#أختناق_الندم
35
انا: لا عادي ياسر ميقولش شي وبعدين ياسر بعد بكره مسافر عند رحله
اروي: خلاص معناها بكره من صبح انكون عندك
جنات: تو نجي نا نبي ماما
اروي: عاي عدي نا قاعده معاها
جنات: نحكي لساره منحكيلكش
(عرفت ان الوضع مش تمام)
طلعت جنات
اروي: نحنا سلفات عاد ههههههه
انا: اها هههه
لميت الحوسه وكنت انلهي في روحي في مطبخ مطلعتش بكل
حاطه جنات بره ماعين يبن غسل
طلعت وبديت نغسل فيهن
ونبرم ونلقي رافع
انا: ..........
رافع: يااهلا بلكنه رايفت عليك
انا: حول من قدامي
رافع: تاريته عندك لسان وتعرفي تحكي ولا ياسر طلعه لكي؟؟
انا: حول من قدامي نبي انخ شرا نعيط ونلم عليك الدنيا
رافع: عيطي عادي شفتي بعد عيطي المره اللي فاتت شن صار؟؟
ولا نسيتي عيشت العزز تغير
انا: الله يربحك حوول
رافع: تي كنه السمح قريب يبكي
انا: حول بنخش جوا
رافع: هاكي هذا رقمي رني علياا وخلينا نحوو انتي عجبتيني اول ماشفتك
انا: حووول من قدامي خطااني بنخش جوا متافش ربي انتي؟
رافع: دايره روحك محترمه واخلاق ؟؟؟
انا: لو سمحت حول من قدامي
رافع: ليشه كي يعني حنونه علي غيري ومش حنونه عليا؟؟ حرام عليك
تي تحسابي روحك منعرفوش ماضيك؟؟ هاربه من هلك؟؟
اسمعي ياسر طايح بوجه في وحده كيفكاسمعيني كويس
ليله وحده بس بيناتنا متبش اتديرلك شي ليله وحده بس
خودي رقمي
حطلي الرقم في يدي وطلع
عزقته وخشيت نرعش
جنات: اسفه طولت عليك مانحكيلك قصقصة صبايا
انا:.............
جنات: نك تبكي حد ضايقك ؟؟ايه حكت معاك؟
انا: (نبكي)
جنات: بسم الله اشربي ميه كنك ياساره شن في ؟؟؟تعاركتي مع ياسر؟
انا: (نبكي)
مسحت دموعي وكلامه في وذني عرفت في لحظتها ان ميبش يرحيني
وبضايقني نحكي لياسر؟؟منقدرش
لمن نحكي ؟؟سكتت وخلاص
حطو الغذاء تغذينا بس غصبا عني منظره بين اعيوني
خفت بكل وكلهم لاحظو ان صايرتلي حاجه
بس عمتي وجنات يحسابن ان ايه او زينب ضايقني بكلام
قعدت منصفره وخايفه ومعش خشيت للمطبخ
قعدنا شويه بعد الغذاء
جنات: كنك؟؟
انا: شي
جنات: ونبي تحكي؟
انا: عليه صلاه وسلام ماكني شي مضايقه شويه
جنات: نكلملك ياسر؟
انا: لا لو نبيه انرن عليه متشغلش بالك حبيبتي
جنات: باهي كنك؟؟
رانيا: جنات تبيك سعاد
جنات: باهي نازله
رانيا: سميه جت
جنات: مرت خوك البارده وين:؟
رانيا: مع صبايا
ونزلت ومبحتتش فيا نهائي
جنات: متزعلش منها مطرشقه رانيا
انا: عادي
جنات: اقعدي في داري ولعي التي في اوو انزلي معايه خير من قعده بروحك؟
تعرفي علي عيلتنا
انا: بنقعد هنا احسن من النزله انزلي انتي
جنات: خلاص تبي حاجه رني اوك؟
انا: اووك
نزلت صكرت باب الدار
وولعت التلفزيون وخايفه قلبي يدق ومقدرتش نشيل موضوعه من راسي
مره انطربق صوابعي وكل مانسع حركه بره نخااف ونرتبك
رن تليفوني قلبي وققققف
شفته لقيته ياسر والحمدلله
