صارت سـاعة 11 بليـل
ام روان: يالله ولكم ترا مضل شي عدوام وباجر اخذكم تسجلون بغير مدرسة عود براء حبيبي كولي لعمتج تجي
براء: اي خالة اوكي
ام روان: ترحين علمي لو ادبي
روان: اكيد علمي شمتوقعة من سجاجة مثلها
براء: لا نجبي اني اصلا مو زينة
روان: اخخ شكد تصيرين ثكيلة دم من تبينين روحج غبية لج اني لو عندي شوية من عقلج والله اصير من المتفوقين زمالة احد عندة هيج عقل وميشد حيلة عدراسة ماشاء الله يعني تحط الورقة كم مرة تحفضها واني اعيد واكرر وكلشي ماحفض
براء: هاهية لعد كعدت السنه مانجح هسه اخاف اتحرك منا لهنا ويصير بية شي قل اعوذ برب الفلق شنو هل شؤوم خرب ببليسج
ام روان: اكلك تمشون نتمشة شوية شو احس روحي ضايجة
روان: اللهم كثر حسحست ماما يارب
براء: باعت عليها لا مو صاحية 🙄
ام روان: عابتلج امشن بدلن خلي نتمشة
كمنة دنبدل
براء: لبست بنطرون ابيض وبدي نص ردن اسود وبي كتابة بالابيض ورفعت شعري ولبست كاله بيضة
جنت دائما اخلي ملابس الي ببيت روان لان ابات يمهم نوبات
روان: لبست بنطرون جينز وبدي نص ردن وردي ورفعت شعري
ام روان: يالله عاد فضوني تأخرنا هيه شوية ونجي
براء وروان: يالله اجيناا
براء: اني كملت راح انزل
روان: لا بربج ابقي هسه اشبع رزايل
براء: بوسي ايدي اضل
روان: تستغل كل الفرص امشي نزلي عابت
كملت اصلا نزلنا وطلعنا
كمنة نتمشة بالسوك جانت المنطقة مالتنة مرتبة
تعالوا نفوت لهل محل جاي اخذ كم شغلة ونطلع
براء: شهكت بصوت ناصي
روان: يا ستار استرنا من شهكة براء شكو ولج
براء: بس تضرب ايد روان وفاتحة عيونها
ولج روان لحكي تذكرين الولد الي شفناه من جنة نركض من ذولي الادبسزية
روان: روان وصايرة كبال براء اي هذاك الصاك خرب عمي شبي
براء: حطت ايدها على حلكها لا لا لا روان مو وكت تجفصيها
روان: هاي شلطشتي من يوم صار الموقف ونتي تحجين عالولد ادري شسوالج والله جان حباب
براء: حبيبي روان ميحتاج يعني هل مديح تكدرين تنجبين وسكتين الولد وراج حجيتها بسرعة شنو رأيج تشكري وجه لوجه مادامج جافصتها جافصتها🏻🏻
روان : شهكت براء الله عليج كولي غيرها
براء: ياريت وتهز براسها بعدم الحيله
روان: دارت وجها على كيف لكتة صافن عليهن
انطيته ضحكة مال استهبال 😁
براء: حسيت الوضع حيصير بعد اتعس سحبتها
عمر: دقيقة بس صدك عود اني هيج حلو والله عمي هنيالي
براء: مو وكت زناختك هسه ودخلتها للمحل
ام روان: كتلكم انتضروني برة ما اطول
براء: ها لا مو اكو ولد ضايقنة
ام روان: وينة اني اعلمة هذاك مو
براء: خاله بربج عوفي اترجاج مالج علاقة
ام روان: دوخري خل اعلمة
براء : حطيت ايدي على وجهي ومستقبلة الفشلة بس الصدمة من اعتذر الولد وراح عزا خالتي غسلته غسل بالرزايل يربي شهل فشلة
ام روان: شفتي شون ادبته هل قليل الادب احسن خل يتربه
براء: خالة يعني ماله داعي ناقص بس اتفلين عليه
روان: يستاهل الادبسز
براء: صدووووك اكلج مو جذبتي الجذبة وصدكتيها
ام روان: شنو؟!
