#أختناق_الندم
الحلقه17..
وام عمر كانت تبي الحمام وطبعا متقدرش اتخش بروحها ضروري ماحد يساعدها
ضبحت علي حنين كم مره بس مردتش عليها
وتبولت في دبشها ع كرسي المتحرك.........
روح عمر مع 2 في القايله
وخش لشقة اللي فيها امه لوطه
امه:........
عمر: اهلين حنين وين؟؟
امه: .......
عمر: امي كنك؟؟؟؟
امه: ......
عمر: امي كنك شن في؟
امه: لبزت سروالي؟
عمر: كيف؟؟؟ يعني اهاااا عادي مش مشكله ساهله بس حنين وين؟
امه: منزلتش
(كان منظرها كيف الطفل كانت متحشمه من روحها )
ركب لحنين..............
فتحت الباب:
عمر: مش قتلك انزلي واقعدي مع امي؟؟؟
حنين: عموري كنك متعصب يابيبي شنو درت نا
عمر: نا شنو قتلك قبل ماننزل؟
حنين: رنن عليا صحباتي وهدرزت معاهن ولهيت
عمر: يعني كسرتي كلمتي؟؟
حنين: (قعدت تبكي)
عمر: ..........
حنين: حرام عليك من اول يوم تعاملني هكي وسع بالك عليا
عمر: خلاص ساهله
حنين: كلمت ماما نطمن عليها واتصلن صحباتي ومفضيتش
عمر: اهاا هاكي وتي الصفره ونزلي ورايه
حنين: حااضر
حطرت البطاطا في تبسي ودجاج في تبسي
والبرغر ونزلت وراه
عمر: حطي الصفره في المطبخ وتعالي
حنين: حاضر
حطتها وجت:
حنين: اهلين يااعميمه كيف حال صحتك
امه: اهلين الحمدلله الحمدلله والله شوفتك ردت فيا الروح
حنين: تسلميلي
عمر: غيريلها دبشها؟؟
حنين: عليش؟
عمر:........
امه: سبقني البول
حنين: وععع :3
عمر:؟؟
حنين: يعني اممم انا كيف بنقولها اممم
عمر: متسمعش انتي؟؟غيريلها؟؟
امه: وسع بالك ع بنت؟
حنين: افففف باهي
غيرتلها وهيا منقرفه منها وطلعن عشان يتغذن:
امه: شنو هضاا؟
عمر: حنين قالت منبش انطيب؟
حنين: ءءء اعميمه اول يوم ليا مزلت عروس
امه: منكلش فيه نا هضاا
حنين: بلعكس بس جربيه هاكي هاكي
امه: مش كويس ع معدتي ؟؟
عمر: (ياكل ومش معدل عليهن)
كمل اوكاله وطلع .....
حنين: وين؟؟
عمر: تو نجي عندي شغل......
طلع وجا قدام حوش ماما عشان عارف ان فاتن تزور فيا يبي يشفوها من بعيد
كان خايف ومتردد
لو صارحها تطلع فعلا هيا سبب في شلل امه
ولو مصرحش تكون مظلومه
كان متوقع من فاتن تصرف كيف هضا عشان عارف ان امه مش ساهله
وكلامها سم
خاف تكون ردت فعل فاتن انها اطيحها
بس مكنش عارف ان فاتن مستحيل تئذي حد
~
~
~
~
مرن .....شهر..... ))))
انا في المستشفي ومش قادره نحكي لان كل بنحاول ددموعي ينزلن وجود ياسر في حياتي
زااد حسسني بلعار اللي نا درته
وحده ضعيفه مهزومه بلا شرف فلحظه ضيعت حياتها وضيعت هلها
7 سنوات مرن علي القصه ومزلت نفس الخنقه ونفس الشهقه ...؟؟
حاولت انتغير حاولت انعيش حياتي بس شنو الفايده كل مانبرم
نلقي الماضي قدام وجي معرفتش نهرب الا بسكووت
الصمت هوا الحل لو حكيت الناس بتنظرلي البنت العاهره
ناس محدوده في حياتي ماما وفاتن؟؟؟
ودلال؟؟؟
ياسر... واه من ياااسر..........
ياسر في بريطانيا ومعش رد ليبيا قاعد غادي
ويكلم في امه وعرسه بعد شهر
نفس ماكانن توقعاتي اول ماعرف قصتي وخر ع طول
كذبت عليه ؟؟؟ بس معذوره هههع وشنو بنقوله
كيف بنحكيله ؟؟؟
شنو بنشرحله؟؟
مش مظلومه لان عديت برجليه مع وعد
لحظة عباطه او غباء انسان يتعلم منهن؟؟
بس نا دمرن حياتي ..دمرن حياتي ومعطنش فرصه اني انتعلم منهن؟؟؟
