بـراء: عمـو استعجـل دخيلك
امير: اهدي اهدي شبيـج
براء: افففففف شون نسيت
امير: هاهيـه وصلنا مبقى شي
براء: لا يربك باع الازدحام
امير: شفتي الحض
براء: لازم اتصرف نزلت بسرعـة وصـرت اركـض
امير: براء براء هاك عمي
كمـت اركض وراها
براء: ها بيـك حيل تركض وياي
امير : مستعـد اركض وياج العمر كله
براء: جيـد لعـد راويني لايقتك
امير: ولـج شنو انتي مكيـنه رجلي تفلشت
براء: امشي امشي لتضل تحجي
وصـلت للفـرع مالت بيتـهم واحـس شفت باب الجنة
فـتت للبيـت اركـض
عـلي: لو عندي وكـت جان رزلتـج امشي يالله
براء: احححم يـ الله مع السلامـة عمـة مع السلامـة اميـر
طلعـنا
سمـاح: علفـكرة شـدعوة شايفـه روحهـا هيـج ترا السلام لـ لله صغيـرة ومتعـرف يعني
سحـر: عوفيـها وحـدة كلبه مثلهـا شتترجيـن منهـا ابوهـا سكـير وامهـا مـن برا هالله هالله ومـن جوة يعـلم الله والعيـاذ بالله ماريـد احطهـا بذمتي المرة ميتـه
بـراء: علي اسفـه والله مادري شـون لتهـيت
علي: يالله مصار شي المهم لحكنـا عالطـيارة
براء: راح نضل هناك لو نرجع
علي: لا منكدر نضـل هواي خـطر علينـا
بـراء: لعـد شعـدنا هنـاك دفهمنـي
عـلي: لتلحـين كلشي بوكـته حـلو
بـراء: زيـن انـي اريـد اشـوف صـديقتي روان
علي: هفففف احـاول
بـراء : ادري شنـو كلشي ميصير يعني تحسسـني ارهـابيـة فايتيـن
علي: براء حبيبي انتي بابا متورط بسالفة جبيـرة مـو بـس فـلوس هـوة حتى قضيـة شرف بابا مهـدور دمـة وبيـت عمـة اجـوي لهنـا بسـبب التهـديدات الي تجيهـم ولو عمامنا هم هنـا وممـسافـرين جـان هـم تهـددوا مثلهم بابا ورطـنا بسالفـة جبيـرة يعنـي كلش خطـر علينـا نـضل هنـاك
بـراء: استغفـر الله ياربي صبرني وخليني لازمـة لساني عـن هل اب
علي: الله كريـم
وصـلنا للعـراق اخـذنا تكـسي ورحـنا فـندق جـان علي حاجـزة مـن قبـل لنـجي
علي: راح اطـلع ابـد لطـلعيـن منـا تمـام
بـراء: امممم تمـام تمـام
عـلي طـلع وضـليـت وحـدي
ديـلا قـابل شـنو واذا طـلعت عادي عادي قابـل مترصـدين النا
طـلعت مـن الغـرفـة
جـان الفـندق قـريب على المنـطقة مالتنـا اي خـوش حتى اروح لروان
طبعـا جـنت انـدل الامـاكن
فـتت بالمنـطقة مالتنـا ورحـت على بيـت روان
دكـيت البـاب
طلعـت روان بـس اخـترعت مـن شفتهـا
روان: بصـوت مخنـوك
بـراااء وشمرت روحهـا بحضـني
براء : يباي ولج شبيـج وكعـتي كلبي يمعـودة
روان: بدون كلام بـس تبجي
بـراء: ولج روان خرعتيني احجي
روان: بـراء ماما راحـت
براء: شش شنو شنو راحـت ولج فهميني شنو راحـت احجي لتوكعيـن كلبي
روان: فوتي خـل احجيـلج
براء: دخلـت جوة وجبـت كلاص مـي لـروان
اهـدي واحجيـلي شصار ويـاج
روان: براء ماما جان بيـها سرطان بالكبـد
براء: شنو شدتحجيـن
روان: مـن كالتلي جـان المرض مطـور حيـل بجـسمهـا وجـان لازم تـاخذ جرعـات كيميائي
بـس كـلفت الفـلوس مال علاج مجان عـدنة توسـلت بيها تداين كالت اني مضامنـة عمـري نـوب يوكع الديـن بركبـتج
براء ماما عافتني براء بعـد ما اشوفهـا
براء: هيـه تحجي واني الدموع تنزل
حضنتـها وضليـنا نبجي سوة حيـل نقهـرت جانت الي الام الثانيـة مـن عافتني امي وهيـة للي اداريـني وتنـصحني