براء: خالة هاي الغاز بيني وبينها يالله امشو ترة نشف ريكي راح اعزمكم على عصير
رحنـة محل قريب كعدنة بي
خمس دقايق ووماحس غير ايد لازمتني وتسحل بية كلشي مفتهمت
لا يا الله جد مو وكته
امير شدسوي وخر اني مو زعطوطة تسحلني وراك
امير: خالة اعتذر بس راح اخذ بنت عمتي يالله مع السلامة بيباي بيباي
براء: اضرب اكرص اخرمش بايدة ولا عبالك تكول حجار مو ايد
ادري انت تمساح متحس
امير: امشي يالله ادبسز اني اعلمج
عبالج السالفة سايبة ويخلالج الجو
براء: ضليت صافنة هذا شديلغي
انت هي هي شنو السالفة سايبة مطلعني من ملهى ومادري عبالك تضربني لو تتجاوز علية راح اكعد ابجي واكلك امرك لا عيني فاهم غلط
ضليت اجر بأيدي بس ماكو حسيت ايدي راح تنخلع
وصلنا للسيارة فتح الباب وشمرني وراح ركب واني ابد سكتت وكلشي ماحجيت 😂😂
امير: بعياط لج بس بس من صعدنا لحد هسه مسكتي لحضة
براء: إه إه فزيت من عياطة هاي صدك جنت احجي اي والله كوة اجر النفس خرب ماعرف اسكت
وصلنا لبيتهم نزلني بكل ادب واحترام من شعري خطية شكد رقيق
استاذ امير ممكن شعري تهلس؟
امير: اني اعلمج ادبسزز كاعدة تفتر وتتمضحك بشوارع عبالك ماكو زلم اضبها
براء: وهذا الا يضبني من شعري لك ابني امك متوحمة على جر مال شعر شبيك يلزم بلا وجع كلب
شمرني بالمطبخ واني اللعلع
امير: شوفي لج منـا لحد مايجون اخوانج مالج طلعة من البيت تفتهمين
براء: بصوت عالي لا مافهمت شنو انت كلش داخل بالدور اصحى عندي اب وعندي اخوان بعدهم يشمون الهوى يعني مالك سلطة علية لتعيش اجواء ابن العمة الي يغار على بنت خالة وكاتل روحك انت مالك دخل بية مو ولي امري
امير: انجبي لج مسمية ابوج السكير زلمة لو اخوانج الي راحوا داحوا بتركيا وعافوج بشوارع
براء: لا ارادي وبدون اي حساب مسبق حسيت ايدي من وحدها ضربتة
بصوت مبحوح وبي بجية
ماسمحلك تجيب طاري اهلي تفهم وابوي واخواني يشرفون راسك تفهم
امير: متحملت الي سوته طببتها للغرفـة انتي لازم واحد يرجع يربيج من اول وجديد يا كلبة
براء: هه لك انت مسوي نفسك زلمة راح تضربني ولك عشت الامر منة جاي تريد تخوفني هاك يالله اذا انت زلمة اضرب يالله طلع رجولتك
امير: براء طلعي من الغرفة
براء: كلكم هيج حثالة وطلعون رجولتكم عالنسوان
فتحت التيشيرت مالتي
هـاك شوووف شوووف جسمي الي تتعرض لكل هل عنف والضرب راح تخاف من واحد جر شعرها؟؟
امير: ضليت صافن جد اجتي رجفة بجسمي من منضر جسمها كلة ازرك
ماعرف شنو جنت لازم اسوي بس جنت الي اعرفة ومتـأكد منه انو براء لازم تطلع من الغرفة
امير: براء طلعي برا طلعييييييي بصوت عالي
براء: ضحكت ضحكة مال استهزاء بي بلشت افقد كمت اضحك بهستيرية اضحك وابجي
وطلعت بمنضري اليبجي وشعري المنتول وملابسي المشكوكة
كعـدت بالهـول ورة شوية نزلت عمتي
يمـة بسم الله شدسوين هنا وليش هيج شكلج
براء بكلبي: انتي الي بسم الله كل هل عياط ودراما الي سواها فرخج ومتدرين امداني اي والله
براء: احم لا والله بس مبين امير مشتهي جيس ملاكمة لكاني اقرب وسيلة يالله عمة اني حولي لبيتنا
شيماء: شكو شكو وين رايحة ماخليج ترحين وحدج وتعالي احجيلي شبيج ليش هيج حالج
براء: لتخافين شايفة الاتعس وبيتنا قريب اخذت الجنطة مالتي وطلعت
كمت امشي وابجي الدنيا ليل ومحد يشوفني
كمت ابجي واحجي بصوت عالي فقدت الشعور كمت بس اطلع اي شي افكر بي بعياط ليش ياربي ليش اني من دون البنات خلقتني بهاي العائلة ليش ياربي يرضيك يرضيك العذاب البي اني
