زواجك بالاكراه وعلاجك قدري ( صكر الصخرة)

الفصل التاسع

هل هناك زمان ما للوقوع في الحب .. هناك مكان وزمان للوقوع في الحب .. وقد يكون هناك زمان ومكان ورصاصه للوقوع في الحب
..............ِِِِ...........

هند .. شوف صكر .. انت اخذت مني حريتي ..وحياتي وحتى سعادتي .. بس مال تاخذ مهنتي مااقبل ..والي تريده داسويلك اياه واسمع كلامك ودااحاول اتأقلم حتى وياكم ..

صكر .. راح افكر بالموضوع ..

هند .. فكر بسرعه لان اذا ماارجع هالاسبوع راح اخسر كلشي

جاوبها صكر وكال .. زين اخليج تروحين بس بشرط

فرحت هند وعيونها لمعت وكالت .. الي تريدا ..

صكر .. ماكو شغل بالليل .. ورضا يكون وياج بكل تحركاتج .

هند .. لكن هيج انت داتقيدني ..شنو يكولون علي عدها حارس شخصي

صكر . اما هيج ..او كعدي بالبيت ..اصلا متحتاجين ..

هند .. لا خلص موافقه . اني مدرست حتى اكعد بالبيت ..انت متعرف شنو شعور انه شخص دا يموت وانت تنقذ حياته او شخص يكون تعبان وانت تخليه يصير زين . اني كتلت نفسي بالقرايه حتى اكون طبيبه واساعد الناس ..لان وكت ماتو اهلي مجان اكو طبيب يسعفهم ..

كال صكر .. خلاص اذا راح يبقى وياج رضا ..روحي .. بس اني اجي اخذج وارجعج .. ولاداومين هواي .. حاولي قدر المستطاع جم يوم بالاسبوع ..

جاوبته هند باستغراب وكالت ..الليل فهمت ليش ..بس عدد ايام الاسبوع شنو هاي ..

اتقرب منها صكر وهو صدره عاري جان طالع يخبل .وهو هيج وكال ..

صكر ..اخاف على مرتي .. اعدائنا هواي .

هند اتوتر من قربه وكالت.. اوكي ..لاتتقرب اكثر .. والبس هدومك اني راح انزل اروح للمستشفى ..

صكر . اي .. روحي .. ولاتنسين كلشي تحجي واي تصرف تتصرفيه خليني كدامج ...

هزت هند براسها بس اتريد تطلع .. اخذت جنطتها ونزلت ركض .. طلعت برى جان واكف رضا يم السياره .. كالتله ..

هند... رضا .. راح انروح للمستشفى

رضا منزله راسه ميعليه ويحجي وياه احتراما الها وكال. .. اي منطيني خبر صكر .. اصعدي دكتوره راح اخذج ..

صعدت هند وهي ممصدكه انه راح ترجع لشغلها ..
بذاك الوقت خلص لبس صكر .. دايريد يطلع اجت امه بوجهه . كالتله

حليمه .. يمى وليدي .. اشو مرتك طلعت ويا رضا وين راحت

صكر .. للمستشفى ..

حليمه .. يعني راح اداوم ..

صكر .. اي .. رايده شي لاخ

حليمه ..لايمى مرايده ..

هذا هم عافها ونزل . راح للمضيف يم عما لان بعدا مجان طالع للشركه مالتهم .. جان سامر هم يمى قبل ميدخل سمعهم يحجون على الفيديو الي اجاه البارحه .. ومجان حاجيله لصكر .. طب وقاطعهم وكال ..