ياقوت

الفصل الرابع

الفصل الرابع...

اتجه "عمار"نحو غرفة أخته الصغرى" ياسمين" عاقداً العزم على تأديبها بسبب ما فعلته اليوم بصديقه " يامن " يعلم أنه أخطأ عندما أتى إلى منزلهم على هيئة عامل فقط حتى يأسر ياسمين بحبه ولكنه كان مُخطأ فياسمين مثل باقية فتيات جيلها تريد الأغنى والأوسم .. وبالرغم من وسامه "يامن" إلا أنه لم يجذب ياسمين لفقره...

تنهد "عمار" بتعب قائلاً

_انتى بس يا ياسمين لو تعرفى أن يامن اللى مفكراه يقدر بفلوسه يعمل إيه...

طرق عدة طرقات صغيرة على باب غرفة أخته ثم دلف.. كان يعتقد أن يجدها مثل كل مرة ترتدى سماعات الأذن وترقص بحركات حماسية، أو أنها تحدق بهاتفها مُحدثة أحدى صديقاتها.. ولكن المريب بالأمر انه لم يجد شئ من هذا فلقد وجد جسد مُلقى على الفراش بأهمال يصارع للهدوء، فلقد كانت أخته تدفن وجهها بوسدتها الوثيرة محاولة التحكم فى بكائها ... تقدم عمار منها بسرعة جاذباً أيها بحضنه قائلاً:
_ بتعيطى ليه كدا...

دفنت ياسمين وجهها بحضنه قائلة:
_ انا مش كان قصدي أقوله كدا صدقني

تنهد عمار بتعب قائلاً:
_ يعنى انتى دلوقتى عمله دا كله عشان خايفة منى؟

_ لأ

_ اومال؟

اخفضت ياسمين وجهها قائلة:
_ عملت كدا عشان يبعد عنى ومش هبطل اعمل كدا....

_ ليه...

اندفعت ياسمين قائلة بصوت عالى:
_ لأنه بيحبنى وانتَ عارف كدا كويس كمان وإلا مش كنت هتتعاطف معاه بالطريقة دى...

_ طب وايه المانع من كدا مش فاهم...

_ لأنه فقير...

صرخ عمار بوجهها قائلاً:
_ ومن أمته واحنا بيهمنا الفلوس يا ياسمين، احنا عمرنا ما اتربينا على كدا...

صرخت به ياسمين قائلة:
_ وبابا لما واحد بيشتغل عندنا فى البيت يجى يطلب ايد بنته متوقع منه ايه هيرحب بيه ويقوله طبعا انت متخيل أن دا ممكن يحصل! عشان كدا انا ببعد وهفضل أبعد دايما عنه...

اقترب منها عمار مُحيطً أيها بيديه قائلاً:
_ياسمين حاولى مش تفكرى بالأمور بالطريقة دى... حاولى تكونى قويه فى حبك لأن اللى انا شايفة دا مش حب دا ضعف والحب بيقوى يا ياسمين افتكرى كلامى دا كويس اوى...

نظرت إليه ياسمين قائلة : وانتَ

_ انا ايه...

_ اللى انت فيه دا مش ضعف... انك تتخلى عن حبك دا مش ضعف... انك تسيب البنت اللى بتعشقك عشان خاطر مشاكل مش ليها أى لازمة دا مش ضعف!

_ ياسمين الموضوع دا انتهى خلاص...

_ لأ... مش انتهى يا عمار.... اوعى تكون مفكر انى عبيطة وهصدق الحالة الباردة اللى انتَ فيها دى... تعرف انا ليه الوحيدة اللى مش مصدقة انك نسيت الموضوع... لأنى وبكل بساطة يا عمار عارفة قد إيه كنت بتحب "منه" قد ايه كنت هتموت عشان تشوفها بس بتضحك وفى الاخر كل الحاجات دى وكأن مش ليها وجود!... أنصح نفسك الأول يا عمار قبل ما تيجى تحاسبنى... طب انا والفرق بينى وبينه كبير جدا... إنما انتَ ايه اللى مانعك ولا حاجة...