#أختناق_الندم
(((الحلقه الثانيه)))
نزلت ايه: وين البنات؟؟؟ :/
زينب: عدن لسوق وانتي راقده
ايه: خساره قبل بنعدي بس راسي ساهره امس
زينب : تو بكره تطلعي معايا بناخد بدله
ايه: باه
زينب: اول مره انشوفهن عندك ياعائشه ؟؟
عائشه: من طرف سعاد الي زمان تنظفلي
زينب: عليك بنيه عندها؟؟
عائشه: جميله الله اكبر بس حسيت عندها حاله نفسيه؟؟ :/
أيه: تحكو علي البنت اللي كانت تغسل فلفرش؟؟
عائشه: اها
أيه: مش هكي بس تلقيها متحشمه في شغل امها :3
زينب: الشغل لاهو عيب لاهو حرام اهم شي الحلال
أيه: ياماما مقلتش شي بس البنات اللي في عمرنا يعني يتحسسن من حاجه هكي تلقيها نحرجت
عائشه: الله اعلم
زينب: بس شكلهن نظيفات
عائشه: شفتهن من روشن المطبخ وهنه يغسلن فلفرش الصراحه يمسحن الكبد نظفانه تنظيفه سمحه
زينب: تو ناخد منك رقمها بلكي نستحقلها
عائشه: تو نعطيه لك
خشن البنات:
أمل: هلو مامي هلوو خويله :*
ايه: يا باردات كنكن ما نوضتني عديت معاكن :(
ابتسام: منحسبوش رواحنا بنطولو =D
جنات: تعالن شيلن معايا الاكياس؟ -_-
عائشه: جبتي الحاجات اللي وصيتك عليهن؟
جنات: في اللي حصلتهن وفي اللي لا :/
امل: بس عليك جو في سووق فاتك ياويه :*
ايه: خساره
وخشت رانيا:
رانيا : ؤووووه خويله وبناتها عندنا =D
زينب: اهلا بدكتوره ربي يعطيك الصحه
رانيا: سلمك اهلا بناويت شنجوكن
وسلمت عليهن
رانيا: روح سفيان من العمل؟؟
عائشه: مزال نا بروحي نبيه يدير كم حاجه
رانيا: احم جيتو انتم بس؟؟
ابتسام: هههههه جينا نحنا بس :*
رانيا: مبردك راكبه بنغير دبشي
~
~
~
~
روحنا للحوش خشيت ادوشت وصليت العصر وتممددت ع سرير ونسمع الباب يدق
ماما: ايوواه
نسمع في صوت اختي فاتن..
سلمت علي ماما وخشتلي سلمت عليا
فاتن: رايفت عليك
انا: حتي نا رايفت عليك واجد (واضبطتها)
ماما: هيا تعالن نقمعزو ع تلفزيون
انا: تو ندير نسكافي
ماما: تعالي يافاتن
قمعزن في الصاله وولعن التلفزيون
ونا فلمطبخ
ماما: كيف حالك مع راجلك؟
فاتن: والله هوا كويس وماشاءالله عليه بس امه مهبلتني :(
ماما: لا حول ولا قوة الا بالله حتي بعد حملتي :/
فاتن: مش متقبلتني عارفه اول ماقتلها اني حامل مفرحتش
خشيت للمطبخ وقعدت نظف فيه ونسمع فيها تقوله شنو بتقول لعيالك بعد يكبرو :'( ....(وقعدت تبكي)
ماما: وسعي بالك ومتعدلش عليها اهم شئ كان حلمك انك تكوني اسره وتقعدي ام حنونه نا واثقه ان من الحياه اللي عشتنها انتي وخواتك ومعاناه اللي شفتنها ومن البهدله اللي رافقتكن حتعوضنها بخير علي اعيالك وحتربنهن احسن تربيه واي حنان اب وام فقدنه حتعوضنه لاعيالك