بـراء: روان اعرف هل شي صعـب عليـج بـس لازم تتعـدين هـل مرحـلة وتفـكرين بالاهـم
ويـن حتـرحين
روان: ونـوب على سواد حضي صاحـب البيـت كال اريـد البيت تفرغوا
بـراء :شنـو يعنـي تضـلين وحـدج مسـتحيـل ماخـليج
روان: ماعرف لاعندي اهل ولا عمام ولا خوال امي جانت هيه اهلي وعشيرتي وحتـى عمي الوحيـد تخلى عني وكلي مالي دخـل بيج
بـراء: كومي
روان: شنـو
بـراء: كومي كومي يالله امشي لغـرفتج
رحت لغـرفتها وجمـعت ملابسـها
روان: براء شدسوين انتي
براء: ماكدر اعوفج وحـدج وينهـدم حياتج ومستقبلج
يالله امشي نطـلع
روان: براء انتي شدتحـجين مسـتحيل اسوي هيـج شي
براء: مسألتج عن رأيج
اخـذت الفـون مـن ايـدها وكـتلها تتصـل عـلى صاحـب البيـت
براء: السلام عليكم اخويـة بالنسبـة للبيـت الي جانت ساكنـة بي ام روان لا لا مو هيـج
دكيـت اكلك انـو الخميـس المفاتيـح بيـدك تمام
يالله امشي وياي
رحـت للفـنـدق كعدنا بالغـرفة
ورها بنـص ساعـة فـات علي
سـلام عليكم ها رونـه شـونج ولـج
لعـد شنـو دكت عليـج براء
بـراء: ااااا اكلك علي حبيبي تعال وياي نجيب عصيـر مـن برة
علي: ااااا يالله تمام شبيـج
نـزلنا جـوة
بـراء: علي اريـد اكلك شـي
عـلي: هـا كولي شنـو
بـراء: [...]
عـلي: هـاي شنـو شـدتحجـين انتي مسـتحيـل مـاكدر اسـوي هيـج شي البنيه غريبة منكدر نتحمل مسؤوليتها
براء: علي اترجاك روان مو اي صديقة روان اختي ربيـت وياها مـن احنـة صغار وكبـرنا سوة صحيح الله مرزقني باخـت بس هيه جانت بمقام اختي المجابتها امي واني ماكدر اتخـلى عـن اختي بهـل سهـولة
علي: بـس بـ..
براء: علي اترجاك بـدون بس احلفك بروح امي
علي: لـج احنـا حنسافر لتركيـا يعني شـون تسافر ويانـة وهيـة قاصـر
براء: شون يعني
علي: لج بابا روان عمرهـا 16 سنـة يعني تحـت السن القانوني يعني محـد يختملها جوازها اله عندها وصي يسافر وياها
بـراء: وبيهـج حالة شنـسوي
علي: لازم عمـها يسافر ويانـة
بـراء: زيـن تكـدر تعقـد عليها
علي: شنـووووو شدتحجين انتي كمتي تلوصيـن بالحجي
براء: لا مدا اللـوص بالحجي علي افهمني انت راح تعقـد عليها بس عقـد يعني حبر على ورق علمود نطلعهـا ويـانة اترجاك
علي : ماعـرف هـل شي راح يـأخرنا والتـأخير مـو لصالحنا انتي تعرفين وضعنا كلش زيـن
بـراء: لا علي نستعـجل بالامور الله يوفقـك
علي: روحي سأليها لتخوطيـن بكيفـج
براء: يعني قبلت!
علي: امري لله منو يتقارش بحبيبة الكلب روان
براء: كمـت اعصر بخدودة
لك امـوت عليـك ياكلبي انت اوي اوي اوي شهل وجه الينكرط
علي: يالله كافي ولج
بـراء: اروح احجي وياها
علي: يالله انتضرج
براء: ها شكلتي
روان: براء مستحيل انتي شدتحجين كل عقلج ماكدر
براء: روان اترجاج ماعدنا غير هذا الحل ابوس ايدج وافقي
روان: وعمي شلون
براء: دخيطير هذا هسه بس نكوله يكول الف رحمة على والديكم
روان: ماعرف ماعرف
براء: روان يعمري انتي والله ماعـدنة غير هل حل ترديني اعوفج بهـل حالة
روان: عاد نشاء الله يقبل عمي
براء: شنو شنو شنو يعني انتي قبلتي
روان: حيوانه هسه اغير كلامي
براء : لا دخيلج جبدبد كلشي الا كلامج يتغير
روان: هههههههههههه حيوانـة
براء: هلا بـزوجة اوخوي
روان: ايا جلبه سوالفج هاي راح تخليني ابطل
