غلطه_صُغري
البارت_14
🌹 🌹 🌹 🌹 رزان باسم 🌹 🌹 🌹
اديان... تفاجأت من ماما... قبل اشوية
تكله تعبناك وهسه تلوم بي وتكله تريد
تعوفنا .. عجيب شبيها ماما ..
عفتهم وطلعت بقوا يتناقشون بس ماما
ترفع صوتها وصايره نار ..
ابو قصي... هاي هية بس اهدئي مالنا خلك
ترحين توكعين ويصير بيج شي .. الي
بينا مكفينا .. باجر اي مكان تردين ترحين
كليلي .. تمام
اديان... اتفقوا على انو يرحون باجر بس.
ما محددين انو يرحون للنجف لو يرحون
لسيد .. طلع خالو من الغرفه رحت
وراه .. خالو خالو .. صحت وراه وكف
واندار عليه
ابو قصي... ها حبيبتي
اديان... خالو لا تزعل من ماما تره والله
تعبانة لان تعرف نتاليا منا وفقدان بابا
من جهة ثانيه..
ابو قصي... اعرف بنتي .. اختي واني اعرفها
شكد كلبها طيب واعرف تعبانة .. وعصابها
تلفانة .. بس انتي هم لازم تقنعيها على
الدكتور احتمال هذا مجرد اثر لمرضها ...
اديان... ان شاء الله خالو ابقى تعشى
ويانة ..
ابو قصي... لا والله ما اريد تعبان واريد
اروح انام ..
اديان... ابتليت بينا خالو ما اعرف شلون
نجازيك لو ما الله وانت جان هسه احنا
دحنا بالشوارع ..
ابو قصي... شعندي غيركم يلا اني رايح
اديان... الله وياك وديربالك على نفسك..
ابو قصي... ان شاء الله
اديان... مشة خالو رحت صبيت عشة الي
ولامي .. كعدت يمها جان وجهها اصفر
وبس تصفن .. ماما تعاي اكلي
الام.... ما اررررريد سم وزقنبوت اكلي انتي
اديان... اني هنا انفجرت شبيها عليه اتخبل
من واحد مقهور ويجي يذب حركته بيه
واذا جانت مقهورة على وضع العائلة فانا
اكثر منها ... شجاج كل اشوية تعيطين
بوجه احد. .. قبل اشوية ويه خالو وهسة
ويايه .. ندري مقهورة مو هيج كافي
تزيدينها علية. ملييييت
الام.... لجججج انجبي وكومي اطلعي
برررررا لا اموتج هسه هنا اذبحج والله
اذبحج كومي الحبوب... ام المخدرات
كووووومي برا جاية تحاسبني وما تكول
على نفسها من جانت تاخذ حبوب اقل
واحد حجه وياها عيطت بوجه.. كومي
اطلعي ... ما اريد اشوف وجهج هنا برررررا
اديان... جمدت من انفعلت هيج جان صوتها
واصل لسابع جار.. وكامت تذكرني بماضي
ما جنت مسؤولة علية جانت غلطة وصحيح
هسه اخذ... بس من اعصب اتحمل حالاتي
واتحمل السم الي ينهش بالعظم واتحمل
الالم .. واتحمل الاعصاب كولشي اتحمل
في سبيل اتركة .. وبكل فرض ادعي من
الله يهديني اعوفهن .. هسه بدل ما تشجعني
جاية تذكر بيه ولا فوكاها بصراخ تحجي
شجاج ماما .. احجي بداخلي جانت دموعي
تشرح .. كل ألم بية وكل حجاية اريد احجيها
أنت تقرأ
غلطة_صُغري
Adventure_اشعر بالخوف من ان تمضي الايام هكذا...ان تستمر في اللاشيء دون ان يحدث امراً ما يصيبني بالدهشة ،،انا لا أبدو وكأنني..أتحرك على الإطلاق واتسائل كم من الوقت أحتاج حتى اتخطاها... مُتعبٌة من وجودي ، من كوني أنا ، من ملازمتي للمكان الخطأ ، الذي لم يجلب لي...
