محطات

قصه قصيره بعنوان ...الصف الثالث حفصه ...رسلوها للممتحنين تالته عسى يستفيدو ❤

محطات 🔥
محطه جديده بعنوان
الصف الثالث حفصه 📒✏️
بقلم ....أمل طارق

اسمي مرام وشغاله استاذه عربي في المرحله الثانويه ....من اتخرجته اتعينته طوالي في مدرسه قريبه من بيتنا وصراحه كانت مدرسه مريحه بالرغم من انو كانت حقت اولاد 😆
اتفاجأته بانو الاولاد بحترموني وبتفاعلو معاي شديد في حصصي خاصه حصه البلاغه عندهم احساس ما عادي 😅
ما الحب ملعبهم وكدا
المهم طول فترتي هناك ما حصلت لي اي مشكله بالرغم من انو كنته بسمع من الاساتذة التانين انو الاولاد مطلعين زيتهم
بس انا الحمد لله ما كانو بيعملو لي حاجه وتمام التمام
في يوم كدا طلع فيهو كشف بتاع تنقلات واسمي طلع في الكشف 💔
حولوني مدرسه بعيده من بيتنا ووكمان حقت بنات ...أنا ما عنصريه بس من وجهه نظري شايفه انو الافضل انو الاساتذة الرجال يدرسو البنات والاستاذات يدرسو في مدارس الاولاد لانو بيحصل نوع من الخجل والتعامل بحذر
فلو لاحظتو معامله البنات للاستاذات بتكون شويه مزعجه على عكس لمن يجيهم استاذ بيقدر نوعا ما يسيطر ويهرشهن 😹
وكمان الاولاد شياطين خاصه في المرحله العمريه دي فبتلقاهم بيعملو السبعه وزمتها للاساتذة لكن بقعدو عاقلين للاستاذات 😹ولكل قاعده شواذ طبعا
ودا رايي الشخصي ما ضروري يطلع صاح ...بس انا كاستاذة بحب اشتغل مع الاولاد اكتر
دا ما بيمنع اني ما حامارس مهنتي بكل حرفيه مع البنات

المهم اتنقلته ...وجيتهم على جرح لانهم كانو كايسين استاذات للفصول الخاصه
واتوزعنا وطلع لي الصف الثالث حفصه 🔥
وقالو لي حتكوني أم الفصل دا وادوني جدولي
في اليوم داك ما كان عندي حصه بس قلته امشي اشوف الفصل واتعرف عليهم وكدا
وصفو لي الفصل موجود ورا شديد مجدوع في حته كدا تكاد تكون برا المدرسه
دخلته الفصل لقيتهم ليك كتار كترة ما طبيعيه 😳
....السلام عليكم
ردو لي السلام
عاينته في وشوشهم عرفته انو انا ماشه على حاجه كبيرة خالص
....انا استاذة مرام حاكون ام فصلكم ...خريجه جامعه الخرطوم ....طبعا انا كنته بدرس في مدرسه اولاد قبل كدا وما حصل درسته البنات فدي اول سنه لي ادرس وان شاء الله تكونو احسن من الاولاد
ردت لي وحده بطنطنه
....سجم امك
والجمبها بقو يضحكو 😹
.....امنعو الكلام 🙂
عاوزه اسألكم انتو ليه كتار كدا
فجاه بصوت واحد بقو يطنطنو وينقنقو واي زول يتكلم براو
....يا بنات انا عندي كم اضان وحده بس تقوم على حيلها
تجاوبني على سؤالي
اخترته لي وحده ظاهر عليها الشغب
....يا مس والله دافسننا كدا عاوزين يكتلونا مرصرصين كدا زي طماطم سيد الخدار 🙂
....لا وليه عددكم اكبر من باقي الفصول ؟
...اي والله كل الفصول ٦٠او اقل
الا نحن ٨٦
....ايوا
....دا كلو يا مس عشان القروش
لو عليهم لسه يملونا دا غير بنات شهاده البجو متاخرين وكل يوم زايدين نفر 💔وبجيبو لينا من اعاده وملونا ملي
....ايوا وما اتكلمتو ولا شكيتو
تاني بقو يهرجو بصوت واحد
....بنات 😡اسكتو في وحده واقفه
....والله يا مس شكينا ميه مرة اول حاجه شوفي جادعننا في حته كيف بعيده عن المدرسه زاتو ومهمشين عشان داخلين خاص وما شغالين بينا الشغله
....اممممم طيب اقعدي اخدتي فرصتك