لمار

حلقة 14

حلقة 14
خرجت من الفيلا تتعوج  رن هاتفها ردت
-الو وي بوس
-كاشما تقدمتي في الخطة
-والله يا بوس غير الراجل هادا جامي شفت كيفو مي متخافيش مبقاش نطيحو في الفخ
-مبقاش وقت الطلبية راهي قربت لازم احنا لي نديوها ماشي ادهم هاذي طلبية مهمة لينا بزاف
-اوكي بوس متتحيريش
غلقت التلفون ركبت في السيارة  راحت للمكتب
(وي هادي الطفلة هي ريان و اللبوس تاعها هي البومة شفيتولها )
اما داخل الفيلا كان ادهم هو و جواد و حمزة في البيرو لي في الفيلا يتناقشو على البنات هادي لي قلبولهم كل مخططاتهم
-شوف يا ادهم انا نقول لمار خليها عندك تعالج عمي ليث و لبنات مدهوملي ليا
-مخصنيش قضايا اغتصاب يا ربي نتفاهم مع البومة راهي حاطة عينها على صفقة السلاح و انا مستحيل نخليهالها
-انا بوس عندي بيت نحط فيهم البنات  و نغلق عليهم مليح
-نوو هادي لبنات كي يتلاقاو شيطان يتعلم منهم لازم كل وحدة في بلاصة و لا غلطت ادهم
مسح لحيتو بغش خبط البيرو و ناض عندو خدمة بزاف اخر همو جد هادو لبنات
-اعمل لي تحبو انا المهم الطفلة هاديك لمار تقعد تعالج بابا
خرج لبس فاستو و طربق الباب وراه رايح للشركة عندو خدمة قد الجبل تستنى فيه
ضحك جواد و خزر في حمزة
-نتا ليك المرهوجة  نا ليا المتوحشة
ناض بسرعة جواد رايح لغرفة لي فيها اية مخلاش حمزة يتكلم و لا يرفض
-بففف طارتلي سامطة مي مليحة متخممش تهرب نوكلها تسكت
هز بكتافو تاع ميهموش و راح ينفذ طلب ادهم لازم يزربو يبعدوهم على بعض
راح جواد لقى اية رابطينها و هيا تفارع باه تحل روحها
-نووو مش هكدا تعاملو سيدة شبيكم
راح حللها فمها
-وي تعلمو يا جاهلين
خزرت فيه و ابتسمت لازم تسايرو باه تزرب تخرج من هنا
اما هو ضحكلها ضحكة تاع فاهمك واحدة كيفك امبو تزرب تنصاع راكي المتوحشة تاعي راح ليها و حطها علي ظهرو كي كيس البطاطا راسها يدلى
-هكدا تعاملوها
-اععععع هبطنييي يا كلب يا خماج
صفعها على لاريار متاعها و ضحك اما الحراس كانو يخزرو و يصفرو
-اعععع كيفاه تحط يدك عليا كلبب
-تسكتي و لا نعاودها
ثما بلعت لسانها
-هكدا خير نتوما نسا تهبلو مي لسانكم يسمطكم
ضحك و راح بيها لدارو
اما حمزة كي وصل لقا جواد هاز اية و خارج بيها  الحراس يصفرو خزر في الحراس بخزرة دم جمد في عروقهم سكتو كامل عمل حركة براسو كل واحد راح لشغلو و هو راح وين حاطين رانيا لقاها قاعدة في لرض و تبكي راح ليها نزع من فمها سكوتش باش تتكلم
-وش بيك خير
-اهئ اهئ اهئ رايحين تقتلونيييي
جا رايح يجاوبها كملت
-و انا مزلت موليتش اونكبل و زيد راني جيعانة
حكم ضحكة بسيف هيا و تخمامها هادي الطفلة
-شوفي نفكلك قيودك كون متهربيش نحققلك واحد من احلامك هادو
سكتت و خزرت فيه لمعو عينيها
-حابنا نتكوبلاو انا و ياك ياااااا مام انا والله حبيتك من اول مرة شفتك تقعد بيناتنا نتا خيرمن هاداك لي حاب يقتلنا ولا الحلاب لوخر جواد
-نو نديك تاكلي
خزرت فيه و خبطت راسها بيدها
-توجور نفهم زايد اوكب مام هاكي قابلة نوعدك منهرب
-اصلن لاهربتي نطلق عليك النار
-ماديرهاش جوسي
جبد السلاح تاعو و قوص على رجل احد الحراس لي كان ميت بضحك على هدرتهم قفزة رانيا من بلاصتها مخلوعة من صوت الطلقة خزرت في الحارس لقاتو يتوجع في بلاصتو غرغرو عينيها بدموع
-ودوكا تهربي
هزت راسها تاع نو
-مليح هكدا تعجبيني
فكلها رباطها و داها لدارو جابلها بيتزا من برا و قفل عليها
اما لمار كانت في غرفة ليث تتكلم معاه
-شكرا بزاف سيد ليث منعت العايلة الوحيدة لي بقاتلي
غرغرو عينيها تفكرت ابوها لي مات و خلاها صغيرة و امها لي راحت مزادش بان عليها اي خبر ناضت تبكي قدام ليث كان يخزر فيها ووجعو قلبو حس بإحساس اخر عندو بزاف محس بأي إحساس ني فرح ني حزن ني خوف كان داخلو فارغ يحس بفراغ م كي شاف لمار تبكي قدامو حس مرة اخرى في هاديك الدقيقة كلي رجعتلو حياتو خزر فيها و فتح يديه و مقال و لا حرف في ذيك اللحظة دغلت لالا عفيفة خيا و كبير الخدم و شافو المنظر عفيف فرحت بزاف بنها راهو يتحرك قدمها و لي زاد فرحها انو كي حصناتو لمار بدا يبكي ليث ابنها لي عندو شحال مشافتو لا يضحك لا يبكي راهو قدمها دوكا و راهو يبكي
جا يدخل سمير منعاتو
-خليها تخدم شغلها هيا نخرجو
اما لمار حست بظفئ الاب لي خسراتو من صغرها حضناتو بكل قوتها و بكائها زاد اما ليث زاد لزها ليه و يمسح على شعرها نرقدت في حضنو من شدت التعب
ادهم في الجهة الاخرى كان يرحي في دخان و الجاج لكحل داير بيه ملفات تاع صفقة السلاح كلها مغلوطة و زيد معلومات ناقصة و انسرقت من الملفات كاين خائن بيناتهم خبط البيرو و ناض يصيح
-ريان ريان ارواحي هنا
جات تجري لابسة جيب و شوميز كلي ماشي لبستهم دخلت تتعوج
-وي سيد ادهم
خزر فيها بنص عين و د ور وجهو
-عاوديلي الملفات هادو كامل غالطين و كاين معلومات مسروقة معناها معانا جاسوس للبومة خزر فيها بخزرة جمدت الدم في عروقها
-اوووو لازم نلقاوه سيد ادهم بأسرع وقت
-وي و راني وكلتك بهادي المهمة
بلعت ريقها و تنفست مرتاحة هكدا تقدر تخدم براحة
-تفضلي لبرا
خرجت قبل ما يزيد يخزر فيها خزراتو تقول كيلي راهو فاهم وش راك تخمم هزت التلفون بسرعة باه تخبر البومة
شويا تعليقات تشجعني نزيد نكتب كي منلقا والو تسماطلي و تنساوش لايك ❤