف شنو يكول ..
بنفس الساعه عبالك واحد دفعني بسرعه
وكعت بالكاع كمت ما اكدر احرك اي شي
من شفته كام يباوع على جسمي ورفع
البدي مالتي .. جانت بس عيوني تتحرك
يكلي ما اكدر اعالجج اذا ما انام وياج
وهاي اغلب الطرق عند المشعوذين
اني من كلي هيج لج اديان انتيهت
كلت خلص راح ينتهك جسمي راح اصير
قذره .. ما اعرف بقيت اردد بداخلي يارب
اريد اتذكر من الايات الي علمنا عليهن
بابا .. والسور الي نقراهن كل يوم لج
نسيت .. اي نسيت صرت وحده فاقده
الذاكره .. ما اعرف شلون اجت على بالي
هاي الاية... الي مجربتها اني اكثر من مره
اديان...اي وحده مو هنه هواي
نتاليا.... هاي وجعلنا من بين ايديهم سدا
ومن خلفهم فاغشيناهم فهم لا يبصرون
هاي اجت على بالي
اديان... شتحجين لج هاي الاية الها سحر
خاص لج ما اعرف حتى اني مجربتها ..
من اخاف من شي .. ما اعرف شلون اوصفها
نتاليا... اكملج .. بقيت اردد بيها وبس
دموعي تنزل .. لج عجيب كلما يريد يتقرب
مني تطلعله شغله ويحير بيها والحلو بالموضوع الشغلات كلهن تافهات .. بقيت
اردد بيها واترجه بربي انو يحرك لساني
أنت تقرأ
غلطة_صُغري
Adventure_اشعر بالخوف من ان تمضي الايام هكذا...ان تستمر في اللاشيء دون ان يحدث امراً ما يصيبني بالدهشة ،،انا لا أبدو وكأنني..أتحرك على الإطلاق واتسائل كم من الوقت أحتاج حتى اتخطاها... مُتعبٌة من وجودي ، من كوني أنا ، من ملازمتي للمكان الخطأ ، الذي لم يجلب لي...
