من رواية ....دموع الرويني بقلمي : أمل طارق
بدسك في دعواتي أنا كل يوم
واكتبلك شعر بالكوم
ومهما تجافي مهما تلوم
هواك في قلبي بقا محتوم
شنو الوقعني في حبك ؟
براي وقعته في دربك !
في زولا بارد ....ديمه هو شارد ....من الاحساس هو مجرد
حرام يا قاسي تتمرد
تدوس في قلبي تتغرب
حرام تسكت... حرام تشرد
وديمه عيوني تتقرب
كرامتي تدوس ....حزن مدسوس ...أنا الخسران وأنت أكيد عليك تكسب
يا الحبيب القاسي
كفاية علي مأسي
تعال نجرب الحرمان
ونلعب لعبة النسيان
تراك جافي وأنا الزعلان
تعال نجرب اللمه
خبرنا يجيبو في الحلة
يقولو فلانة بقت لفلان
نعيش الحب ...نغذي القلب ...نكمل نص دينا بالمرة
يا الحبيب القاسي
كفاية علي مأسي
كفاك تجور ...كفاك طغيان
وشوف مسكين في هواك غرقان
من الصغر أنا ليك عشقان
كبر حبك كمان وكمان
وازدهر نور الوجدان
كفاية تجافي واسمعني
عاين لي وكلمني
واروي عيوني بشوفتك
تراك بحرا وأنا العطشان
يا الحبيب القاسي
كفاية علي مأسي
أنت تقرأ
محطات
Poetryديوان جمعته فيهو الخواطر والطرف والخربشات الكنته بكتبها منها قصص شعريه وغيرو ...كل فترة والتانيه حانعشكم بالجديد بتمنى التصويت والتشجيع ....اموله
