#ثائر_في_بلاد_العشاق

الجزء الرابع

سار ثائر (بجسد نادين) نحو الشركه سريعاً دون ان يلتفت إلى رجل الامن ، و لكنه سمع صوتاً يناديه من الخلف فالتفت ليجده قد اسرع باتجاهه راكضاً ثم قال بعدها و قد وضع يديه على ركبتيه يتنفس بصعوبه :
-اس...استني

التقط انفاسه بصعوبه و اعتدل بعدها قائلاً بابتسامه عذبه :
-استني يا انسه... نادين مش كدا

فقال ثائر بملامح متصلبه (بجسد نادين) :
-اتفضل

فمد يده كي يصافحها قائلا :
-و انا كريم

فنظر ثائر إلى يده الممدوده و لم يعيره اهتمام قائلا و لم ترتخي تعابير وجهه :
-اتفضل

فسحب كريم يده بإحراج قائلاً :
اه ....آآآه انا ااا كنت عايز نفتح صفحه جديده يعني

فقال ثائر ببرود :
-ليه يعني عايز ايه

تلجلج كريم قليلاً و حك رأسه قائلاً :
-يعني كأصدقاء او كدا

فكر ثائر قليلاً و قال بابتسامه صغيره :
-تمام ... استأذنك دلوقتي يا استاذ كريم

فقال كريم بابتسامه عريضه :
-لا بلاش استاذ دي بقا ...ناديني كريم بس

ثم مد يده له بورقه صغيره دون بها رقم قائلاً :
- و دا رقمي لو احتجتيني فأي حاجه

فقال ثائر مبتسماً بتكلف :
-تمام يا كريم شكراً

فحك كريم عنقه قائلا ببلاهه :
-العفو

فانصرف بعدها ثائر (بجسد نادين ) نحو مكتبه فقابل نادين بالطريق (بجسده )
فحملق بها للحظات و كذلك هي ، و جذبها بعدها من يدها متوجهاً نحو المكتب
و بعد ان دلفا و اغلق ثائر باب المكتب التفت لنادين و شرارات الغضب تنطلق من عيناه (جسد نادين ) اما هي (بجسده) ظلت واقفه تماماً بمكانها لم تتحرك قيد انمله تحملق به بذهول
اقترب منها ثائر (بجسدها ) و امسكها من يديها بعنف و اخذ يهزها بعنف و هو يهدر بصوتها الانثوي الرفيع :
- انتي اتجننتي ولا ايه ... مجنونه انتي ايه اللي انتي لبساه ده

ابعدت يده بعنف و سهوله قائله و قد تلون وجهه الخشن بحمره غاضبه :
-انت اللي ايه دا لابسلي بيكيني دا ولا ايه و ايه دا ايييه دا لابس كعب 20 سنتي اللي انا معرفتش البسه

توجه ثائر نحو المكتب بغنج و جلس على مقدمته واضعاً قدم فوق الاخرى و اخرج بعدها سيجار فاخر من حقيبتها و اخذ ينفث دخانها بالهواء قائلاً باستفزاز :
- دا دلوقتي بقا جسمي انا و اتحكم فيه زي ما انا عايز

ردت عليه نادين محاوله مداراه غيظها :
-طيب و انا كمان البس اللي انا عاوزاه

اقترب منها ثائر سريعاً (بجسدها) و امسكها من يدها بعنف و هدر فيها بصوتها الانوثي قائلاً :
-طيب البسي اي حاجه بس مش بدله و عليها كوتشي...و منغير كرافت كمان طب ما كنتي تلبسي صندل احسن و لا تعالي بالشراب