#أختناق_الندم
(((الحلقه الخامسه)))
طلعت ماما وصكرت الباب
ونا نرعش نظرة اعيونه الموقف هذا,......... اه والف اه
روحت ومنصدمه ونرعش ونهز من التوتر وخلاص
ماما تحكيلي ونا منردش عليها منسمعش فيها
شنو تقول نذكر في حاجات غريبه عقلي افكاري
تعبانه معش نقدر قلبي يدق بسرعه رهيبه
كلمت فاتن وجت
علشان تحكي معايا بس مقدرتش انرد عليها
فاتن: كنها؟؟؟؟؟
ماما: منعرفش منعرفش :'(
فاتن: لا حول ولا قوة الا بالله وين كنتن
ماما: كنه عند ناس نشتغلو خشيت لصالتهم وخليتها بره
تغسل في الفرش طلعت لقيت شابين يتعاركو وهيا مقمعزه
ونفس حالتها اول مره شفناها
فاتن: تو نكلم الدكتوره
ماما: كلميها
اتصلت فاتن وصفتلها الحوش وجتني خشتلي:
دلال: ساره ؟؟؟
كنت مغطيه وجي بيديه منبش نذكر
دلال: ساره؟؟؟؟
انا: (نبكي) :'( منبش نذكر نفس لنظره نفس الوجه
دلال: اسكتي خلاص بطلي هز
ماما: كنها بنتي ؟؟؟ :'(
دلال: اطلعي لو سمحتي وصكري الباب
فاتن: تعالي ياماما
صكرن الدار:
دلال: حولي ايديك
انا: (نبكي نحس في رعشه في جسمي)
دلال: به احكي؟؟
مقققدرتش نوقف هز منبش نحول ايديه خايفه انشوفه
خااايفه نبي الظلام منبش انشوف شي قدامي
دلال: ساره تسمعي فيااا احكيلي
قعدت تدويلي ونا منردش عليها نسمع فيها بس مش قادره نحكي
مخنوقه منقدرش نفتح فمي ونحكي منقدرش نفتح اعيوني ونشوف
طلعت دلال وصكرت الدار:
دلال: ضروري مانشيلها للمستشفي :/
ماما: لالا بنتي ماتطلعش من هنا :'(
دلال: متخافش عليها
ماما: ساره متطلعش من هنا نا عارفتها تقعدش بلايا
فاتن: ماما ع سبه مصلحتها
دلال: لالا خلاص خليها تو نجي نا
فاتن: بتعدي توا وبتخليها هك :o
دلال: نكتبلها مهدئ تعطي لها توا مع الميه
ماما: به تو نعدي توا نجيبه لها
فاتن: لالا تو نوصي عمر توا يجيبلها قاعد بره
دلال: يلقاه في أي صيدليه كتبتلها نوع قوي يعني يمكن تستفرغ
وطول وهيا راقده لذلك متخافش عليها هيا امتي اخر مره كلت؟؟
ماما: فصبح بدري قبل تعدي للمعهد
دلال: حاولي انك توكليها لان دواء قوي
ماما: به بارك الله فيك
دلال: واجبي تفضلي الورقه
فاتن: به
دلال: متضغطوش عليها في أي حاجه وبكره متخلوهاش
تطلع من الحوش
ماما: بس من قبل الدكتور نصحني بالاختلاط؟؟؟
دلال: لالا بكره متخليهاش تطلع نا بكره تو نجيها فصبح
ماما: به شكرا يابنتي
فاتن: سامحينه تعبناك
دلال: ولا يهمك ساره قعدت اختي كيف ماهيا اختك ومش حنسيبها
لعند ماتعالج ونساعدها
ماما: (تبكي)
فاتن: خلاص ياماما متخافش كويسه نوصل الدكتوره لعند الباب
ماما قعدت ع صالون وتبكي