شنو ذنبي هيج انذل
اليوم ياربي اليوم الخايفة منه اجه كاموا يعيروني بابوي ياربي ماعرفت ارد ولا ادافع عنة هاني واذاني المفروض هوة سندي المفروض هوة الشي الافتخر بي كبال كل العالم واكول هذا سندي هذا الكسر ضهره علمود اني أوصل وانجح اخخخ ياربي ليش اني ليش
رجعت للبيت قفلت الباب باوعت البيت فارغ هه كالعادة صعدت اخذت دوش وطلعت بدلت ملابسي ومددت طلعت اغاني وعليتها بصوت عالي
( اصالة- حب ضروف)
مـن يوصل الانسان لمرحلة الا شعور خلاص يتعب من كلشي يبقى يواسي نفسة بنفسة ويحتضن نفسة ويصبر نفسة بنفسة لانو ماعدة شخص يوكف وياه ينتجي عليه ويشكيلة همه ويكون هوة السند فقدت الكل وضلت وحيد وماعدي اي سند واي عائلة تحميني تعلمت اداوي جروحي بنفسي
---------------------------------------------
كعـدة الصبح على المنبه 7:30
انطيت وعد لنفسي انو ابني حياتي من جديد وراح ابني اساس قوي والي هية دراستي
سويت ريوك تريكت وغسلت الماعين
وسويت كوب كهوة وطلعت برة عالحديقة وبلشت اقرة للرابع وجبت الكتب
اجاني مسج من روان
"حبيبي ضل بالي يمج انتي ويـن"
دكيت عليهـا
هـا ولج انتي شون البارحة تغلسين علية مشفتي من سحلني ضليتي تباعين عبالك مسرحية
روان: انتي شفتي يمردني بأصبع رجلة لزمت ايدة ععود داريد اوخرة لزم ايدي ووخرها من بارحة لليوم ايدي توجعني
براء: اححح اي ونبي اني صلخني صلخ 😂
شعري نصة راح بيدة
روان: جد مو طبيعيه انتي شكلج كال وتحد كاتلج البارحه
يمعودة غلسييييييييي تعودت صرت جلب من الكتل ضلت عليه
روان: اريد ادعي عليه بس انتي اكيد مكفية وموفية خاف ادعي وتكمل عليه نوب تخسف الكاع بي
براء: الله ياخذه شكد مكروه شون داخل بالدور الحيوان
روان: راح اجيج وتجين تسولفيلي
براء: يالله انتضرج اسويلج كهوة بين ما تجين
روان: هههه شهل دلال اوك
براء: مليقة هههه
كمت داسوي الكهوة وماحس الا ابو الهول اجة
امير: انتي البارحة شون اطلعين من البيت هاا
براء: بنترة صباح النور
امير: مجاي اصبح عليج
براء: هففف امير شعدك جاي
امير: كومي جيبي غراضج وتعالي يالله مضلين وحدج بالبيت
براء: مالللك دخـلل !! تمـام حكتبها على كصتي مالك دخل
امير: لحد الان متحملج لتخليني اراويج وجهي الثاني
براء: امير لا لا والله هسه اجي بس
حباب لتعصب تعرفني اخاااف ههههههههههههههههههههههههههههاي اخ اخ بطني ههههههههههه يبوو بطني
لك تدري تحتاج الاوسكار شهل تمثيل شهل عمق بالدور يعني فايت بالدور كلش
امير: استغفر الله ياربي شهل بنية لج انتي متعبين من العناد
براء: لا ما اتعب تفهم والبراسي اسوي خليني ساترة عليكم وساكتة بهل بيت متعرفني من اطك براسي شسوي
امير: هه شسوين ولو اتوقع من وحدة البارحة لاكفها بالشارع كلشي تسوي
براء: اسمع امير اني تربية بثينة يعني متجي انت تعلمني الصح من الغلط تمام اعرف حدودي عدل واعرف شون اخلي راس اخواني وامي وهيه جوة التراب يترحمولها عتربيتها تمام
امير:اجاني اتصال من صديقي وهل انتصال منتضرة من زمان حتى يطمل الشغلة الي موصي بيها
لا عبالج خلص اخليج تجين تجين
براء: تمام راح اخليها من ضمن مخططاتي هه والله يالله عايش الدور حيل
سد الباب وراك هه والله يالله شكد تافه
روان : جتي وهيه تركض ولج هذا شديسوي يمج يمـة عزاا
براء: مالج دخل هذا واحد شايف نفسة ومحسس روحة هسه هوة ولي امري والوحيد اليساعدني واني تحت وصايته. وهوة سندي أوي أوي
روان: كطييعه شكد عايش الدور هههههههاي
روان: لج براء هاي شنو الكتب؟!
