محطات

اول نص ينزل ...بقلمي أمل طارق اتمنى يعجبكم بعنوان...الايسكريم

حاجه خفيفه... واحد شاف بت في الحديقه وعجبتو..
كلماتي... أمل طارق ❤

أثناء قعادها تمايلها💃🏼
سرحت عيوني تقابلها 🤤
شفت الجمال مرسوم رسم✨
شفت الجميل فجأه ابتسم 🥰
هبت نسيمه خفيفه تب
ويمين شمال بتشاغلها💖
ضاقت عيون السمحه
مريودتي لون القمحه 🙈
زادت تبسم رغم انو
الطرحه كانت بتغافلها
طارت يمين طارت شمال
والسمحه لسه في سترتها 😔
عدلت نفسي و أنا وخلاص
عاهدت نفسي أشاغلها
وسرحت في اخر خيال
كيف أقربها وكيف أوصلها
قلت النقوم نكسب وقت
نشيل الرقم واحنكها
لكن محال كيفن ارخصها اجهلها
دي الغاليه ما زوله رقم ولا حنك
دي الحلوه دي زينه البنات
ست الحسان نور البلاد
غضيت بصر ومحيت سواد
شلت النفس وهمست
كيفن اهملها
و أتفقت مع الهبوب تمشيلها مرة تشاغلها🙈
وتجيب هبوب من ريحتها
تروي القليب المرتجي
نظرة عيونها تأملها
رقه وجمال عفه ووصال
تسلم حبيبتي وأناملها
وأقول خلاص بس يا نسيم
ما تهب خلاص بتقتلها💔🙈
دي الناعمه ما زي البنات
لو زدت بس بتكسرها 💔😹🙈
💔💔💔
قالو البت في النهايه طلعت منتظرة راجلها يرجع😹يأكلو الايسكريم سوا
وصاحبنا المنبرش اتلحس مع الايسكريم
العبره من الموضوع...
لمن تمشي الحديقه بدل تقعد تعاين في ايسكريم الناس 😂امشي اشتري لنفسك 😹😹واكلو وارجع بيتكم وما تسرح وتشطح 😹😹💔💔
نتلاقى في قصه تانيه مع محطات
اموووله ....