بنـات حيـل اعتذر عـن تأخير البارتات
بس نشرت قبل كم يوم بارتين ونصدمت انو ممسوحات ثنينهن ورجعت كتبتهن من جديد وكتابة البارت حيل اتعب اسفة مرة لخ عالتأخير ونطوني مجال شوية واني اكوم انشرلكم اسرع 💙💙💙
-------------------------------------------
اصعـب شعـور يحس بي الانسـان هـوة من
يحس ضاقت بي الدنيـا يحس الدنيا بكبرها ما واسعته
حسيت الحياة وكفت بيه ماعرف شسوي تعب حيل ومحد حاس بيه رجعت للبيت
كمت من اطب اسد عيوني ماتحمل كل مكان بالبيت بي اثرها عطرها حركتهـا صوتها الي مجاي يطلع من اذني ضحكتها وبجيتها من تلاكيني من اجي كله يختفي بلحضه حرام والله تعبت كمت اشهك كعدت بالكاع وحطيت راسي بين رجلي وابجي بصوت خافت
كعـدت شفت نفسي بفراشي كلت ممكن اخواني
باوعت للساعة مو وكت جيتهم
نزلت لكيت امير كاعد عالقنفة ومدنك راسه وصافن
خرب شون خرعني
براء: اسم الله شبح انت شبح ادري تستحي اطلع صوت حتى اعرف انت هنا
امير: رفع راسه ونطاها نضرة بمعنى "انتي ثولة" يعني انتي نايمة شسويلج هذا اليسوي زين فتت عبالي مسويه شي بروحج
براء: احممم (تفشلت 😅) اصلا انت شون فتت
امير: من الباب
براء: واو صدك شهل سخافه
امير: يعني كيمياء الموضوع حضرتج شامره روحج يم الباب وعايفته مفتوح وداخله جو المسلسلات
براء: استغفر الله عبالك ضربته على ايده وكتله تعال ساعدني هالله هالله
امير: بصوت ناصي استغفر الله ياربي
براء: ليش تستغفر بصوت ناصي معاجبك
امير: عاجبج تتعاركين انتي
براء: احمم انت مطول
امير: لا رايح شون اسلوب
براء: لا لا مو قصدي اطردك خرب جفصتها يعني اذا تريد تضل ضل واذا متريد انت حر
(امداج براء )
امير: باوعلها بعدين فر راسه واستغفر وطلع
براء: اوي وشكلت اني شكد فارغ
انتي هم ثولة همة هيج يحجون اف شدخلني شمعرفني حساس الاخ
خل ادك على روان تجيني اذا اضل شوية يصير بيه توحد
داريد ادك عليها ندك الباب بدكات متقاطعه وغربية
جنت مترددة افتح لو لا بعدين قويت نفسي ورحت باوعت من فتحة صغيرة اني مسويتها اباوع منها لكيت رجال كلت اخذ سجينه واروح ركضت اخذت السجينه وفتحته
وكعت السجينه مني وضليت جامدة بمكاني
بب...بَبَا...باباااااااااا
وجها كله دم وجسمة همين
ركضت لزمته ووديته للصاله وكعدته ركضت جبت علبه مال اسعافات اوليه وبلشت اضمد جروحه محجيت شي وبس عيوني تبجي
انطيت وعد لنفسي ما احجي وياه ولا اسأل عنه كملت كلشي
وكمت سويت شوربه عل سريع حطيتها كباله وكتله اني صاعدة داروح ولزم ايدي
براء بابا شلونج!
براء: هه يهمك
ياسر: مشتاقيتيلي
براء: نترت ايدي منه ورحت
صرت ما اطيق اشوف شكله ولا عبالك احنه اهله ولازم يدير باله علينا ممهتم وهوة بفاتحة امي ما كلف نفسه يجي
سمعت صوت اخواني اجوي وكاعدين يحجون وياه
مفهمت بس صوت حجي كأنوا عبالك ديعاتبوا هه والله مصدكين رواحتهم عساس يفيد الحجي حطيت سماعتي بأذني صراحة اصواتهم متنطاق واحد يسمعها
شوي واجوني للغرفة وضلوا يسألون
علي: عساس بيت جدي سافروا لتركيا
براء: صدك!
علي:اي وخالوا عافهم وسافر هوة ومرتة مدري وين يمكن المانيا وضلت بيبي وجدو عايشين بقرية
وهم سمعت جدو صحته مو زينه
براء: شكد مشتاقتله بس بيبي مو حيل احبها
علي: كليلي منو تحبي اصلا
براء: عفيه اذا تريد تبلش محاضرة ترا لعبانه نفسي
علي: اسكتي خل اكمل اني ويزن حنسافر من نكمل السادس
براء: شنوووو شدتحجي انت كل عقلك
يزن: حبيبي براء هل شي يضمن مستقبلنا حنكمل دراستنه بره
وميلكم فلوس اطلعون
لا كدرنة نجمع مبلغ وماما همين الله يرحمها جانت تعرف بروحتنة وضامتلنة مبلغ
وين اولي اني؟
ليش بابا موجود وبيت عمة
هه بابا! هههههههههههههههههههههه لا لا جد ضحكتني بابا يوم هنا وعشرة لا وبيت عمة ما اطيقهم ولا يطيقوني شدتحجي انت
علي : اترجاج هاي فرصتنا نغير من وضعنا ونحقق حلم ماما الي تعبت حتى تشوفنا بمراكز زينة نسيتي
براء: كلبي وجعني من جاب سيرتها اوف علي مشتاقتلها حيل
ااااه هوة منو الممشتاقلها كسرت ضهرنا بفراكها
براء: حبيبي علي روحوا انتوا لتشيلون همي ادبر نفسي وعلى كولتك بيت عمة موجود
حبيبي انتي يالله تصبحين على خير
وانت من اهله
________________________________
علي ويزن خلصوا السادس وجان معدلهم عالي يسمحلهم يدرسون طب
