زواجك بالاكراه وعلاجك قدري ( صكر الصخرة)

الفصل الرابع عشر

حين تتكلّم عن عمق الحب فقط انظر لمكانة الأب في قلب ابنته.
الأشياء الثمينة لا تتكرّر مرتين، لذلك نحن لا نملك إلّا أباً واحداً
..........

وصل صكر وسجاد لمكان جان بعيدشويه عن الصخره .بمسافه 20 دقيقه او اكثر . منطقه زراعيه بيها بيت جبير .. لكن الحراسه جانت كلش جثيره .. هو مخاف وجازف .. اتقدم من البوابه .. جانو واكفين عليها اربعه رجال يحرسوها .. لماووصلو كال واحد منهم ..
على كيف وين رايحين
جاوبه صكر وكال ... اني صكر لو كتله لستاذك راح يعرفني

حجا بالسماعات الي على اذنه ..وشويه دخلوهم .. لكن اخذو سلاحهم ..وكلشي ..طببوبهم جان عدوان كاعد على كرسي متحرك ..وبيده استكان الشاي ..

عدوان .. ايباه ..حماتكم اتحبكم .. اتفضلو اتريكو وياي

صكر .. لا .. بالعافيه سبقناك .. اتريك زين لايكون هاي اخر ترويقه

عدوان .. اني كلشي اتمتع بيه وكانه اخر مره اسويه

صكر .. اي ياعدوان احجيلي .. ليش جاي تنتقم من عدنا

عدوان .. لازم محجالك عمك شي ..

صكر ..لا حجالي ..بس اريد اسمع منك

عدوان ..الي سمعته ناقص ..واذا تسمع كل الحجايه راح تتخربط امورك ..اني لو جنت اريد جان قتلتك .. بس ماريدك اتموت

صكر .. كل واحد يموت بيومه .. لكن انا عندي خوف ودموع اهلي واحبابي ميروح هدر

ضحك عدوان ..وخلا استكان الشاي على الطاوله كدامه وكال .. كل الناس الي تكول عنهم احبابك مو مهمين ..لادمهم ..ولا دموعهم ..بالحرب اكو ضحايا اهواي ..مو هيج

صكر عصب وكال .. شوف دااكلك .. اني الي يمس اهلي احسبه ماانخلق واذا مسهم انهي حياته ..

طلع عدوان مسدس من صفحته .. وخلاه على الميز وكال ..

عدوان .. انت مو كلت تندعيني طلقتين ..هذا المسدس بيه سته .. واحد منا راح يموت بس قبل كلشي لازم تعرف انت الكذبه الي عايش بيها صارلك سنين ..

اهنا .. سجاد جان ساكت وميحجي شي .. لكن جان اكو بيده تلفون وديصور كل الي ديصير .. لكن صكر اخذ المسدس من الطاوله وكال ..

صكر .. الي يهدر دم اخثي بالكاع والي ينزل دمعه اختي وخوف زوجه اخوي ويحاول ياذي الدكتوره فماله حل غير طلقه وحده بكصته تكفي

ضحك عدوان وكال .. يعني متريد تعرف شنو هو السر ..

صكر .. كل الاسرار يجي يوم وتنكشف .. لكن لهذاك اليوم انت متكون موجود بوقتها لاني راح اقضي عليك هسى ..

اخذ صكر المسدس من على الطاوله بسىعه وجهة صوب عدوان ..

عدوان .. زين لعد .. خلي اكلك شي .. روح اسال عمك شلون ابوك مات وليش ..