حلقة7: طلع الصباح و كان يوم الجمعة مكانش قرايةفي لفاك ناضت لمار كي العادة مشطعطة شعرها طالع روتار كي العادة تجري كي المهبول كي العادة 😂😂 راحت لبست و خرجت لخدمتها خلات اية و رانيا راقدين تسب فب حياتها و زهرها ناس راقدة وهي رايحة تخدم على زهرها اما سي ادهم كان في غرفتو راقد قدامو وحدة شعرها اصفر طويل و طاي تاع حوت كلش فيها بلاستيك و مخدوم فطن ادهم شاف فيها زفر فيقها طيشلها دراهم و حاوزها من الدار خرجت تلعن و تسب فيه اما هو راح كمل الرقاد ماوش في بالو يخدم وصلت لمار للفيلا دخلت بلما دير حس باش ميفيقوش بلي راهي روتار وصلت قدام باب غرفة ليث حتان سمعت صوت وراها _سي لمار متأخرة كي العادة خبر اخر للجدة لكبيرة _بفففف تعيي بزاف نتا لاه قاعد تعاودلها هكدا _نخليك عندي شغل _نانانا شغلك تعس فينا و تقود للحنش لكبير لمحت طفلة هابطة في الدروج تسب و تلعن من لبسها باين من بنات ليل رفعت ايديها تاع ميهمنيش دخلت للغرفة ليث فتحت الستار لقاتو ديجا فطن خزر فيها ستانس بيها قدامو نحاتلو سماطة من حياتو بهبالها و ضحكها فكراتو في بنتو لي ماتت صغيرة بسبت الكونسير _مرحبا سيد ليث راني نشوف بلي راك فاطن _مكانش جواب _المهم البارح كنت ندرس في المرض تاعك و لقيت بلي انسب حل اني نبرهنلك انو رجليك ماماتوش تقدر تحركهم جابت برا من صاكها و عراتلو على رجليه و بدات تنزغ فيه منهم لكن هو متحرك و لا شعرة منو _مممم نشوف انو هادا الخطر مقدرش يتجاوز حالتك النفسية و يخليك تحس بالالم لازم نخلي الخطر اكبر جبدت عصى قولف جابتها من بيتها و رفعت ايديها لسما رايحا تضربو لرجليه بيها وساعو عينين ليث جبد رجليه بسرعة اما الضربة جات في السرير و من حسها باين بلي توجع في هاداك الوقت دخل ادهم لغرفة باباه كان حاب يطمن عليه بعد ما تأكد بلي العاهرة هاديك خرجت بلامشاكل و حضر للاستعراض كامل من غشو راح يجري حكم يد لمار لواهالها و حط ايدو على فكها و يضغط لسقها في الحيط _***** شكون نتي يا **** حابة تقتلي بابا ليوم ***** لمار مم الالم هزت عصى القولف بقوتها ضربت ادهم في كرشو فشل طاح في الارض اما هي راحت تجري ليث _شفت شفت حركت رجليك معناه تقدر تمشي عادي هاه تاكدت خزر ليث فيها مشوكي مباعد خزر في رجليه بعدها في ابنو لي في الارض يتوجع و يسب يتوعد يقتل لمار هز راسو موافق صفقت لمار بأيدها و خزرت في ادهم لي نساتو من فرحت كي قدرت تحسن من حالة ليث جات حاتهرب حكمها ادهم بسرعة و حط سكين لي خداها من البومة (لي هي ام لمار لي هي اسيا 😂😂😂) في رقبتها _***** شكون نتي يا **** شكون **** لي بعثك تقتلي بابا لمار قعدت ترجف في بلاصتها حتبول من الخوف _اني نهدر مع **** جاوبي ليوم **** ثم دخلت لالة عفيفة تجري كي سمعت عياط حفيدها لقات ليث قاعد في سرسر زام رجليه ليه و ادهم خانق لمار سكين في رقبتها رايح يزبحها تنساوش لايك ❤❤ #K
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عصا لي قريب قتلت بيها ليث و ادهم و سبب في انها رايحة تموت 😂😂😂
