حلقة 3: وصلت لمار للعنوان كانت فيلا تفتق بكل معنى الكلمة تهبل تهبل قعدت قريب نص ساعة تبحلق في البلاصة حتان فيقها صوت كلب ينبح قفزة الفوق من الخلعة و بدات تعيط _اااااا كلب يايما كلب ابعد اخرا ابعد اعععع _ماكس ارواح هنا راح الكلب يجري خزر لمار شكون لي عيطلو كان راجل لابس كوستيم يكون في 50 من عمرو يبان من لبسو يخدم في الفيلا هادي _شكون نتي ؟؟ _اهه مرحبا انا لمار جيت باش نخدم هنا _ااا جيتي علاجال الوظيفة تاع المربية _وييي _تفضلي من هنا بالمناسبة انا سمير كبير الخدم هنا دوك نديك تقابلي لجدة الكبيرة ابتسمتلو لمار وتبعتو وين داها كي دخلو للفيلا بقات باهتا فيها تبان من الخارج كبيرة ومن الداخل اكبر بكثير كملت تمشي و تبحلق من ومن محستش لكبير الخدم كي توقف خبطت فيه _اوتششش _من هنا تفضلي لقات باب كبير دخلت دقدقت سمعت الجواب باه تدخل دخلت و زادت نبهرت وش شافت لقات مرا تبان كبيرة في العمر تكون هكداك70 سنة قاعدة فوق سرير كبير لدرجة يرقد 5 عباد نورمال و ديكور الغرفة شحال شاب و كانت تالمو كبيرة كون يقسموها دير شقة نورمال _احم تفضلي اقعدي هذا الصوت فطن لمار من الغيبوبة لي دخلتها لمت روحها و راحت قعدت مقابلتها باين من ملامحها واعرة _مالا تحوسي تخدمي هنا _وي والله محتاجة تلخدمة هادي بزاف _قداه عمرك وش ديري في حياتك _عمري 22 و ندرس علم النفس _مالا تقدريش تخدمي و تقراي _نو مدام يعيشك نروح نحضر لي تيدي برك باه ميفصلونيش و دروس ندبر راسي _امممم جيبيلي وقتك نشوفو مدتلها مرام التوقيت قعدت تقرا فيه العجوز بمعد خزرت فيها مرة اخرى _اوكي نقبلو مي لازم نشوفك كيفا تصرفي امشي معايا ناضت المرا الكبيرة تمشي بالعصى تاعها لي تسمعي حسها من بعيد مشاو في رواق طويل حتان لحقو امام باب اخر فتحت الخادمة الباب دخلو شافت لمار من و من كانت الغرفة مظلمة راحت الخادمة فتحت الستار دخل شوي ضوء للغرفة لمحت لمار راجل راقد فوق سرير و يخزر في الفراغ _ليث حبيبي كي صبحت اليوم م ردش عليها حتى خزرة مخزرهاش فيها .حمحمت و اشارت للمار باه تقدم معاها _ليث عمري شوف جبنالك وحدة تساعدك خزر الراجل لي كون ماشي شعرو شايب و التجاعيد تكذب بلي هادا كبير في العمر _مرحبا سيد ليث انا لمار خزر فيها و مباعدا عاود رجع كيما كان _ارواحي بنتي لخارج نهدر معاك خرجت لمار لبرا هي و العجوز _شوفي بنتي هو عندو مرض نفسي قالنا الاطباء اسمو متلازمة كوتار نورمالمون تاعرفيها ياك قارية علم النفس خزرت لمار فيها و ندمت على النهارات لي مدخلتهمش تقرا و لي رفدتهم في الحصة _اااا وي مدام قرينا عليه مي ماشي بزاف تقدري تفهميني مليح _امممم هذا المرض يخلي العبد يحس بلي يا راهو ميت يا احد اعضاء تاوعو ماتو و في حالة ابني ليث هو حاس بلي قلبو مات و ماهوش ينبض و هذا لي خلاه يحس روحو انو ميقدرش يمشي او ياكل او يعمل اي شي _اوووو و كيفاه وصل لهاذي لحالة _هادي حاجة متخصكش لمهم تعتني بيه بسك اكي تشوفي انا كبيرة و لخدم هادو مينفعو لوالو عليها جبتك حست لمار بلي كثرة من الاسئلة سكتت و قاعد غير مهبطة راسها _دوك نحبك تبداي من الغدوة و نسيت مقتلكش انا تعيطيلي سيدة عفيفة او الجدة لكبيرة كيما بغيتي هزت راسها بموافقا و جات ماشية _استناي معرفتكش بحفيدي ادهم عيطيلو نتي _مدام سيد الصغير ماهوش هنا خرج على جال خدمة _اووو للاسف لخطرة لجاية نعرفك بيه تبسمت لمار ودعتهم كامل و خرجت من الفيلا هي وصات للجاردان في الخارج لقات سيارة كلي شافتها من قبل فطنها صوت طاكسي لي وقفاتو راحت تجري ركبت و راحت لدارها *من جهة اخرى وصل ادهم للفيلا نزل من السيارة و راح من مورا الفيلا باه يشوف ماكس راح ليه داعبو و دخل للفيلا _ماني ماني وين راكي _هاني هنا بني مرحبا بيك راح سلم على يدها و قعد مقابلها _وشراك ابني مليح خرجت بلما تقولي _كانت عندي خدمة خرجت بكري هادا ماكان _ربي يوفقك بني ، تفكرت كانت هنا طفلة باش تهتم بابيك تقرى علم النفس لوعش تعاونو و تلقالو حل زفر ادهم و خزر في جداه _ماني جبنا لبابا احسن الاطباء جي طفلة مزالت مكملتش قرايتها تعالجو المهم انا نروح للشركة نخدم ناض عدل الكوستيم و جا خارج رن هاتفو _الوو بوس الشحنة لي جبناها تاع السلاح وقفوها الشرطة _*** لواش تصلحو نتوما نحبها تخرج اليوم عبد العزيز ادهم جامي يتأخر في تسليم السلعة ازرب غلق تلفون ركب سيارة الاخرى و طار عجاجة للشركة متنساوش لايك ❤❤ #K
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فيلا تاع عائلة عبد العزيز
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غرفة لالا عفيفة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
