#أختناق_الندم
الحلقه 30 (الاخيره)
جزء 1..
..
..
نزلت من السياره:
بابا فرحان بمرواحتي
اما ماما فلخووف واضح علي وجهها عارفه ان خوتي مش نواين علي خير
حاتم: تي باتي طووول معقوله لعند توا ترا كلمه يارمزي
رمزي: كلمته قالي دقايق ونوصل
ونيس: زعما شن يبي فينا
حاتم: نا انتوقع ان يبي يبيع المزرعه
ونيس: مستحيل يبيعها عارف انها تعزز عليه
رمزي: وحتي ولو يبي يبيعها عليش الاجتماع وجو هضا كله
كانو كلهم قاعدين في صاله
ونيس
رمزي
حاتم
وصباياهم فمطبخ
سهام
شيماء
نيروز
....
بابا: متخافش
نبحت في حوشنا
كل حاجه متغيره مغيرين الديكووور والاثاث كل حاجه متغيره
ماما: ياربي استر يااارب سترك يااارب
خش بابا وماسك في يدي
وماما قدامنا وتدعي
مخفتش ولا توترت حسيت قلبي مات
تعبت من الخوف ومن البكاء ومن الهم تعبت من كل حاجه
تعبت من التفكير وتخميم تعبت
ديمه امنية حياتي اني انتريح
منحسبش موت ماما بيدير فيا هضا كله
محسيتش ان ممكن يمر عليا موقف اصعب من هكي
وحتي ولو كان موقف ان نتلاقه مع خوتي بعد7 سنوات
.........
خشت ماما
للصاله
وخش بابا وراها وماسك يدي ونا كارسه وراه وماسكه في يده
صبو هما الثلاثه:
ماما من كثر خوفها قمعزت ع طوول وطبست راسها
حاتم: الساقطه هذي شن جيبها؟؟
رمزي:؟؟؟؟؟؟؟؟؟؟؟
ونيس ورمزي منصدمين وساكتين
وحاتم نظرة الحقد والغل وكره فعيونه
جا يجري يبي يضربني
بس بابا وقفه
حاتم: انت عليش تدافع عليها ؟؟؟؟ هذي تطلع بره
بابا: متمدش يدك عليها ونا عايش
نا نبكي ونرعش وقنطت بلقوه ع يد بابا
وداسه راسي في ظهره
حاتم: (دمووعه نزلن) باتي خليني نشرب من دمها خليني نفش غللي فيها
بابا: ...........
ونيس: (قمعز) لا حول ولا قوة الا بالله
رمزي: باتي شنو اللي قاعد يصير هنااا؟؟؟؟؟؟؟؟؟
حاتم: باتي خليني نقتلها
بابا:اضربني وبعدها اضربها
حاتم: (يبكي) فضحت بينا ذلتنا قدام الناس ركبتنا العر والمذله كرهتني فلحياه
خلتني نكره الناس ونكره جنس حوه كله
ونيس: ............
رمزي: وعليش جايه وشن تبي؟؟هذي مكانها الشارع
بابا: هضا مكانها نا عارف تربية بنتي
رمزي: باتي مكانتي وشغلي واسمي كامستشار؟؟؟ بتفضحو بيا انتم ؟؟؟
طلعها من هنا
حاتم: الكلبه هذي ملهش مكان بيناتنا ويا نا ياهيا
بابا: بتعيش هنا اللي عاجبه يقعد واللي مش عاجبه يقدر يطلع
حاتم: تسمعي في كلاام راجلك ياامي
ماما: (تبكي)
رمزي: معناها نحنا اللي نطلعوو
