محطات

خربشات 💛

#نقطة_تغيير
نحن كجيل جديد لازم نغيير حاجات كانت متداولة ولسة للآن موجودة ودا ما بيتم بين يوم وليلة بس بلااااش تقديس
١/ للفنانين ! حتى لو بتحب الفنان الفلاني يلي هو يا اما حي يرزق او تحت التراب فهو والله ما ناقص ذنوب زيادة منك عشان انت تعبدو كمان !!! دي نقطة تغيير بغض النظر عن حكم الغناء او غيرو
٢/عناصر في المجتمع ذوي المحتوى الفارغ ! ديل الواحد ينزل فديو تقوموا وتقعدوا وبعد دا كلو تقولوا آه وهمي ،،، طالما أنت تابعتوا فأنت الوهمي 😂

طيب نجي للاحلام والطموحات وكدا ....
١/ حاول بقدر الامكان ما تحكي لزول احلامك بعيدة المدى ما عشان ما حتتحقق لالا ابدا بس لانو لو حكيتها اتأكد تماما انو الحلم بببح خلاص حيطير وتاني بجمبو ما بتجي

٢/ احلم بعيد عن الناس وحاول شيل اخطاء الجيل القديم وما تحولها لنقاشات عقيمة لالا ابدا ،،، حتى لو مع الوالد والوالدة ما تدخل نفسك في متاهات بل قدر موقفهم ومخاوفهم وكدا خصوصا لو كانت عندك مواهب زي الرسم ، التصوير ، التحدث التحفيزي ، التقديم وغيرو فالجيل حقهم بيعتبر الكلام دا خطرررررر ايي والله ما وهم بس خطر عديل🔥🔥 فما تلومهم بل صلح نفسك وربي نفسك على التغيير والتجديد عشان لمن يجي الجيل البعدك تتقبل كل التغيرات الحتحصل فيهو

٣/الاصدقاء البقتلوا الحلم جواك ما بقول ليك فارقهم بس حاول ما تحكي عن طموحاتك قدامهم ، واعرف انو في نوع من الحسد اسمو حسد الطموح يعني الواحد يحسدك في طموحك واحلامك ناهيك لو حققتها والله يجي يتلصق فيك جنس لصيق 😂

٤/اعرف انو انت البتحدد نجاحك وبتصنعوا وماف زول ليهو حق يقرر مصيرك وكلنا ماشين بحكم القوي سبحانه وتعالى وهو الممشي أمور العباد فحكم الناس عليك ما عندو علاقة أصلا بنجاحك او فشلك انما دا كلو مقدر وكلو لخير

٥/واخيرا حلمك ، طموحك ، مخططاتك كلها مهمة حتى لو الناس ما شافتها كدا ...وأنت ناجح طالما عندك حلم عاوز تحققوا ومؤمن بفكرة انو ايي زول في الدنيا دي اتخلق عشان رسالة معينة ولازم تفتخر انو عندك طموحات حتى لو شافوها الناس وهمية بس احسن من الماشي ساي ما عارف طموحو شنو!

أنت ناجح طالما قريب من ربنا ❤
كل ما قربت كل ما حسيت بتيسير أمورك .... حتى لو الواقع عكس الطموح أحلم وعيش كل لحظة من عمرك
واصل في المحاولة وما تيأس وخت قائمة بكل المدمرين والقالوا ليك ما حتصل  كل المحبطين والكسرو مقاديفك زمان ذكرهم كويس انو انت ما هين وانك وصلت ♥️ وريهم كيف وصلت بتوفيق ربنا ♥️✨
باليقين بتصل ✨
#أمل_طارق