لمار

حلقة 2:

راحت لمار و صحاباتها لوحد لصال كبيرة لتم وين دارو الخطاب القروب كامل كان حاضر كامل حكموا بلايص و قعدو يستناو وش رايح يصرا دخل مدير الجامعة لي جامي شافوه في حياتهم و معاه راجل صغير في العمر
_يخاه لمار ليك ليك هدا ماشي لي قريب قتلك الصباح
_ايييي و الله غير هو *** وش جا يدير هنا
_هادا هوا و تقولي مش بوقوس هادا زين كامل سبحان ربي ليخلقو
_بلعو في زوج اني شفتو لجاج لكحل دار بيا خلونا نسمعو لاه جاي
تقدم المدير للمنصة و بدا يهدر
_شكرا ليكم كامل كي جيتو ليوم عمبالي راكم تتسألو لاه جبناكم اليوم و منا منكثرش الهدرة نخلي سيد ادهم عبد العزيز يفهمكم
قدم ادهم للمنصة لبنات تاع لجامعة كامل طاحو فيه و ذابو سايي
_مرحبا بيكم كامل و نشكر المدير لي ستضافني و قبل العرض تاعي . المهم نفهمكم العرض وشنو هو انا حبيت نستثمر في الجامعة هادي و رايح ندير تقدرو تقولو مسابقة انو كل واحد من طلاب علم النفس يدير بحث كامل يعجب الحكام تاعنا رايح نعطيه منحة انو يكمل يقرا في الخارج مدفوع كلش و رحلة قبل باه يستكشف المكان لي يدرس في
كامل الطلاب ناضو يصفقو و كل واحد منهم حاط في بالو الفوز بسك هادي فرصة متتعوضش
فرغ المكان و راحت لمار و صحباتها باش ياكلو
_لمار و الله فرصة ليك تروحي وين حابة غير متضيعيهاش و اجبدي
_والله اية عندها الحق غير اقراي
_ونتوما مكمش رايحين تشاركو ؟؟
_لمار عمبالك بلي حنا رنا اصلان رايحين نكملو قرايتنا في الخارج نتي لي بقيتي
_وي صح حتى لمراة لي نورمالمون تكون امي مزادش بانو خبارهت و مزادتش دزت دراهم لازم نحوس على خدمة
_عمبالك بلي نقدرو نمدولك
_و انا منيش حابة خليوهم انا نروح ياك خلاصو ليتيدي باي
_باي
_باي
ناضت لمار خاجا من الجامعة حتى شافت هداك لبوقوس رابح يركب سيارتو ز يروح خزر فيه خزرة جمدتها بعدها ركب و طار بيها كلي معمبلوش ببها
_خرا هادا يعرف غير يخلي لغبار موراه
حكمت البيس و راحت للمدينة كشما تلقى خدمة
_عمي دحمان اني جيتك
_لمار روحي معنديش دراهم باه نمدلك
_اااا عيب عليك عمي دحمان لاه جيتك علجال هادو
_مالا خير
_خير خير كشما تلقالي خدمة اعمي حمبوك خصوني دراهم مزادتش دزتلي اسيا
_اففف على وجه خويا ربي يرحمو برك كاين بلاصة عند وحدين ذي شان تهتمي بواحد المريض هكدا
_و قرايتي كيفاه
_روحي و حاولي كيفاه تعدلي لوقت معاهم كلي نتي اكي تحضري
_هههههه ميخفى عليك والو اعمي ايا تشاو اني ديت حليب و خبز
_روحي برك روحي كون مكنتيش بنت خويا ربي يرحمو كون...
_قتلتني عمبالي كل خطرة تقولها
شلاها بسيال لي كان في يدو هربت تجري بعد ما دات العنوان تاع الدار لي رايحة تخدم فيها
تنساوش لايك❤❤
#K