#أختناق_الندم
الحلقه27
انا: احكي :/
ياسر: طبعا انتي عارفه ان نا وابتسام خاطبين؟
انا: مش ع اساس انتهي الموضووع؟ :o
ياسر:عارفه ان البنت تقعد بنت خالتي
وامي مصره عليها؟؟
انا:؟؟؟؟
ياسر: سار ه نا الفرح متاعي بعد اسبوعين
انا:؟؟؟؟؟؟؟؟
ياسر: الووو
انا: كيف؟
ياسر: سار ه نا انحطيت في موقف نا نبيك تصبري عليا
انا: كيف نصبر عليك؟؟؟ ياسر انت وعدتني؟؟
ياسر: نا منقدرش نلغي الفرح قرب وهيا وتت حاجتها وانتي عارفه انها قريبتي
دموعي نزلن حسيت قلبي غم عليا من جديد))
انا: يعني بعد وثقت فيك وحسيت ان حياتي قعدت احسن تجي تحكيلي هك؟
ياسر: عطيني وقت ونا نصلح كل شي
انا: (نبكي)
انا: ...........
ياسر: الوو
صكرت معش قدرت انتحمل منبش نضغط عليه وانحسسه
اني ضعيفه ومسكينه معش بنضغط عليه وبنكد علي حياته
قعد يرن يرن
قفلت الفون
ونبكي ....
متاكده لو كنت في حوش هلي ومصارش اللي صار معايه ولا اصرفت بغباء
واهبال وطيش مراهقه را اجوزني نا
وامه وافقت بسهوله
وباته يشرف ان ناسب بابا وخوتي
وكان خطبني ونا رافعه راسي ومفتخره
وكان ليا احترامي
وكنت حسيت بفرحته وقتها
وقتها كنت ممكن اني نتخيل حياتي معاه
وكان وكنت وكان وكنت....؟؟؟
بس عشت حاجه عمرها ماكانت ليه
تعودت عليه وحبيته
فلحظه حسيت ان هوا كل حاجه بنسبه ليا
راجل أي بنت اتمناه
صبا معايه ومحولش ان يجرحني او يأذيني
مقدرتش نستعوب فكرة ان تاخده بنت غيري
بس هضا واقع
واقع حكمت بيه قصتي من يووم الرحله
كانت ليله واعره علياا
صعبه للغايه بكيت فيها علي حاجه كنت متوقعه انها تقعد مش ليا
علي حاجه فشهور بسيطه قعدت كل حاجه
بنيت امل وقلت ان حياتي بتصلح وننساه كل حاجه
ونتريح ونرد لهلي
كله حلم ويقعد حلم
مقدرتش نرقد راسي صداااع
خفت ناخد من جرعه من دوايه نمرض ونخش للمستشفي
ويحسابها لقطة ضعف مني ويقعد هوا جنبي
ونذل روحي
قلبي وجعني عقلي تعب من التفكير
روحي كرهتني من اني نعاتبها ب الندم
~
~
~
~
~
جنات رنت علي عيسي:
عيسي: ايواه؟؟
جنات: انعم كنك معش رنيت؟
عيسي: نحساب عندي رصيد بس طلع معندش تو بكره انعبي ونحكوو
جنات: لا نحكوو توا برصيدي عادي
عيسي: والله يعني مراتي تصرف عليا؟؟
جنات: ههههههه عادي نحنا واحد
عيسي: هيا هيا تصبحي ع خير بكره اول مانوض انكلمك
جنات: بنحكيلك شنو صصار
عيسي: لالا برصيدي بكره هههههههه هيا اوك
جنات: باهي يابارد تصبح ع خير
عيسي: وانتي من اهله :*
~
~
~
~
~
~نضت في صبح بس مقدرتش انصبي
جت ماما نوضتمي درت روحي راقده
معندش نيه نبحت في حد او نحكي مع حد
....
ماما: كنها هذي؟؟؟
فاتن: بلكي طولت؟؟
ماما: والله مانندري عليها ان شاءالله غير مامريضه
فاتن: لالا معش تخافي عليها قعدت احسن من قبل
ماما: والله مهبلتني هالفرخه