براء: اقريها شنو ششايفة كتب من هسه اقرة لازم اشد حيلي وانجح ولو ناسية شون واحد يقرة اصلا ههههه ماعرف شون نجحت
روان : اني اساعدج بس شوية انتي شدي حيلج
براء: انشاء الله يالله امشي نكعد بالمرجوحة رحنا كعدنا شوية وندكت الباب
افف ياا الباب اليوم مراح يسكت روان رواحي فتحي الباب حبابه
راحت فتحت الباب طلعت عمتي وبناتها لا يا الله مو وكتهن جد
شيماء: هلا حبيبتي شونج يا عمري مشتاقتلج
براء: إإه عمة خنكتيني شلحكتي تشتاقيلي البارحة شفتيني
شنو يعني هاي تطريدة
براء: لا دامكم اجيتوا تعالوا كعدو
سماح: عوع على شنو شايفة روحها ترا حيل اوڤر
نور: شبيج ترا مسوت شي على شنو ضايجة
سحر: انجبي انتي مدشوفين شون تعاملنا لج سلام مسلمت علينا كبر
روان: اني راح اروح اسوي الكهوة
براء: حبيبي ماكو داعي جيبي عصير وخلاص لتعبين نفسج
سماح: كبر والله حكوم اذبحها
سحر: اي والله تبردين كلبي
براء: شردت اكلج عمة باجر تعالي وياي حتى نسجل بالمدرسة
شيماء: لا عمة خليج بهاي احسن
براء: هاي بس ادبي 😒
شيماء: خاف عايزة ادخلين علمي لا حبيبي ماكو غير الادبي
براء: يعني هسه اكلج حاضر واسمع كلامج كتلج اريد علمي مو بكيفكم حلوة هاي
شيماء: كتلج ماكو تمشين كلمتج علية؟!
براء: والله ماذكر طلبت رأيج بخصوص الدراسة الي اريدها تمام الي اريدة اني يتنفذ ومحد الا دخل بيه تمام خلوها ببالكم
شيماء: طولان لسانج عيوني اشو ماروح واعلى ما بخيلج اركبي خنشوف منو ينقلج
براء: لا لا عفية ضاله جوة رحمتج كمت وعفتهم وصعدت فوك وروان لحكتني
باوعت ذولي لا احساس ولا شي خل اكوم اطردهم احسن شهل قلة الذوق واحد يحس شوية
روان: براء بربج لا مناقصين مشاكل باعي باعي هاي كامن مالج دخل
براء: مليقة ضوجتني ويع
روان: شنو براء وهسه شون
براء: شنو شلون اروح اني وخالة واكللهم ماعدي ولي امر شنو يعني اسهل منها ماكو واوديلها شهادة وفاة امي وابوية مفقود فضت راحت
روان: اي نشاء الله اكلج اخوانج لحد هسه ما اجاج اتصال منهم
براء: سكتي لتذكريني كلبي يرجف رجف عليهم حيل خايفة
روان: اوووي شهل فال كولي انشاءالله خير شمدريج يمكن فوناتهم ضايعة
بس بيت جدي عدهم رقمنا جان دكوا علينا
روان: عدهم رقم ابوج وهوة مموجود تلكي كايليله ومطمني
براء: اوف نشاء الله ياربي خير
