زواجك بالاكراه وعلاجك قدري ( صكر الصخرة)

الفصل الثالث

ليست الحياة كما تخطط لها بل ماتقدمه هي لك
.ِِِِِِ....................

اذا تردين اتعيشين ..تتزوجيني لان احنا نحمي الي يصير منا ومانأذيه .. وبهيج راح تتخلصين من الموت ..
كالت مستحيل ..اقبل بواحد مجرم ..
كال لعد ..اتشاهدي على نفسج ..وبين ماهو دايخلي السلاح على راسها صاحت ..
اي اي اقبل اتزوجك

نزل السلاح الي جان رافعة لراسها .. وتقرب منها وهو يباوع بعيونها العسليه الي داتلمع والدموع تارسه خدها .. وكال ..

صكر .. شوفي يبنت الناس .. الاتفاق عدنا اتفاق دم .ماينقض ومايفصله الا بالموت .. وبما انه انت قبلت بهذا الشي فمعناها تسوين الي راح اكلج عليه حرف حرف .

هزت هند براسها .. وكالت اي ..

طلع هو من الغرفه وهي وراه وراحو يركبون السياره ..باوع بيها وكال .

صكر ..اصعدي ..

هند .. وين ماخذني ..

صكر .. راح اعقد عليج هسى

هند .. شنو هسى .. اني مااتزوج اليوم ..

اتقدم عليها ولزم ايدها حيل وهي تتوجع وكال .. اني مدالعب وكلمتي وحده .. اليوم راح نعقد وتصيرين زوجتي .. يلا اصعدي للسياره والا اتموتين احسن

ورا مصعدت اجا سامر ورضا شافو هند داتركب السياره ..اتحسفو عليها عبالهم راح ياذيها صكر او يتخلص منها مجانو يعرفون انه صكر جان اكو اباله غير شغله ..

صكر .. راح اطلع بسيارتي ويا الدكتوره وانتو وراي ..

سال سامر .. وين ياصكر ..

صكر .. للشيخ مال الجامع الجبير

سال رضا باستغراب .. لويش ..

صكر .. راح اتزوج ..

وصعد بالسياره وهي صعدت يمى بالكرسي الي كدام وحرك السياره وراه جماعته . .. وهي تبحر .حاولت تفتح الباب واتذب روحها هيج جانت اتفكر بس ماتعرف صكر ذيب وماينلعب عليه .. كاللها

صكر .. دير بالج تتصرفين اي تصرف من وراي .. عيب انت طبيبه وفاهمه ميصير هالتصرفات ..

جاوبته هند بكل عصبيه .. وانت شنو ..واحد همجي متخلف مجرم مرى تخطف ومره تقتل وهسى تتزوج غصب ..من ياطين مخلوقين انت والامثالك ..

جاوبها بكل بساطه . راح اتعرفين شويا شويا .. وهسى اريدج عاقله وابتسمي ..لان بعد شويا اتصيرين مرتي ..

سكتت ودموعها تنزل ماكو الها اي طريق تتخلص بيها من صكر وجماعته وهو دايسوق رايح للشيخ حتى يعقد الهم ..
بذيج الاثناء جان رعد مشغول جدا ومخلي تلفونه على الصامت وممنتبه لما دكت عليه اخته وبعدين لما راد يجيك تلفونه شاف الرساله . ابتسم مامتوقع شي مخيف ..بس رجع دك عليها ماكو مغلق ... توقع انه هي في صاله العمليات ولا شي. وفكر انه راح يخابرها بعد شويه .. طلع من المركز جان عندا جم مأموريه يقوم بيها .. وصار قريب على المستشفى الي تشتغل بيها اختى .. طب سال عليها بالطابق الي تشتغل بيه كالوله انه هي طالعه من زمان فاستغرب وكام يشك بغيابها ..دك عليها مره لخ ماكو جهازها مغلق .. اتخبل .. طب على رئيس القسم .. وكام يساله عن اخته