زواجك بالاكراه وعلاجك قدري ( صكر الصخرة)

الفصل الرابع العشرون

هند ..كافي .. كافي ..واحد منكم يحجي ويخلصني.

سجاد .. اي اني راح احجي بما انه صكر ميعرف يعبر .. اسمعي

صكر صاح بصرخه اعلى من الي قبلها . اااااسسسكت

سجاد .. تتذكرين عدوان .. قتله بلحظتها صكر ..وانا جنت وياه .. جنا خوش فريق والله .. والعصابه الي صابتج جانت من تخطيطي انه وابوي . بس الاهم من هذا .. تدرين منو هو اخر وجه شافه اخوج الضابط رعد ..

اهنا هند جمدت بمكانها .. كل الحجي الي كاله مجان يهمها لان جانت متوقعته الا الكلام الي راح يكوله .. ننزلت دمعه من عينها وكالت وهي شفايفها ترجف ..

هند .. منو. .. احجي منو

سجاد .. اني ... اخر واحد شافه .. يعني اني الي قطعت تكته الاخير ..

صكر اندار على هند الي اتجمدت مكانها .. ويشوف بس ادموعها تنزل ..كال

صكر ِ. هند .. هند .. ارجعي للسياره حالا ..يلا

سجاد .. لا خليها .. يمكن اتريد تعرف شكال همين وشنو جانت اخر كلماته ..

هند متحملت هذا الحجي كله .. ركضت على صكر .. جان عنده سلاحين واحد ابيده والثاني حاطه بخاصرته .. اخذت السلاح من يمه .. صوبته باتجاه سجاد .. هو صاح عليها حتى لاتسوي شي ..لان لسى القناص مصوب عليها .. لكن هي بين صرخاتها وصرخات صكر عليه .. طلع صوت طلقه من بين كل هاي الضوضاء الي حولهم .. من شافه هيج صكر .. كبل جيت عليها .وذبها بالكاع وهو هم عليها.. طلع سامر هم من مكان الي خاتل بيه وبدا اطلاق النار .. سجاد اتصوب بصفحته وبدا ينهزم ببطئ .. القناص الي جان جايبه وياه سجاد كاعد بالسياره .. جان مصوب سلاحه على هند لكن لان سامر بالقناص مالته ظرب على ايده خله سلاحه يوكع وماكدر ايأذي هند .و الحرس مال الدكتوره هم انظمو ومن الجهة الاخرى اجت الشرطه همين فصار محاصر  فمجان عنده طريقه غير بس يساعد سجاد وينهزمون .. لانهم جانو اقل عددا بالنسبه للباقين .. لكن سامر ماتركهم وراه همين سيارات الشرطه ..ظلو وراهم بالسياره  وهو يضرب لحد ماسمعو صوت تفجير ... بقا صكر مغطي هند بجسمه ..بين ما الانفجار ولد عاصفه ترابيه حولهم .. وكف سامر وهو يباوع من بعيد .. جانت نهاية ابن خاله على ايدهم كلهم ..
بعد دقائق وكانه مرت ساعات . كام صكر على حيله وهو يتفحص هند .. خايف لايكون القناص مصوبها .. بعد محست على نفسها ..بعدتا بالقوه عنها ..وهي لازالت تحت تأثير الصدمه ..كانه اخوها مات من جديد كدام عيونها ..

هند .. عوفني . اتركني .. شتريد مني بعد.   كل الي صار بسببك .. كل الي صار لاني مسكت ايدك وحبيتك ..

صكر .. هند اهدئي انت مو بوعاتج وتحجين ..خلينا نرجع للبيت .. ونحجي اهناك ..

هند ..وين ارجع ..على يابيت .. البيت الي دخلت اله مغصوبه ..ولا الي دخلت اله وانه جناحي مكسور .. يابيت هذا ..